Dutheronomi 25:16 - Siswati 1996 Bible

¹⁶ Ngobe Simakadze Nkulunkulu wenu uyamtondza umuntfu lowenta letintfo, nome ngangubani lowenta tintfo ngekungetsembeki.”

Dutheronomi 25:16 Referencias Cruzadas

Taga 11:1

Simakadze uyasenyanya sikali lesonakele; kodvwa ujabula ngalabo labasebentisa tikali letisemtsetfweni.

Taga 20:23

Simakadze uyabenyanya bantfu labasebentisa tikali netisindvo letinebucili.

Mikha 6:10

Etindlini talababi kugcwele umcebo labawutfola ngebubi. Basebentisa tikali ngebucili, lekunguyonantfo lengiyitondzako.

Dutheronomi 18:12

Wonkhe umuntfu lowenta letintfo usinengiso kuSimakadze, ngako-ke ngenca yalentintfo letisinengiso Simakadze Nkulunkulu wenu tonkhe letive uyawutikhipha aticoshe nisengakefiki nine.

Dutheronomi 22:5

“Lomsikati akukafaneli embatse timphahla temuntfu lomdvuna, kanjalo futsi nalomdvuna akufanele embatse timphahla talomsikati, ngobe lowenta loko usinengiso kuSimakadze Nkulunkulu wenu.

Dutheronomi 25:17

“Khumbulani kutsi entani kini ema-Amaleki ngesikhatsi nisesendleleni niphuma eGibhithe.

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.