Dutheronomi 26:2 - Siswati 1996 Bible

² kufanele nitsatse tilinga tato tonkhe tivuno temhlaba wenu, Simakadze Nkulunkulu wenu lanipha wona, bese nitifaka ebhasikidini. Niyawube seniya endzaweni Simakadze Nkulunkulu wenu latayikhetsa kutsi ibe yindzawo yekubeka Libito lakhe,

Dutheronomi 26:2 Referencias Cruzadas

2 Emakhosi 4:42

Kwabe sekufika indvodza leyayiphuma eBhali Shalisha, iletsele lomuntfu waNkulunkulu imikhama yetinkhwa letingema-20 tebhali yetilinga kanye netihloko takolo lomusha emnyakeni. Elisha wakhuluma watsi: “Nika labantfu batekudla.”

2 Tikhronike 31:5

Satsi kube siphume nje lesimemetelo, ema-Israyeli anikela ngenjabulo, anikela ngetitselo tekucala talokutinhlavu kwawo, nangeliwayini lelisha, nangemafutsa, nangeluju, nangako konkhe lokwakusivuno semasimi, aletsa kwelishumi kwato tonkhe tintfo.

2 Tikhronike 6:6

Kodvwa nyalo sengikhetse iJerusalema kutsi Libito lami libe lapho, ngakhetsa naDavide kutsi abuse sive sami, ema-Israyeli.’

Nehemiya 12:44

Ngaleso sikhatsi kwabekwa emadvodza labetakwengamela tingungumakamelo teminikelo, netetilinga kanye netekwelishumi. Lamadvodza abebekelwe kutsi abutse iminikelo yebaphristi neyemaLevi kubo bonkhe balimi lababesedvutane nemadolobha, akuletse kuletingungumakamelo, tonkhe tabelo tebaphristi netemaLevi letatifunwa ngumtsetfo. Sonkhe sive semaJuda saseneliswa yinkonzo yebaphristi neyemaLevi.

Nehemiya 13:31

Ngase ngenta nelitfuba leminikelo yetinkhuni ngetikhatsi letimisiwe newetitselo tekucala. Awu, Nkulunkulu wami, ngikhumbule ngekwesihawu sakho.

Eksodusi 20:24

Ngenteleni lilati ngemhlaba, etikwalo ninikele umnikelo wekushiswa nemnikelo wekuthula, ngetimvu nangetinkhomo. Yonkhe indzawo lapho ngiyawukwenta kutsi libito lami lidvunyiswe khona, ngiyawuta kini nginibusise.

Eksodusi 22:29

“Ungayekeli kunikela ngesivuno sakho semabele neseliwayini nasekuvunwa. “Ungiphe litubulo lemadvodzana akho.

Eksodusi 23:16

“Ubogubha uMkhosi Wesivuno ngesivuno setilinga tekucala tensimi yakho. “Ubogubha uMkhosi Wekubutsa ekupheleni kwemnyaka, nase ubutsa sivuno lesititfukutfuku takho.

Eksodusi 23:19

“Tilinga letinhle tetilimo takho tekwendvulelisa ubotiletsa endlini yaSimakadze longuNkulunkulu wakho. “Ungalipheki lizinyane lemvu nome lembuti elubisini lwenina.”

Eksodusi 34:26

“Tilinga letinhle kakhulu temasimi akho tekwendvulelisa ubotiletsa endlini yaSimakadze longuNkulunkulu wakho. “Ungalipheki lizinyane lembuti nome lemvu elubisini lwenina.”

Jeremiya 2:3

Israyeli abengcwele kuSimakadze, tilinga tesivuno sakhe; bonkhe labamshwabudzela babekwa licala, inhlekelele yehlela etikwabo,’ ” kusho Simakadze.

Hezekeli 20:40

Ngobe entsabeni yami lengcwele, intsaba lephakeme yaka-Israyeli, lapho kulelo live yonkhe indlu yaka-Israyeli iyawukhonta mine, lapho-ke ngulapho ngiyawubemukela khona, kusho iNkhosi Simakadze. Lapho-ke ngiyakuyifuna iminikelo yenu netipho tenu telikhetselo, kanye nemihlatjelo yenu lengcwele.

