Dutheronomi 19:15 - Siswati 1996 Bible

¹⁵ “Bufakazi bemuntfu munye abukeneli kutsi kungaze kulahlwe ngabo umbekwacala. Indzaba kufanele ibe nabofakazi lababili nome labatsatfu.

Dutheronomi 19:15 Referencias Cruzadas

1 Emakhosi 21:10

Kodvwa nibobe senihlalisa emahuzu lamabili embikwakhe, niwente afakaze kutsi ucalekise Nkulunkulu nenkhosi, bese nimkhiphela ngephandle, nimgcobe ngematje, aze afe.”

1 Emakhosi 21:13

Kwase kuvela emacili lamabili ahlala macondzana naye, abeka Nabothi licala embikwebantfu, atsi: “Nabothi ucalekise Nkulunkulu nenkhosi.” Ngako base bayamtsatsa Nabothi bamkhiphela ngephandle kwelidolobha, bamgcoba ngematje, waze wafa.

Numeri 35:30

“ ‘Umuntfu lobulala lomunye umuntfu naye uyawubulawa njengembulali ngebufakazi babofakazi. Kodvwa kute umuntfu loyawubulawa ngebufakazi bemuntfu munye.

Matewu 18:16

Kodvwa nangakulaleli, tsatsa lomunye nome babili bantfu uye kuye, kuze kutsi ‘yonkhe inkhulumo yenu ibe nabofakazi lababili nome labatsatfu,’ njengobe kusho umBhalo.

Johane 7:51

“Kodvwa ngekwemtsetfo wetfu umuntfu uyanikwa yini sigwebo angakaze abutwe kuvakale kahle kutsi cala lini lalentile?”

Johane 8:17

Kubhaliwe emtsetfweni wenu kutsi bufakazi bebantfu lababili bucinisile.

2 kubaseKorinthe 13:1

Sekwesitsatfu ngilungiselela kuta lapho kini. “Yonkhe inkhulumo yenu iboba nabofakazi lababili nome labatsatfu,” njengobe kusho umBhalo.

Dutheronomi 17:6

Umuntfu uyawubulawa ngebufakazi bebantfu lababili nome labatsatfu, kodvwa kute umuntfu loyawubulawa ngebufakazi bemuntfu munye kuphela.

1 kuThimothi 5:19

Ungakwemukeli kubekwa licala kwembonisi welibandla ngaphandle kwekutsi kube nabofakazi lababili nome labatsatfu.

KumaHebheru 10:28

Umuntfu lowephula umtsetfo waMosi ufa ngaphandle kwekuhawukelwa, ngebufakazi bebantfu lababili nome labatsatfu.