Dutheronomi 2:4 - Siswati 1996 Bible

⁴ Nika labantfu nansi imiyalo utsi: “Senitalidzabula ekhatsi lelive lebanakenu, titukulwane ta-Esawu, letihlala eSeyiri. Batawunesaba, kodvwa nibocaphela.

Dutheronomi 2:4 Referencias Cruzadas

Genesisi 25:23

Simakadze wamphendvula watsi: “Esiswini sakho kunetive letimbili. Utawutala tive letitakwehlukana tinhlobo letimbili. Lesinye sive siyawuba nemandla kunalesinye, lomdzala akhonte lomncane.”

Genesisi 36:8

Ngako-ke Esawu, labekatiwa ngekutsi ngu-Edomu, wahlala eveni letintsaba eSeyiri.

Eksodusi 15:15

Tikhulu taka-Edomu tiyakwesaba, tichwaga takaMowabi titfutfumele, takhamiti taseKhenani tiphele emandla,

Eksodusi 15:16

behlelwe kutfutfumela neluvalo. Ngenca yamandla emkhono wakho, bayawutfomeka, banganyakati nakancane; kuze kwendlule sive sakho, yebo, kuze kwendlule sive sakho, lowasitsenga ebugcilini, Simakadze.

Matewu 5:16

Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”

Lukha 12:15

Watsi kubo: “Caphelani, nikubalekele konkhe kufisa lokubi; ngobe imphilo yemuntfu ayinconotiswa bunjinga bakhe.”

Kubase-Efesu 5:15

Ngako-ke caphelani kutsi nitiphatsa njani. Ningatiphatsisi kwebantfu labangakahlakaniphi, kepha njengalabahlakaniphile.

Dutheronomi 2:3

‘Senihambe sikhatsi lesidze seloku nitungeleta lelive letintsaba, manje-ke sale nijikela ngasenyakatfo.

Dutheronomi 23:7

“Ningamtondzi um-Edomu, ngobe ungumnakenu. Ningamtondzi umGibhithe, ngobe nani nake nahlala nitihambi eveni lakubo.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

KubaseKholose 4:5

Tiphatseni ngekuhlakanipha nanisemkhatsini webantfu labangakholwa, bambisisani sikhatsi, niwasebentise kahle ematfuba leninawo.