Dutheronomi 17:9 - Siswati 1996 Bible

⁹ Nibohamba niye kubaphristi labangemaLevi nakumehluleli loyawube asesikhundleni ngaleso sikhatsi, nifike nihlolisise kahle kubo. Ngibo labayawukhipha sincumo.

Dutheronomi 17:9 Referencias Cruzadas

1 Tikhronike 26:29

Etitukulwaneni temaJisihari: Khenaniya nemadvodzana akhe banikwa imisebenti ngephandle kwelithempeli kutsi babhale imilandvo babuye babe behluleli besive sema-Israyeli.

Eksodusi 18:16

Nangabe kukhona labacabene ngako, bantfu beta kimi, bese-ke mine ngiyabalamula; ngibatjele imitsetfo nemiyalo yaNkulunkulu.”

Eksodusi 22:8

Kodvwa nangabe lelisela alikatfolakali, lomuntfu bekalondvolote letimphahla kufanele aletfwe embikwaNkulunkulu, lapho atawufike afungiswe kutsi akayebi yini lemphahla.

Jeremiya 18:18

Batsi: “Wotani sente lisu ngaJeremiya, ngobe imfundziso yemtsetfo lefundziswa baphristi ngeke ize iphele, naleteluleko tetihlakaniphi, nalelivi leliphuma kubaphrofethi. Ngako buyani simhlasele ngemagama etfu, singayinaki yonkhe lentfo layishoko.”

Hezekeli 44:24

“ ‘Kuyo yonkhe imibango, baphristi kufanele babe behluleli, bakhiphe sincumo lesihambisana netimiso tami. Kufanele bayigcine imitsetfo yami netimiso tami tayo yonkhe imikhosi yami lebekiwe, bagcine nemaSabatha ami angcwele.

Hagayi 2:11

“Naku lokushiwo nguSimakadze longuSomandla, utsi: ‘Buta kubaphristi kutsi umtsetfo utsini:

Zakhariya 3:7

“Naku lokushiwo nguSimakadze longuSomandla, utsi: ‘Nawutawuhamba etindleleni tami ugcine nemiyalo yami, indlu yami-ke uyakuyibusa uphatse netibuya telithempeli lami; mine ngiyawukunika indzawo emkhatsini waletingilosi letime lapha.

Zakhariya 7:3

ngekutsi babute baphristi basendlini yaSimakadze longuSomandla kanye nebaphrofethi, batsi: “Ngilile yini ngizile nekudla ngenyanga yesihlanu, njengaloku bengivele ngenta kuleminyaka leminyenti leyendlulile?”

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Dutheronomi 16:18

“Khetsani behluleli kanye netindvuna tetinkhundla taleso naleso sive kuwo onkhe emadolobha enu Simakadze Nkulunkulu lanipha wona. Ngibo labayakwehlulela ngekungakhetsi.

Dutheronomi 17:10

Nine-ke niyakwenta loko labayanitjela kona kuleyo ndzawo Simakadze latayikhetsa. Nibocaphela kutsi nente konkhe loko labanitjela kona.

Dutheronomi 21:5

Baphristi-ke, emadvodzana aLevi, bayawusondzela ngembili, ngobe Simakadze Nkulunkulu wenu ubakhetsile kutsi bakhonte baphindze baphumisele tibusiso egameni laSimakadze, bakhiphe netincumo tawo onkhe emacala embango kanye newekuhlaselana.

Dutheronomi 25:1

“Nangabe emadvodza abanga lokutsite, kufanele akumikise enkantolo, behluleli bayekulijuba lelo cala, bavikele longenacala balahle lonelicala.

Dutheronomi 33:10

Uyawufundzisa imiyalo yakho kuJakobe, nemitsetfo yakho ku-Israyeli. Ushisa imphepho embikwakho, neminikelo yekushiswa yonkhe elatini lakho.