Dutheronomi 26:15 - Siswati 1996 Bible

¹⁵ Buka phansi usezulwini endzaweni yakho yekuhlala lengcwele. Busisa sive sakho sema-Israyeli kanye nelive lowasipha lona, njengobe waletsembisa ngesifungo kubokhokho betfu, live leligcwele lubisi neluju lwetinyosi.’ ”

Dutheronomi 26:15 Referencias Cruzadas

1 Emakhosi 8:27

“Kodvwa vele, Nkulunkulu angahlala yini emhlabeni? Emazulu, ngisho nalo lizulu leliphakeme kunawo onkhe emazulu, ungeke wenele kulo. Kangakanani-ke lelithempeli lengikwakhele lona!

1 Emakhosi 8:43

ubobe sewuyeva usezulwini, indzawo yakho yekuhlala, wente konkhe loko wetive lakucelako kuwe. Loko kuyakwenta kutsi tonkhe tive temhlaba tilati Libito lakho tikwesabe, njengobe kwenta sive sakho ema-Israyeli, tati nekutsi lendlu lengiyakhile ibitwa ngeLibito lakho.

2 Tikhronike 30:27

Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

Tihlabelelo 28:9

Sindzisa sive sakho, ubusise labo labalifa lakho. Beluse ubetfwale, kuze kube phakadze naphakadze.

Tihlabelelo 51:18

Yentela iSiyoni lokuhle ngekwemusa wakho, utakhe kabusha tindvonga taseJerusalema.

Tihlabelelo 68:5

Nguye uyise wetintsandzane, nemlondvoloti webafelokati, unguNkulunkulu losendzaweni yakhe lengcwele.

Tihlabelelo 80:14

Awu, Nkulunkulu wemabandla! Phendvuka futsi! Buka phansi usetulu ezulwini, ubone lomvini wakho, uwunakelele,

Tihlabelelo 80:15

wona lowo mvini lowawuhlanyela ngesandla sakho sangesekudla, naleligala lotikhulisele lona.

Tihlabelelo 90:17

Shangatsi lutsandvo lweNkhosi lenguNkulunkulu wetfu, lungabasetikwetfu. Shangatsi ungawubusisa umsebenti wetandla tetfu; yebo, phumelelisa umsebenti wetandla tetfu.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 61:1

Moya weNkhosi Simakadze ukimi, ngobe Simakadze ungigcobile, kutsi ngishumayele tindzaba letimnandzi kulabamphofu. Ungitfume kutsi ngitewubopha labo labatinhlitiyo tabo tidzabukile. Ungitfume kutawumemetela kukhululwa kulabatfunjiwe, nekukhululwa kulababoshiwe.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Jeremiya 31:23

Naku lokushiwo nguSimakadze longuSomandla, Nkulunkulu wema-Israyeli, utsi: “Ngiyawutsi nangibabuyisa ekutfunjweni, bantfu labaseveni lakaJuda nasemadolobheni akhona bayawuphindze basebentise nankha emagama batsi: ‘Simakadze akakubusise, awu wenandlu yekulunga, awu wena ntsaba lengcwele.’

Zakhariya 2:13

“Thulani embikwaSimakadze, nonkhe nine bantfu bemhlaba, ngobe sewuvukile waphuma endzaweni yakhe lengcwele.”

Matewu 6:9

Nanithandazako nibotsi: “ ‘Babe wetfu losezulwini, alingcweliswe libito lakho.

Imisebenti yebaPhostoli 7:49

“ ‘Nkulunkulu utsi: “Lizulu lisihlalo sami, umhlaba senabelo setinyawo tami. Yindlu lenjani leningayakhela mine? Iphi indzawo lapho ngingaphumula khona?

Dutheronomi 1:8

Libukeni-ke lonkhe lelo live lenginiphe lona. Ngenani kulo nilidle lelive Simakadze lafunga ngalo kutsi utalipha bokhokho benu bo-Abrahama, na-Isaka, naJakobe, kanye netitukulwane tabo letiyawuvela emvakwabo.’ ”

Dutheronomi 26:14

Kute nakunye lokusabelo lesingcwele lengikudlile ngesikhatsi ngisalila, futsi kute nakunye kwako lengikususile ngesikhatsi ngisengcolile; yebo, kute nakunye kwako lengikunikele kulabafile. Ngimlalele Simakadze Nkulunkulu wami. Ngikwente konkhe longiyale ngako kutsi ngikwente.

Dutheronomi 26:7

Sakhala kuSimakadze, Nkulunkulu wabobabemkhulu, Simakadze wakuva kukhala kwetfu, wakubona kuhlupheka kwetfu, nekushikashikeka kwetfu, kanye nekucindzetelwa kwetfu.

Dutheronomi 26:9

Wasiletsa kulendzawo wasipha lelive leligcwele lubisi neluju lwetinyosi.

Dutheronomi 6:3

Lalelani, ma-Israyeli, nicaphelisise kutsi niyalalela, khona kutanihambela kahle nekutsi nandze kakhulu kulelo live leligcwele lubisi neluju lwetinyosi, njengobe Simakadze Nkulunkulu waboyihlo anetsembisa.