Dutheronomi 20:18 - Siswati 1996 Bible

¹⁸ Ngaphandle kwaloko titawunifundzisa kutsi nilandzele tonkhe leto tintfo letinengekako letitentako natikhonta tithico tato, bese niyona kuSimakadze Nkulunkulu wenu.

Dutheronomi 20:18 Referencias Cruzadas

2 Emakhosi 21:3

Wavusa kabusha tindzawo letiphakeme tekukhontela tithico, letatibhidlitwe nguyise Hezekiya. Waphindze wakha emalati aBhali, wakha nensika ya-Ashera, njengobe na-Ahabi, inkhosi yaka-Israyeli, abentile. Wakhotsama wakhonta tonkhe tinkhanyeti tesibhakabhaka.

Eksodusi 23:32

Ningasenti sivumelwane nabo, ngisho nabonkulunkulu babo imbala.

Eksodusi 23:33

Ningabavumeli kutsi bakhelane nani eveni lenu, ngobe phela bangahle banente none kimi ngekukhonta labonkulunkulu babo; loko kuyakwenta lugibe kini.”

Eksodusi 34:12

Nicaphele ningenti sivumelwane nebantfu labakulelive leniya kulo, ngobe loko kungahle kube lugibe kini.

Eksodusi 34:16

Emadvodzana enu ningawatsatseli bafati emadvodzakatini abo, ngobe uma labantfu sebaphinga nome bagwadla ngekukhonta letithico tabo, nalamadvodzana enu atawudvonseleka kuloko.

1 kubaseKorinthe 15:33

Ningayengeki: “Bangani lababi bonakalisa similo lesihle.”

2 kubaseKorinthe 6:17

INkhosi yaphindza yatsi: “Phumani emkhatsini wabo, nehlukane nabo. Ningakutsintsi lokungcolile, ngiyawube sengiyanemukela.”

Kubase-Efesu 5:11

Ningahlanganyeli emisebentini yebumnyama, lete titselo, kunaloko niboyeneka ebaleni.

Dutheronomi 18:19

Nangabe kukhona longawalaleli lamavi ami lakhulunywa ngulowo mphrofethi ngelibito lami, ngimi-ke matfupha loyawubhekana naye lowo muntfu.

Dutheronomi 18:9

“Nase ningena kulelive Simakadze Nkulunkulu wenu lanipha lona, ningacali nifundze kulingisa imikhuba lenengekako yaleto tive talapho.

Dutheronomi 20:17

Nibotibhubhisa tiphele tonkhe leto tive: emaHethi, nema-Amori, nemaKhenani, nemaPheresi, nemaHivi, nemaJebhusi, njengobe Simakadze Nkulunkulu wenu aniyala.

Dutheronomi 20:19

“Nanivimbetela lidolobha sikhatsi lesidze, nilwela kutsi nilitfumbe, ningacali nitibhubhise tihlahla talo ngekutigawula ngemazembe, ngobe phela ningatidla titselo tato. Ningatigawuli. Kambe ngabe tihlahla tesiganga tibantfu yini nato kutsi nitivimbetele?

Dutheronomi 9:5

Akukayi ngekulunga kwenu nome ngebucotfo benu kutsi nihambe niyekudla lelive lato; kodvwa kuye ngebubi baletive kutsi Simakadze Nkulunkulu wenu aticoshe embikwenu, kuze kufezeke loko lakufungela kubokhokho benu bo-Abrahama, na-Isaka, naJakobe.

2 kubaseThesalonika 3:14

Nangabe kukhona longafuni kulalela loku lesikushoko kulencwadzi, mbukisiseni, ningahlanganyeli naye, khona atewudliwa ngemahloni.

1 kuThimothi 6:5

nemsindvo wembango longapheli webantfu labanengcondvo leyonakele, futsi labemukwe neliciniso, bacabange kutsi kwesaba Nkulunkulu yindlela yenzuzo.

Joshuwa 23:13

nibovele nati kutsi Simakadze Nkulunkulu wenu angeke asaticosha letive embikwenu. Esikhundleni saloko tiyawuba tingibe nabosochaka kini, netiswebhu emihlane yenu, nemanyeva emehlweni enu, nize nibhubhe niphele kulelive lelihle Simakadze Nkulunkulu wenu laniphe lona.

Tikhulu 2:3

Manje-ke ngiyanitjela ngitsi ngingeke ngisaticosha letive embikwenu. Setiyawuba ngemanyeva emihlubulweni yenu, nabonkulunkulu bato sebayawuba lugibe kini.”