Dutheronomi 2:36 - Siswati 1996 Bible

³⁶ Kusukela e-Aroyeri lesemngcengcemeni weSihosha sase-Anoni, kanye nekusuka edolobheni lelisesikhunjini semfula, kuze kuyewufika eGileyadi kwabate ngisho nalinye lidolobha lelaba ngetulu kwemandla etfu. Simakadze Nkulunkulu wetfu wawanikela kitsi onkhe.

Dutheronomi 2:36 Referencias Cruzadas

2 Samuweli 24:5

Batsi nase bangesheya kwemfula iJordane, base bemisa eceleni kwe-Aroyeri ngaseningizimu yelidolobha esihosheni, bahamba bengca eGadi, bendlulela naseJazeri.

2 Emakhosi 10:33

kusukela eJordane kuye emphumalanga, lonkhe live lakaGileyadi, sigodzi sakaGadi, naRubeni, naManase kusukela e-Aroyeri ngasemfuleni i-Anoni lesibhukula iGileyadi ekhatsi size siyewuphumela eBhashani.

Tihlabelelo 44:3

Ngobe live abalichwaganga ngenkemba yabo ngisho nekuncoba abancobanga ngetikhwepha tabo; kodvwa bancoba ngesandla sakho sekudla, nangengalo yakho, nangekukhanya kwebuso bakho, ngobe wena wawubatsandza.

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Isaya 17:2

Emadolobha ase-Siriya atawushiywa abe ngemadlelo emihlambi yetimvu netimbuti, lapho iyawulala khona sekute nalotayesabisa.

Jeremiya 48:19

Manini emigwacweni nibukele, nine lenihlala e-Aroyeri. Butani kulamadvodza lasubatsako nakulabafati lababalekako nitsi: ‘Kwenteke njani?’

Numeri 32:34

EmaGadi akha emadolobha iDiboni ne-Atharothe, ne-Aroyeri,

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Dutheronomi 3:12

“Lelive salidla kanjalo-ke ngaleso sikhatsi. Indzawo lesukela enyakatfo yase-Aroyeri ngaseSihosheni sase-Anoni nencenye yelive letintsaba takaGileyadi kanye nemadolobha alo ngakwabela emaRubeni nemaGadi.

Dutheronomi 4:48

Lelive lalisuka e-Aroyeri emngcengcemeni weSihosha sase-Anoni, lize liyewufika eNtsabeni iSiyoni, leyo yiHemoni,

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Joshuwa 12:2

Sihoni, inkhosi yema-Amori, labebusa eHeshboni. Abebusa kusukela e-Aroyeri emngcengcemeni weMsaho wase-Anoni, kusukela ekhatsi nawo, kuye eMfuleni iJabhoki, lekungumncele wema-Amoni. Lelive lalifaka ekhatsi incenye yelive lakaGileyadi.

Joshuwa 13:16

Live kusuka e-Aroyeri emngcengcemeni weMsaho wase-Anoni, nekusuka edolobheni lelisemkhatsini weMsaho, lifake ekhatsi sonkhe sibebesi semmango waseMedeba,

Joshuwa 13:9

Live labo lalisuka e-Aroyeri emngcengcemeni weMsaho wase-Anoni, nasedolobheni lelisemkhatsini weMsaho, lalifaka sonkhe sibebesi semmango waseMedeba kuze kuyewufika eDiboni,

Joshuwa 21:44

Simakadze wawapha kuphumula kulelo live, kwaya njengobe abefungile kubokhokho bawo. Kute nome sinye sitsa sawo lesakhona kumelana nawo, ngobe Simakadze tonkhe leto titsa tawo watinikela etandleni tawo.

Tikhulu 11:22

Alidla lonkhe lelo live, kusukela e-Anoni kuye eJabhoki; nekusuka ehlane kuye emfuleni iJordane.

Tikhulu 11:26

Kwaze kwaphela iminyaka lengema-300, baka-Israyeli bahlala eHeshboni, nase-Aroyeri, nasetabelweni letiyitungeletile, nakuwo onkhe emadolobha kuvundla ne-Anoni. Awuzange ubahlasele ngani-ke ngaleso sikhatsi ulidle lelive?