Dutheronomi 20:16 - Siswati 1996 Bible

¹⁶ “Noko kulamadolobha aletive Simakadze Nkulunkulu wenu lanipha wona kutsi abe lifa lenu, akubete nome kunye lenikushiya kuphila.

Dutheronomi 20:16 Referencias Cruzadas

Numeri 21:35

Ngako ema-Israyeli abulala Ogi kanye nemadvodzana akhe, naso sonkhe sive sakhe, kwabate ngisho namunye lowasindza. Ase ayalidla lelo live lakhe.

Numeri 31:17

Bulalani bonkhe bafana, nibulale bonkhe labasikati labake balala nemuntfu lomdvuna,

Numeri 33:52

niboticosha nitikhiphe tonkhe letive lenitatikhandza khona. Nibotibhubhisa tonkhe letitfombe tato, netithico tato letibatiwe kanye netindzawo tato letiphakeme tekukhontela.

Dutheronomi 20:15

Niyakuwaphatsa kanjalo-ke onkhe emadolobha lakhashane nani langesiwo aletive letisedvutane nani.

Dutheronomi 20:17

Nibotibhubhisa tiphele tonkhe leto tive: emaHethi, nema-Amori, nemaKhenani, nemaPheresi, nemaHivi, nemaJebhusi, njengobe Simakadze Nkulunkulu wenu aniyala.

Dutheronomi 24:4

lendvodza yakhe yekucala leyehlukana naye ngekwemtsetfo akukafaneli ivunyelwe kutsi iphindze imshade emvakwekuba asahlazisiwe, loko kuyakuba sinengiso emehlweni aSimakadze. Ungacali kwenta kutsi lonakale live Simakadze Nkulunkulu wenu lanipha lona kutsi libe lifa lenu.”

Dutheronomi 31:5

Simakadze uyawutinikela kini, nine niyawukwenta kuto konkhe lenginiyale ngako kutsi nikwente.

Dutheronomi 4:21

“Simakadze wangitfukutselela ngenca yenu, waze wafunga kutsi ngingeke ngisawewela umfula iJordane ngingene eveni lelihle Simakadze Nkulunkulu wenu lanipha kutsi libe lifa lenu.

Dutheronomi 7:16

Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.

Joshuwa 10:20

Ngako Joshuwa nema-Israyeli ababulala abacedza, kwacishe kwangete kwasala muntfu, kodvwa labo labambalwa labasala babalekela emadolobheni abo latinqaba.

Joshuwa 10:28

Ngalelo langa Joshuwa wahlasela wadla iMakheda. Wahlasela lidolobha layo nenkhosi yakhona; wabagwaza bonkhe, kwabate namunye lowaphunyula. Washiya kute muntfu. Wenta enkhosini yaseMakheda njengobe enta enkhosini yaseJerikho.

Joshuwa 10:40

Ngako Joshuwa wasincoba sonkhe leso sifundza, ngisho nelive letintsaba imbala, nelaseNegevu, lekuyiningizimu yelive, nematsafa langasenshonalanga, nemacele etintsaba kanye nawo onkhe emakhosi akhona. Kwabate ngisho namunye lowasindza. Wabhubhisa bonkhe bantfu bakuleto tindzawo, njengobe Simakadze Nkulunkulu wema-Israyeli abeshito.

Joshuwa 11:14

Ema-Israyeli atitsatsela yonkhe imphango kanye netifuyo talamadolobha; kodvwa bonkhe bantfu babacedza ngelusiko lwenkemba, baze baphela bonkhe, kwabate ngisho namunye lowasala aphila.

Joshuwa 6:24

Lonkhe lidolobha nako konkhe lokusekhatsi bakushisa ngemlilo; kodvwa isiliva, negolide, netitja telitfusi netensimbi bakufaka endlini yengcebo yaSimakadze.

Joshuwa 8:25

Ngalelo langa kwafa ti-12 000, emadvodza nebafati, bonkhe kubantfu base-Ayi.

Joshuwa 8:8

Nitawutsi ningalidla lelidolobha, bese niyalishisa. Yentani loko Simakadze laniyale ngako. Nankho-ke umyalo wami lengininika wona.”

Joshuwa 9:24

Aphendvula Joshuwa atsi: “Tinceku takho tatjelwa kahle kamhlophe kutsi Simakadze Nkulunkulu wenu wamyala kanjani Mosi, inceku yakhe, kutsi aninike lonkhe lelive nekutsi acitse tonkhe tive letikulo embikwenu. Ngako sesabela timphilo tetfu ngenca yenu, ngiko nje sente lesento.

Joshuwa 9:27

Ngalelo langa wenta emaGibeyoni aba babandzi betinkhuni nebakheleli bemanti besive sonkhe sema-Israyeli nelilati laSimakadze endzaweni lekhetfwe nguSimakadze. Nguloko labangiko kona ngisho nalamuhla loku.

Joshuwa 9:7

Emadvodza aka-Israyeli akhuluma kulamaHivi, atsi: “Kodvwa mhlawumbe nakhelene nje natsi. Singasenta kanjani sivumelwane nani?”

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”