Hezekeli 44:30

Tonkhe tilinga tetitselo telikhetselo nako konkhe kwetipho tenu telikhetselo kuyawuba kwebaphristi. Niyawubanika sabelo sekucala semphuphu legayiwe, kuze sibusiso sehlele etikwetindlu tenu.

Hezekeli 48:14

Abayikusitsengisa, futsi abayiwuntjintjisa nangalokuncane kwaso. Lena nguyona ncenye yelive yelikhetselo, akukafaneli yendluliselwe kuletinye tandla, ngobe ingcwele kuSimakadze.

Levithikusi 2:12

Niyawukuletsa kuSimakadze njengemnikelo losivuno sekwendvulelisa, kodvwa ngeke sishiselwe elatini kutsi sibe liphunga lelinuka lusi lolumnandzi kuye.

Levithikusi 2:14

Nawuletsa umnikelo walokutinhlavu wesivuno sekwendvulelisa kuSimakadze, ubonikela ngako kulukhotse.

KubaseRoma 11:16

Nangabe litsantana lenhlama lehlukaniselwe Nkulunkulu, nenhlama yonkhe yehlukaniselwe Nkulunkulu; futsi nangabe imphandze ingcwele, nemagala angcwele.

KubaseRoma 16:5

Hambisani nalelo bandla lelihlanganela endlini yabo. Hambisani Ephayinethosi wami lotsandzekako lowaba yindvodza yekucala leyakholwa kuKhristu eveni lase-Asiya.

KubaseRoma 8:23

Kodvwa akusiyo indalo yodvwa; natsi futsi lesiphiwe Moya losibambiso siyabubula etinhlitiyweni tetfu silindzele ngekulangatelela lokukhulu kunikwa simo sebudvodzana, kube kukhululwa kwemitimba yetfu.

1 kubaseKorinthe 15:20

Kepha manje Khristu wavuswa kulabafile, waba ngumvuli wendlela kulabo labatawuvuka kulabafile.

1 kubaseKorinthe 15:23

Kepha ngulowo nalowo uyawuvuka ngesigaba sakhe: Khristu kucala, bese kuba ngulabo lababaKhristu ekubuyeni kwakhe.

1 kubaseKorinthe 16:2

Njalo nje ngelilanga lekucala evikini, akube ngulowo nalowo alondvolote loko lokumlingene, kuze kutsi iminikelo ingentiwa sengikhona.

Dutheronomi 16:10

Niyakube senigubha uMkhosi Wemaviki, lekunguMkhosi Wekuvuna Kolo, kuSimakadze Nkulunkulu wenu ngekuletsa iminikelo yesihle ngangekwesibusiso Simakadze Nkulunkulu lanibusise ngaso.

Dutheronomi 18:4

Kufanele nibanike loko lokusivuno setilinga, taloko lokutinhlavu, neseliwayini lelisha, nesemafutsa lamasha, kanye neboya bekucala lenibuhhule etimvini tenu.

Dutheronomi 26:1

“Nase ningenile eveni Simakadze Nkulunkulu wenu lanipha lona kutsi libe lifa lenu, nalidla nase niyatinta kulo,

Dutheronomi 26:3

nifike kumphristi loyawube alapho ngaleso sikhatsi nitsi: ‘Lamuhla ngifakaza kuSimakadze Nkulunkulu wakho kutsi sengifikile eveni Simakadze lafunga ngalo kubokhokho betfu kutsi utasipha lona.’

YaJakobe 1:18

Ngekwentsandvo yakhe wasitala ngelivi leliciniso, khona sitekuba ngematubulo ato tonkhe tidalwa takhe.

Joshuwa 18:1

Sonkhe sive sema-Israyeli sahlangana ndzawonye eShilo semisa lithende lekuhlangana khona lapho. Ema-Israyeli abesalincobile lonkhe live,

Sembulo 14:4

Laba bangemadvodza langazange asatingcolise ngalabasikati, bamsulwa. Ngibo laba labalandzela liWundlu nome kukuphi lapho liya khona. Kubo bonkhe bantfu ngibo labahlengiwe, balulibo lwaNkulunkulu nelweliWundlu.