Dutheronomi 2:37 - Siswati 1996 Bible

³⁷ Kodvwa asizange sisondzele eveni lema-Amoni: nome eceleni kugudla umfula iJabhoki, nome ngasemadolobheni laseveni letintsaba, nome ngukuphi-ke lapho Simakadze Nkulunkulu wetfu abesiyale kutsi singayi khona.”

Dutheronomi 2:37 Referencias Cruzadas

Genesisi 32:22

Ngabona lobo busuku Jakobe wavuka watsatsa bafati bakhe bobabili, netincekukati takhe letimbili, nebantfwabakhe labalishumi namunye, wabeweta etubukweni lemfula iJabhoki.

Numeri 21:24

Ema-Israyeli alwa naye amehlula, adla live lakhe kusukela e-Anoni kuya eJabhoki, kuze kugcine ngaseveni lema-Amoni, ngobe iminyele yawo yayakhiwe, itinqaba.

Dutheronomi 2:19

Nase nifike esiveni sema-Amoni, ningawachukuluti futsi ningawakhubi, ngobe ngingeke ngininike, ngisho nencenye nje yalelive lawo kutsi libe lifa lenu, ngobe phela ngalipha titukulwane taLoti kutsi libe lifa lato.’ ”

Dutheronomi 2:5

Ningabachukuluti kutsi baze balwe nani, ngobe ngingeke ngininike, ngisho nalokuncane kwalelive labo, ngisho nekwekubeka lunyawo lwenu imbala. Ngilinike Esawu lelive letintsaba iSeyiri, kutsi libe lakhe.

Dutheronomi 2:9

Simakadze wakhuluma kimi, watsi: ‘Ningawahlaseli emaMowabi, futsi ningawachukuluti kutsi aze alwe, ngobe ngingeke ngininike, ngisho nencenye nje yelive lawo. I-Ari yona ngiyiphe titukulwane taLoti kutsi ibe yato.’ ”

Dutheronomi 3:16

Sive sakaRubeni nesakaGadi ngatabela live lakaGileyadi, kuze kuyewufika eSihosheni sase-Anoni, ekhatsi nesihosha kwaba ngumnyele, kanye nasemfuleni iJabhoki, umnyele wesive sema-Amoni.

Joshuwa 12:2

Sihoni, inkhosi yema-Amori, labebusa eHeshboni. Abebusa kusukela e-Aroyeri emngcengcemeni weMsaho wase-Anoni, kusukela ekhatsi nawo, kuye eMfuleni iJabhoki, lekungumncele wema-Amoni. Lelive lalifaka ekhatsi incenye yelive lakaGileyadi.

Tikhulu 11:15

tafike tatsi: “Jeftha utsi: ‘Ema-Israyeli akazange alitsatse live lemaMowabi nelive lema-Amoni.

Tikhulu 11:22

Alidla lonkhe lelo live, kusukela e-Anoni kuye eJabhoki; nekusuka ehlane kuye emfuleni iJordane.