Dutheronomi 24:21 - Siswati 1996 Bible

²¹ Nanivuna emagelebisi etivinini tenu, ningabuyeli kuto kuyawukhwimita. Loko lokusele kushiyeleni tindzindzi, netintsandzane kanye nebafelokati.

Dutheronomi 24:21 Referencias Cruzadas

Obadiya 1:5

“Kube bewungagcekezelwa ngemasela nome-ke ungenelwe tigelekece ebusuku, betingeke tatitapela ngekufuna kwato yini? Kube bavuni bemagelebisi bebete kuwe bebangete bawachulula kusale abe mbalwa yini? Kodvwa titsa tiyakunicitsa niphele nya.

Dutheronomi 24:19

“Nanivuna ensimini, bese kusala lokunye ngesiphosiso, ningabobe nisancandzeka kuyawukukhwimita. Nibosale nikushiyela tindzindzi netintsandzane kanye nebafelokati, kuze Simakadze Nkulunkulu wenu anibusise kuyo yonkhe imisebenti yetandla tenu.

Dutheronomi 24:20

Nanihhohlota titselo temncumo etihlahleni tawo, ningaphindzi kwesibili kuyawuhhohlota leto letisele emagaleni ato. Loko lokusele kushiyeleni tindzindzi netintsandzane kanye nebafelokati.

Dutheronomi 24:22

Khumbulani kutsi nani nanitigcili eGibhithe; ngiko nje nginiyala kutsi nikwente loku.”