Dutheronomi 18:11 - Siswati 1996 Bible

¹¹ nome alumbe, nome wemimoya lemibi, nome lophengulako, nome lokhuluma nalabafile.

Dutheronomi 18:11 Referencias Cruzadas

Eksodusi 22:18

“Umfati longumtsakatsi kufanele nimbulale, ningamvumeli kutsi aphile.

Isaya 8:19

Bantfu batanitjela kutsi: “Yanini etangomeni nakulababhulako, labo labahlebako banhhinklile.” Batsi: “Sive akukafaneli yini kutsi sibute kuNkulunkulu waso?” Indlela ifunelwani kulabafile egameni lalabaphilako?

Levithikusi 19:26

“ ‘Ningayidli inyama lesenengati kuyo, ningabi tangoma nome labenta imilingo.

Levithikusi 19:31

“ ‘Ningayi kuyawukhendla kulabanemadloti nome kuyawuphengula etangomeni; ngobe nanenta loko, niyawuba ngulabangcolile. NginguSimakadze, Nkulunkulu wenu.

Levithikusi 20:27

“ ‘Indvodza nome lomsikati losangoma nome longumtsakatsi nibombulala. Labo nibobagcoba ngematje baze bafe; ingati yabo iyawubasetikwabo.’ ”

Levithikusi 20:6

“ ‘Ngiyawubufulatselisa buso bami kulowo muntfu locela lusito kulabaphansi agwadle nabo ngekubalandzela; yebo, lowo muntfu ngiyawumncuma esiveni sakubo.

Imisebenti yebaPhostoli 16:16

Satsi sisahamba siya endzaweni yekuthandaza, sahlangana nesigcili sentfombatana lesasinemoya wekuphengula. Ngaleyo ndlela sasitfolela baniyo baso imali lenyenti.

1 Samuweli 28:8

Ngako Sawula waphica umkhondvo ngekwembatsa letinye tembatfo, kwatsi ebusuku wahamba kanye nemadvodza lamabili baya kulomfati losangoma. Wafike watsi: “Ngikhulekela inhloko, ungibitele lowo lengitamusho.”