Dutheronomi 19:13 - Siswati 1996 Bible

¹³ Lowo muntfu ningamhawukeli. Kufanele kukhishwe kuphele ka-Israyeli kucitsa ingati lengenacala, khona kutawunihambela kahle.”

Dutheronomi 19:13 Referencias Cruzadas

Genesisi 9:6

“Locitsa ingati yalomunye umuntfu, neyakhe iyawucitfwa ngulabanye bantfu, ngobe Nkulunkulu wamenta umuntfu waba ngumfanekiso wakhe.

2 Samuweli 14:7

Manje lonkhe lusendvo seluvukele incekukati yakho, lutsi: ‘Letsa lona lowabulala umnakabo, kuze sitekumbulala ngenca yekubulala lomnakabo, ngekwenta njalo sitawube sesibulala lendlalifa.’ Ngalendlela batawube sebacisha lelo lahle belisasele livutsa, loko kwente indvodza yami ibete libito, iphindze ibete situkulwane emhlabeni.”

2 Samuweli 21:1

Kwaba nendlala lenkhulu ngesikhatsi sekubusa kwaDavide, kwadzimate kwaphela iminyaka lemitsatfu ilandzelana. Ngako Davide wafunisisa buso baSimakadze ngaloko. Simakadze watsi: “Loku kungenca yaSawula nangendlu yakhe lebovu ingati, kungobe Sawula wabulala bantfu baseGibeyoni.”

2 Samuweli 21:14

Base bangcwaba lamatsambo aboSawula nemsa wakhe Jonathani edlizeni laKhishi, uyise waSawula, eSela, kulakaBhenjamini, benta konkhe labebakutjelwa yinkhosi Davide. Emvakwaloko-ke Nkulunkulu wawuphendvula umthandazo welive.

1 Emakhosi 2:31

Inkhosi yatfumela Bhenaya yatsi: “Yenta njengobe asho. Mbulale, bese uyamngcwaba, khona kungetiwuba khona nome munye endlini yababe loyawuba nelicala lengati lengenacala ngalabantfu lababulawa nguJowabe.

Hezekeli 16:5

Kute namunye lowake wakubuka ngesihawu nome lowaba neluvelo ngawe, lolwenele kutsi akwentele kunye kwaletintfo. Esikhundleni saloko walahlelwa ngaphandle esigangeni, ngobe ngelilanga lowabelekwa ngalo, wavele wedzeleleka nje.

Levithikusi 24:17

“ ‘Lowo lobulala lomunye umuntfu, naye uyawubulawa.

Levithikusi 24:21

Lowo lobulala sifuyo kufanele asihlawule, kodvwa lowo lobulala umuntfu naye kufanele abulawe.

Numeri 35:31

Ningayemukeli inhlawulo yekuhlenga kuphila kwembulali, lofanele kufa. Lowo kufanele afe.

Dutheronomi 13:8

ungacali umvumele, futsi ungamlaleli. Ungabi naluvelo ngaye. Ungamphephisi, futsi ungamvikeli.

Dutheronomi 19:12

baholi belidolobha lakhe bayawumlandza, bambuyisele edolobheni lakhe, bese bamnikela kulowo mphindziseli losihlobo sengati semufi atembulala.

Dutheronomi 19:21

Ningabi nasihawu: kuphila ngekuphila, liso ngeliso, litinyo ngelitinyo, sandla ngesandla, lunyawo ngelunyawo.”

Dutheronomi 21:9

Niyakutihlangula kanjalo-ke ecaleni lekucitsa ingati lengenacala, njengobe niyakube senente lokulungile emehlweni aSimakadze.”

Dutheronomi 25:12

uyawujuba sandla sakhe, ungabi nasihawu naye.

Dutheronomi 7:16

Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.

Dutheronomi 7:2

Simakadze Nkulunkulu wenu letive utawutsi angatinikela etandleni tenu, nitehlule, niboticedza tiphele nya. Ningenti sivumelwane nato, ningabi namusa kuto.