Dutheronomi 19:5 - Siswati 1996 Bible

⁵ Ase ngitsi nangu umuntfu uhamba namakhelwane wakhe uya ehlatsini kuyawukabha tinkhuni, bese utsi uphakamisa lizembe atewujuba sihlahla, kuphunyuke lelizembe lishaye lomakhelwane afe khona lapho, lowo muntfu angabaleka ayewukhosela kulelinye lalawo madolobha, kuze atewusindzisa kuphila kwakhe.

Dutheronomi 19:5 Referencias Cruzadas

2 Emakhosi 6:4

Nembala Elisha wahamba nabo. Bahamba baya eJordane, befike bagawula tingodvo.

Taga 27:12

Umuntfu lohlakaniphile uyibona iseta ingoti bese uyayibalekela, uyabhaca; kodvwa longakahlakaniphi uyatfusha nje, etfuke asasetikwayo, atisole kamuva.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Numeri 35:25

Libandla kufanele livikele lona lonelicala lekubulala kulomphindziseli losihlobo semufi ngekutsi lincandzekise lombulali, abuyele edolobheni lekukhosela, lapho abebalekele khona. Kufanele ahlale lapho, kuze kufe umphristi lomkhulu, labegcotjwe ngemafutsa langcwele.

Dutheronomi 19:4

Lena-ke yindzaba yemuntfu lobulele lomunye wase ubalekela khona kuyawusindzisa kuphila kwakhe, lowo lobulele makhelwane wakhe angakacondzi, futsi lobekangesiso sitsa sakhe.

Dutheronomi 19:6

Ngaphandle kwaloko umphindziseli losihlobo sengati semufi lofuna kumbulala, kungenteka amcoshe aze amkhandze, nangabe libanga lilidze kakhulu, bese uyambulala, nome ngabe abengakafaneli kubulawa, ngobe lomakhelwane wakhe amfele ngesiphosiso.