Dutheronomi 27:13 - Siswati 1996 Bible

¹³ Letive leti ngito futsi letiyakuma naseNtsabeni i-Ebhali tikhulume ticalekiso: sive sakaRubeni, nesakaGadi, nesaka-Asheri, nesakaZebuloni, nesakaDani kanye nesakaNaftali.

Dutheronomi 27:13 Referencias Cruzadas

Genesisi 29:32

Leya wakhulelwa, watala indvodzana, wayetsa libito watsi nguRubeni, ngobe abetsi: “Simakadze ukubonile kuhlupheka kwami, manje indvodza yami seyitangitsandza.”

Genesisi 30:20

Leya watsi: “Nkulunkulu unginike sipho lesihle. Manje indvodza yami seyitawubambelela kimi, ngobe sengiyitalele emadvodzana lasitfupha.” Ngako wayetsa libito watsi nguZebuloni.

Dutheronomi 11:29

Ngesikhatsi Simakadze Nkulunkulu wenu aniletsa kulelive leningena kulo kutsi nitewulidla, tibusiso niyawutimemetela eNtsabeni iGerizimu, ticalekiso nitimemetele eNtsabeni i-Ebhali.

Dutheronomi 27:12

“Niyakutsi nase newelele ngesheya kweJordane, tive letiyakuma eNtsabeni iGerizimu tibusise sive sonkhe kuyawuba bakaSimeyoni, nebakaLevi, nebakaJuda, nebaka-Isakhari, nebakaJosefa kanye nebakaBhenjamini.

Dutheronomi 27:14

Sive sakaLevi siyawukhuluma siphakamise livi laso kuwo onkhe ema-Israyeli sitsi:

Dutheronomi 27:4

Niyawutsi ningewela umfula iJordane, bese nimisa lamatje, niwembele eNtsabeni i-Ebhali, njengobe sengishito lamuhla, bese niwahuca ngemcakaco lomhlophe.

Joshuwa 8:33

Bonkhe baka-Israyeli, betive nebemdzabu ngalokufananako, nebaholi babo, netindvuna tabo, netikhulu, babeme ngala nangala kwelibhokisi lesivumelwane saSimakadze, bonkhe babheke ngakulaba babeletfwele, baphristi lababengemaLevi. Incenye yesive yayime embikweNtsaba iGerizimu, lenye ime embikweNtsaba i-Ebhali, njengobe Mosi, inceku yaSimakadze, abebayalile ngaphambili, ngesikhatsi enta umlayeto wekubusisa sive sema-Israyeli.