Dutheronomi 26:5 - Siswati 1996 Bible

⁵ Uyawube sewuyamemetela embikwaSimakadze Nkulunkulu wakho, utsi: ‘Khokho wami abengum-Aramu labezulazula. Wehlela eGibhithe anebantfu labambalwa wahlala khona, waze wandza waba sive lesikhulu, nalesinemandla, nalesinyenti kakhulu.

Dutheronomi 26:5 Referencias Cruzadas

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 24:4

Kodvwa ubohamba ubuyele eveni lakitsi lemdzabu, nasetihlotjeni takitsi, ufike umtsatsele khona Isaka, umsa wami, umfati.”

Genesisi 25:20

Isaka watsi nasaneminyaka lengema-40 watsatsa Rebheka, indvodzakati yaBethuweli, um-Aramu wasePhadani Aramu, dzadzewabo Labani, um-Aramu.

Genesisi 27:41

Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 28:5

Ngako-ke Isaka wahambisa Jakobe wamyisa eMesophothamiya kaLabani umsa waBethuweli, um-Aramu, umnakaboRebheka, unaboJakobe na-Esawu.

Genesisi 31:20

Jakobe wamnyenyela Labani, umSiriya, ngobe akazange amtjele kutsi utawuhamba.

Genesisi 31:24

Kodvwa Nkulunkulu weta wakhuluma ngeliphupho kuLabani, umSiriya, watsi: “Ucaphele ungakhulumi lokuhle nome lokubi kuJakobe.”

Genesisi 31:40

Emini bengibhadliswa lilanga, ebusuku ngishushwe lichwa, ngiphelelwe nabutfongo.

Genesisi 43:12

Nibophatsa imali yekutsenga, niyiphatse ngalokuphindvwe kabili, nincandzekise nalemali leyabuyiswa ifakwe emilonyeni yemasaka enu; mhlawumbe yafakeka ngesiphosiso.

Genesisi 45:11

Ngitaninakekela kahle nanilapho, ngobe kusasele iminyaka lesihlanu yendlala. Angifuni kutsi wena nendlu yakho nako konkhe nife nibulawe yindlala.’ ”

Genesisi 45:7

Ngako nguNkulunkulu lowatsi anginendvulele ngekuta lapha, kuze anilondvolote nibe yinsali emhlabeni, nisindziswe kube kukhululwa lokukhulu.

Genesisi 46:27

Emadvodzana aJosefa latalelwa eGibhithe aba mabili; ngako-ke bantfu bemndeni wakaJakobe labehlela eGibhithe babengema-70 sebabonkhe.

Genesisi 47:27

Ngako ema-Israyeli ahlala eGibhithe akha eveni laseGosheni; achuma, anotsa, andza kakhulu.

Genesisi 47:4

Sitfutsele kulelive, ngobe eKhenani indlala seyibhoke kangangobe sekuze kuphele nemadlelo alemfuyo yetfu. Siyakucela kutsi mane usivumele sikhosele eGosheni.”

Eksodusi 1:12

Kodvwa kuwahlupha nekuwacindzetela lama-Israyeli kwawenta andza kakhulu, andza nalo lonkhe live. EmaGibhithe acala kuwesaba ema-Israyeli.

Eksodusi 1:5

Sewuwonkhe umndeni wakaJakobe wawubantfu lababengema-70. Phela Josefa abesavele aseGibhithe.

Eksodusi 1:7

Kodvwa titukulwane tabo, ema-Israyeli, tatalana, tandza, taba nemandla kakhulu, kangangobe live laseGibhithe lase ligcwele tona.

Hoseya 12:12

Jakobe wabalekela eveni lase-Aramu; Israyeli wasebentela kutfola umfati, ngekwelusa timvu.

Hoseya 12:13

Simakadze wasebentisa umphrofethi kuze abuyise Israyeli amkhiphe eGibhithe, wamnakekela ngesandla semphrofethi.

Imisebenti yebaPhostoli 7:15

Wehla-ke Jakobe waya eGibhithe, lapho yena nabokhokho betfu, bahlala khona baze bafa.

Dutheronomi 1:10

Simakadze Nkulunkulu wenu sewunandzisile manje, senibanyenti kakhulu, senize naba ngangetinkhanyeti tesibhakabhaka.

Dutheronomi 10:22

Bokhokho benu labehla baya eGibhithe babengema-70 sebabonkhe, kodvwa manje Simakadze Nkulunkulu wenu sewunente nandza naba ngangetinkhanyeti tesibhakabhaka.”

Dutheronomi 26:4

“Umphristi uyawube sewutsatsa lelibhasikidi esandleni sakho alibeke phansi embikwelilati laSimakadze Nkulunkulu wakho.

Dutheronomi 7:7

“Simakadze akazange anitsandze waze wanikhetsa ngobe nisive lesinyenti kwendlula letinye, ngobe vele nanisive lesincane kunato tonkhe.