Dutheronomi 26:14 - Siswati 1996 Bible

¹⁴ Kute nakunye lokusabelo lesingcwele lengikudlile ngesikhatsi ngisalila, futsi kute nakunye kwako lengikususile ngesikhatsi ngisengcolile; yebo, kute nakunye kwako lengikunikele kulabafile. Ngimlalele Simakadze Nkulunkulu wami. Ngikwente konkhe longiyale ngako kutsi ngikwente.

Dutheronomi 26:14 Referencias Cruzadas

Tihlabelelo 106:28

Base batihlanganisa nalababekhonta sithico lesasinguBhali wasePheyori, badla lokwakuhlatjelwe labaphansi,

Tihlabelelo 18:22

Yonkhe imiyalo yaNkulunkulu isembikwami, angikatikhweshisi kimi timiso takhe.

Jeremiya 16:7

Kute naloyawuphekela labo labafukeme kuze batewudvudvuteka, ngisho nalonguyise nome longunina, kute naloyawubanika sinatfo sekubadvudvuta.

Hezekeli 24:17

Bubula nje uthule; ungamlileli lowo lofile. Umshuculo wakho awuhlale uboshelwe enhloko, netincabule takho tihlale etinyaweni takho; ungalimbonyi lingentansi lebuso bakho, futsi ungakudli kudla kwelisiko kwalabalilako.”

Hoseya 9:4

Bangeke bayitfululele kuSimakadze iminikelo yeliwayini, kantsi nemihlatjelo yabo ingeke imjabulise. Imihlatjelo lenjalo kubo iyawufanana nesinkhwa salabalilako; bonkhe labayidlako bayawungcola ngekwemtsetfo. Lokudla kuyawuba kwabo; kungeke kungeniswe ethempelini laSimakadze.

Levithikusi 21:1

Simakadze wakhuluma kuMosi, watsi: “Khuluma kubaphristi, emadvodzana a-Aroni, utsi kubo: ‘Akukafaneli kutsi umphristi atingcolise ngekwemtsetfo ngekutsi kube khona lakwentako nakungcwatjwa sihlobo sakhe,

Levithikusi 21:11

Akayiwungena endlini lenesidvumbu; yebo, angatingcolisi nome kungeseyise nome kungesenina,

Levithikusi 7:20

kodvwa nakukhona longcolile ngekwemtsetfo lodla lenyama yemnikelo wekuthula kuSimakadze, kufanele lowo muntfu ancunywe esiveni sakubo.

Malakhi 2:13

Lokunye lenikwentako naku: Nilitsela ngetinyembeti lilati laSimakadze. Niyalila nikhale ngobe angasayinaki iminikelo yenu, nome angasayemukeli ngekujabula etandleni tenu.

Dutheronomi 13:5

Kodvwa lowo mphrofethi nome lowo mphuphi wemaphupho uyawubulawa, ngobe unifundzise kutsi nihlubuke Simakadze Nkulunkulu wenu lowanikhipha eGibhithe, wanihlenga eveni lebugcili; yebo, abetama kuniphambukisa endleleni Simakadze Nkulunkulu wenu laniyala kutsi nihambe ngayo. Niyakukukhipha kanjalo-ke lokubi lokumila emkhatsini wenu.

Dutheronomi 15:5

nangabe kambe nimlalela kuko konkhe Simakadze Nkulunkulu wenu, futsi ninakekela nilandzele yonkhe lemiyalo lengininika yona lamuhla.

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Dutheronomi 26:13

Niyawube senikhuluma kuSimakadze Nkulunkulu wenu, nitsi: ‘Sengikukhiphile konkhe lokungcwele lokusabelo lobekusendlini yami, sengikunike emaLevi, netindzindzi, netintsandzane, nebafelokati, njengobe wangiyala. Angikaphambuki emiyalweni yakho, futsi angikakhohlwa ngisho munye wayo.

Dutheronomi 26:15

Buka phansi usezulwini endzaweni yakho yekuhlala lengcwele. Busisa sive sakho sema-Israyeli kanye nelive lowasipha lona, njengobe waletsembisa ngesifungo kubokhokho betfu, live leligcwele lubisi neluju lwetinyosi.’ ”