Dutheronomi 23:11 - Siswati 1996 Bible

¹¹ kodvwa nase liyawushona, ingageza emantini. Kutawutsi nakushona lilanga, lendvodza incandzeke ingene enkambu.

Dutheronomi 23:11 Referencias Cruzadas

Tihlabelelo 51:2

Ngigezisise ebubini bami, ngihlambulule esonweni sami.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Levithikusi 11:25

Lowo lowetfwala tidvumbu tato uyawuhlanta tingubo takhe abe ngulongcolile kuze kuhlwe.

Levithikusi 14:9

Ngelilanga lesikhombisa kufanele ahhule tonkhe tinwele enhloko yakhe, ashefe silevu, nemashiya, nako konkhe lokusatinwele. Kufanele ageze tingubo takhe tekwembatsa kanye nemtimba wakhe, utawuhlambuluka.

Levithikusi 15:11

Bonkhe labo labatsintfwa ngulendvodza ingakagezi tandla, kufanele bageze timphahla tabo nemitimba yabo ngemanti, babe ngulabangcolile kuze kuhlwe.

Levithikusi 15:13

“ ‘Nangabe lendvodza levutelwako seyiphilile, kufanele ihlale emalanga lasikhombisa ekuhlanjululwa kwayo, igeze timphahla tayo nemtimba wayo emantini lageletako, itawube seyiyahlambuluka.

Levithikusi 15:16

“ ‘Nangabe indvodza ishaye litubuko, kufanele igeze wonkhe umtimba wayo ngemanti, ihlale ingcolile kuze kuhlwe.

Levithikusi 15:5

nome ngubani lotsintsa lombhedze wayo, kufanele ageze timphahla takhe ngemanti, aphindze ageze nemtimba wakhe, abe ngulongcolile kuze kuhlwe.

Levithikusi 22:6

Lowo lotsintsa nome yini yaletintfo, utawuba ngulongcolile kuze kuhlwe. Kufanele angadli lutfo lweminikelo lengcwele ngaphandle kwekutsi ageze umtimba wakhe ngemanti.

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

Dutheronomi 23:10

Nangabe lenye indvodza emkhatsini wenu ingcoliswe kushaya litubuko ebusuku, kufanele iphume enkambu iyewuhlala ngephandle,

Dutheronomi 23:12

“Kufanele nibe nendzawo ngephandle kwenkambu lapho kutabotsi njalo nanifuna kuya ngephandle niye khona.

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,