Dutheronomi 2:24 - Siswati 1996 Bible

²⁴ “Sukumani, nihambe nidzabule Sihosha sase-Anoni. Bukani la, indzawo yaSihoni, um-Amori, inkhosi yaseHeshboni, nelive lakhe, ngikwetfule etandleni tenu. Mhlaseleni nidle lelive lakhe.

Dutheronomi 2:24 Referencias Cruzadas

2 Tikhronike 36:23

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, sewungiyalile kutsi ngimakhele lithempeli eJerusalema kulakaJuda. Manje-ke, ngulowo nalowo kini nine sive saNkulunkulu losemkhatsini wenu, shangatsi Simakadze Nkulunkulu wakhe angaba naye, ahambe aye khona.’ ”

Ezra 1:2

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, wangiyala nekutsi ngimakhele lithempeli lakhe eJerusalema kulakaJuda.

Jeremiya 27:5

Ngemandla ami lamakhulu nangengalo yami leyelulekile, ngadala umhlaba kanye nebantfu labahlala kuwo kanye netilwane letikuwo, futsi ngiwunika nome ngubani lengimtsandzako.

Hezekeli 29:20

Ngimnike iGibhithe, yaba yinkhokhelo yekukhandleka kwakhe, ngobe yena nemabutfo akhe bakwentela mine, kusho iNkhosi Simakadze.

Danyela 2:38

etandleni takho ubeke bantfu netilwane tesiganga kanye netinyoni telizulu. Nome ngukuphi lapho tidalwa tihlala khona, wena ukwente waba ngumbusi wato tonkhe. Wena ungulenhloko yegolide.

Danyela 4:17

“ ‘Sincumo simenyetelwa titfunywa; labangcwele bamemetela sigwebo, kuze kutsi labaphilako bati kutsi Longetulu Kwako Konkhe wengamele yonkhe imibuso yebantfu, futsi uyinika nome ngubani latsandza kumupha yona, bese ubeka etikwayo labo labatfobeke kakhulu kunabo bonkhe bantfu.’

Numeri 21:12

Atfutsa lapho ayawumisa eSihosheni saseZeredi.

Dutheronomi 2:36

Kusukela e-Aroyeri lesemngcengcemeni weSihosha sase-Anoni, kanye nekusuka edolobheni lelisesikhunjini semfula, kuze kuyewufika eGileyadi kwabate ngisho nalinye lidolobha lelaba ngetulu kwemandla etfu. Simakadze Nkulunkulu wetfu wawanikela kitsi onkhe.

Joshuwa 6:16

Ngesikhatsi sebatungeleta kwesikhombisa, nebaphristi sebashaya kakhulu emacilongo, Joshuwa watjela sive sonkhe, watsi: “Memetani kakhulu! Ngobe Simakadze sewuninikile lelidolobha.