Dutheronomi 21:22 - Siswati 1996 Bible

²² “Nangabe umuntfu anikwe sigwebo sentsambo, bese uyabulawa, sidvumbu sakhe siphanyekwe elugodvweni,

Dutheronomi 21:22 Referencias Cruzadas

Genesisi 40:19

Emvakwemalanga lamatsatfu, Faro utakukhipha lapha ejele akugwebe intsambo! Utakulengisa elugodvweni, tinyoni tidle sidvumbu sakho.”

2 Samuweli 21:10

Rispha, indvodzakati ya-Aya, watsatsa emasaka watentela yena umtfunti edvwaleni, lapho letidvumbu tatikhona. Wahlala lapho kusukela nakucala kuvunwa, kwaze kwefika timvula tekucala. Emini abelindza tinyoni kutsi tingadli letidvumbu, kutsi ebusuku ativikele etilwaneni tesiganga kutsi tingatidli.

2 Samuweli 21:6

sicela kutsi sinikwe batukulu bakhe labasikhombisa labadvuna, batewulengiswa lapha embikwaSimakadze eGibeya, edolobheni lakhe Sawula, inkhosi leyakhetfwa nguSimakadze.” Inkhosi yabaphendvula yatsi: “Ngitaninika bona.”

2 Samuweli 21:9

Wabaniketela kubantfu baseGibeyoni lababatsatsa bababulala; babalengisa entsabeni embikwaSimakadze. Babulawelwa khona bonkhe bobasikhombisa. Babulawa ngemalanga anakucalwa kuvuna, ngaso leso sikhatsi nakucala kuvunwa ibhali.

2 Samuweli 4:12

Ngako Davide wakhipha umlayeto wawucondzisa kulamadvodza akakhe, ababulala. Bajuba tandla tabo netinyawo tabo, tidvumbu tabo batilengisa ngasesitibeni saseHebroni. Kodvwa batsatsa inhloko ya-Ishboshethi bayingcwaba ethuneni la-Abneri, eHebroni.

Numeri 25:4

Simakadze wakhuluma kuMosi, watsi: “Tsatsa bonkhe baholi balesive, ubabulale, bese ubeneka emini kubona wonkhe umuntfu embikwaSimakadze, khona kutewutsi lulaka lolwesabekako lwaSimakadze lungetiwusivutsela lesive saka-Israyeli.”

Matewu 26:66

Nine nitsini-ke?” Baphendvula batsi: “Kufanele afe!”

Makho 14:64

Nikuvile kuhlambalata kwakhe. Nitsini-ke nine?” Bonkhe bamlahla ngelicala, batsi kufanele abulawe.

Lukha 23:33

Batsi kube befike endzaweni leyayibitwa ngekutsi “Sikobho” bambetsela loJesu, kanye naletigelekece letimbili, lesinye ngesekudla nalesinye ngesancele.

Imisebenti yebaPhostoli 23:29

Ngakhandza kutsi kute nome kunye lakwentile lokungaze kumente afanelwe kubulawa nome afakwe advonse ejele; kuphela nje uboshelwe imibuzo nemitsetfo yabo.

Imisebenti yebaPhostoli 25:11

Nangabe kukhona lapho ngephule khona umtsetfo, ngenta lokufanele kutsi ngijeziswe ngekufa, angiceli kuphepha ekufeni; kodvwa nalingekho liciniso kulamacala labangibeka wona, kute umuntfu lofanele kunginikela etandleni tabo. Ngicela kuyakwembula ingubo kuKhesari, uMbusi.”

Imisebenti yebaPhostoli 25:25

Kodvwa mine ngekwami kute lokubi lengitfole kutsi ikwentile lokungayenta ize ijeziswe ngentsambo. Kodvwa njengobe yona icele kutsi ilendlulisele ku-Agustusi, nami-ke sengincume kuyitfumela kuye.

Imisebenti yebaPhostoli 26:31

Nase baphumile, sebakhulumisana bodvwana batsi: “Lendvodza ayikenti lutfo lolufanele kutsi ife nome iboshwe.”

Dutheronomi 19:6

Ngaphandle kwaloko umphindziseli losihlobo sengati semufi lofuna kumbulala, kungenteka amcoshe aze amkhandze, nangabe libanga lilidze kakhulu, bese uyambulala, nome ngabe abengakafaneli kubulawa, ngobe lomakhelwane wakhe amfele ngesiphosiso.

Dutheronomi 22:26

Ningenti lutfo kulentfombi, ngobe kute sono leyisentile lesiyenta ifanelwe kufa. Lelicala lifanana naleli lekutsi umuntfu angahlasela abulale makhelwane wakhe,

Joshuwa 10:26

Ngako Joshuwa wawagwaza lamakhosi wawabulala, wase uwalengisa etihlahleni letisihlanu, kwaze kwahlwa.

Joshuwa 10:27

Kwatsi nakushona lilanga, Joshuwa wabatfuma batetfula letidvumbu etihlahleni, batijika kulomgedze labebhace kuwo lamakhosi. Emnyango wawo babeka tingcuzuma tematje lasolomane ahlala lapho kuze kube ngulamuhla.

Joshuwa 8:29

Joshuwa lenkhosi yase-Ayi wayilengisa esihlahleni, wayishiya khona lapho kwaze kwahlwa. Kwatsi nakushona lilanga, Joshuwa wayala bantfu kutsi abetfule sidvumbu sayo esihlahleni, basijike ekungeneni kwelisango lelidolobha. Babutsisa lenkhulu indvundvuma yematje etikwalesidvumbu, leseloku yahlala kuze kube ngulamuhla.

1 Samuweli 26:16

Loko lokwentile akukuhle. Ngifunga ngekuphila kwaSimakadze ngitsi, wena nemabutfo akho kufanele nife, ngobe nehlulekile kuciza inkhosi yenu, lekungulogcotjiwe waSimakadze. Ase nibuke eceleni kwenu. Siphi nje sikhali senkhosi kanye nelichaga lemanti bekulapho eceleni kwenhloko yayo?”