Dutheronomi 24:1 - Siswati 1996 Bible

¹ “Nangabe indvodza ishada nemfati, bese kutsi emvakwaloko incuma kutsi ayisamtsandzi ngesici lesitsite, ingambhalela incwadzi yesehlukaniso imnike yona, bese iyamkhipha ekhaya layo, imcoshe.

Dutheronomi 24:1 Referencias Cruzadas

Eksodusi 21:10

Nangabe indvodza itsatsa lomunye umfati, kufanele ingasehlisi sabelo salomfati wekucala macondzana nekudla nekwekwembatsa kanye nemalungelo akhe ebufati.

Isaya 50:1

Naku lokushiwo nguSimakadze, utsi: “Iphi incwadzi yenyoko yesehlukaniso, lengamcosha ngayo kutsi ahambe? Nome-ke nganitsengisa kumuphi kulengibakweledako? Natsengiswa ngenca yetono tenu, ngenca yemacala enu unyoko wacoshwa.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Malakhi 2:16

Simakadze Nkulunkulu wema-Israyeli utsi: “Ngiyakutondza kwehlukana kwalabashadile, kantsi futsi ngiyayenyanya indvodza levimbanisa ngebudlova njengesembatfo,” kusho Simakadze. Ngako ticaphele wena emoyeni wakho, ungabi ngulongaketsembeki.

Numeri 5:12

“Tjela ema-Israyeli utsi: ‘Nangabe umfati wendvodza eduka ngekungetsembeki endvodzeni yakhe

Numeri 5:28

Kodvwa nangabe lomfati angakatingcolisi angenacala, angeke alimale, kantsi futsi utawuchubeka atale bantfwana.

Matewu 1:19

Kepha Josefa, indvodza yakhe, abengumuntfu lolungile, akatsandzanga kumtsela ngelihlazo. Wacabanga, asafuna kumlahla ngasese.

Lukha 16:18

“Nangabe indvodza idivosa umkayo bese iteka lomunye umfati, iyaphinga; nendvodza letsatsa umfati lodivosiwe, iyaphinga.”

Dutheronomi 21:15

“Nangabe indvodza inebafati lababili, bese itsandza lona lomunye kwendlula lona lomunye, bobabili bese batubula ngebafana kodvwa litubulo lekucala kube ngelalomfati losaliwakati,

Dutheronomi 22:13

“Nangabe indvodza ishade nentfombi, yatsi nayilala nayo yangabe isayitsandza,

Dutheronomi 22:19

Bayawuyihlawulisa tinhlavu tesiliva letili-100, batinike uyise walentfombi, ngobe inike intfombi yem-Israyeli ligama lelibi. Lendvodzakati iyawujinge ibe ngumkayo lendvodza. Lendvodza akukafaneli iyilahle yingci nayisaphila.

Dutheronomi 22:29

lendvodza kufanele ihlawule kuyise walentfombi ngetinhlavu tesiliva letingema-50. Lendvodza kufanele iyishade lentfombi, ngobe seyiyonile. Akukafaneli yehlukane nayo, yingci lendvodza nayisaphila.

Dutheronomi 24:2

Nangabe lomfati utsite nasesukile kulelikhaya, wase ushada nalenye indvodza,

Dutheronomi 24:3

nayo iphindze futsi ingete yamtsandza, ingambhalela incwadzi yesehlukaniso imnike yona imkhiphe ekhaya layo, imcoshe, nome lendvodza yakhe yesibili ife,