Dutheronomi 28:15 - Siswati 1996 Bible

¹⁵ “Kodvwa nangabe ningamlaleli Simakadze Nkulunkulu wenu, ningayilandzeli ngekucophelela yonkhe lemiyalo yakhe netimiso takhe lengininika tona lamuhla, tonkhe leticalekiso tiyawukwehlela etikwenu tinehlule:

Dutheronomi 28:15 Referencias Cruzadas

Genesisi 3:14

Nkulunkulu Simakadze watsi enyokeni: “Njengobe sewente loku, sewucalekiswe ngetulu kwato tonkhe tilwane: tonkhe tifuyo, nato tonkhe tilwane tesiganga. Sewuyawuhamba ngesisu sakho, ngesikhatsi sonkhe sekuphila kwakho udle lutfuli lwemhlabatsi.

Genesisi 4:11

Sewucalekisiwe emhlabatsini lekunguwona ukhamise umlomo wawo wemukela ingati yemnakenu esandleni sakho.

Genesisi 4:12

Nawulima umhlabatsi, ngeke usakunika sivuno sawo lesihle; wena sewuyawuba ngumhambuma neluzulane emhlabeni.”

2 Tikhronike 12:5

Umphrofethi Shemaya weta kuRehobowamu nakubaholi bakaJuda lababehlanganele eJerusalema ngenca yekwesaba Shishaki, wafike wakhuluma kubo watsi: “Naku lokushiwo nguSimakadze, utsi: ‘Ningilahlile, nami-ke senginiyekelela kuShishaki.’ ”

2 Tikhronike 34:24

Naku lokushiwo nguSimakadze, utsi: Ngitakwehlisela inhlekelele kulendzawo nakubantfu bayo, tonkhe leticalekiso letibhalwe kulencwadzi lefundvwe embikwenkhosi yakaJuda.

2 Tikhronike 7:19

“Kodvwa nangabe nine nigucuka nifulatsela timiso tami nemiyalo yami lenginiyale ngayo, nihambe niyewukhonta labanye bonkulunkulu nikhuleke kubo,

Isaya 3:11

Maye kulababi! Inhlekelele isetikwabo! Kuyawuphindziselwa kubo njengekwenta kwetandla tabo.

Jeremiya 11:8

Kodvwa abazange bangilalele, abazange sebanginake nekunginaka, esikhundleni saloko bonkhe balandzela inkhani yetinhlitiyo tabo letimbi. Ngako ngehlisela etikwabo tonkhe ticalekiso talesivumelwane lengangibayale ngaso kutsi basilandzele kodvwa labangazange basigcina.’ ”

Jeremiya 26:4

Khuluma kubo utsi: ‘Naku lokushiwo nguSimakadze, utsi: Naningalaleli kimi nilandzele umtsetfo wami lengiwubeke embikwenu,

Jeremiya 32:23

Beta kulo bafike bangena balidla lelive; kodvwa abazange bakulalele wena nome bawulandzele umtsetfo wakho. Abazange bakwente loko wawubayale ngako kutsi bakwente. Ngako wase wehlisela etikwabo yonkhe lenhlekelele.

Jeremiya 36:31

Ngiyawumjezisa yena kanye nebantfwana bakhe, kanye netinceku takhe letimsingatsile ngenca yebubi babo; ngiyakwehlisela etikwabo kanye nakubo bonkhe labakhile eJerusalema nakubantfu bakaJuda tonkhe tigameko lengitikhulumile ngemelana nabo, ngobe abakangilaleli.’ ”

Jeremiya 36:7

Mhlawumbe bayawutincengela embikwaSimakadze, ngulowo nalowo aphendvuke endleleni yakhe lembi, ngobe lulaka nentfukutselo lasayibekile Simakadze kumelana nalabantfu yinkhulu kakhulu.”

Jeremiya 40:2

Kwatsi lendvuna yabomahlalesangweni nayimtfola Jeremiya, yakhuluma kuye, yatsi: “Simakadze longuNkulunkulu wakho wakhipha livi kutsi lendzawo yehlelwe ngulesigemegeme.

Sililo 2:17

Simakadze wente loko labesakumisile; ulifezile livi lakhe lalimemetela kadzeni. Sewubhidlitile, wangete waba nesihawu, wente sitsa sakucoloshela, uluphakamisile luphondvo lwetitsa takho.

Hoseya 7:12

Batawutsi nababaleka, ngijikijele linetha lami etikwabo. Ngiyawubadvonsela phansi njengetinyoni tasemoyeni. Nangibeva bancwabelana ndzawonye, ngiyawubabamba.

Malakhi 2:2

Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”

Dutheronomi 11:28

Kuyawuba sicalekiso kini, naningayilaleli imiyalo yaSimakadze Nkulunkulu wenu, niphindze niphambuke endleleni lenginiyale ngayo lamuhla, bese nilandzela labanye bonkulunkulu leningazange senibati.

Dutheronomi 28:2

Tonkhe letibusiso tiyakwehlela etikwenu tinilandzele, nanilalela Simakadze Nkulunkulu wenu.

Dutheronomi 28:45

“Tonkhe leticalekiso tiyawunehlela, tinilandzele tize tinehlule tinibhubhise, ngobe anizange nimlalele Simakadze Nkulunkulu wenu ngesikhatsi aniyala kutsi niyigcine imiyalo kanye netimiso takhe.

Dutheronomi 29:19

“Nangabe umuntfu lonjalo eva emavi alesifungo utincengela yena sibusiso kuye ngako angacabanga atsi: ‘Ngitawuphepha nome ngingachubeka ngitihambele ngeyami indlela.’ Loko kuyawehlisela sicalekiso emhlabatsini lomanti nakulowomile.

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.

Joshuwa 23:15

Kodvwa njengobe tonkhe tetsembiso letinhle taSimakadze Nkulunkulu wenu tivele tafezeka taba liciniso, kanjalo Simakadze utanehlisela konkhe lokubi lanicwayise ngako kutsi kutanehlela, aze anibhubhise nonkhe kulelive lelihle laniphe lona.

Joshuwa 23:16

Nanisephula lesivumelwane saSimakadze Nkulunkulu wenu, laniyale ngaso, nahamba nakhonta labanye bonkulunkulu, nakhotsama embikwabo, intfukutselo yaSimakadze itanivutsela, nibhubhe ngekushesha kulelive lelihle laniphe lona.”

Tikhulu 2:15

Kwakutsi njalo baka-Israyeli nabaya kuyakulwa, sandla saSimakadze sibahlanekele njengobe abefungile kubo. Babaselusizini lolukhulu.

1 Samuweli 4:10

Ngako emaFilisti alwa, ema-Israyeli ehlulwa, kwaba nguleyo ndvodza yabaleka yayakutindvumbeka ethendeni layo. Kwaba nekubulawa lokukhulu, kwafa emabutfo ema-Israyeli labeti-30 000.