Dutheronomi 17:20 - Siswati 1996 Bible

²⁰ ingacali iticabange kutsi yona incono kunebanakabo, bese iyaphambuka emtsetfweni, iye ngesekudla nome ngesancele. Nayilandzelisisa onkhe emavi alomtsetfo naletimiso, yona nemadvodzana ayo batawubusa sikhatsi lesidze ka-Israyeli.”

Dutheronomi 17:20 Referencias Cruzadas

2 Samuweli 22:23

Yonkhe imiyalo yaNkulunkulu isembikwami. Angikagucuki etimisweni takhe.

1 Emakhosi 11:34

“ ‘Kodvwa ngingeke ngiwutsatse wonkhe umbuso kuSolomoni. Ngimi lengimente umholi ngaso sonkhe sikhatsi sekuphila kwakhe ngenca yaDavide, inceku yami, lengamkhetsa, naye wayilalela yonkhe imiyalo yami netimiso tami.

1 Emakhosi 11:36

Umsa wakhe ngitamnika sive sibe sinye, kuze kutsi Davide, inceku yami, ihlale inesibane embikwami eJerusalema, lidolobha lengalikhetsela kutsi ngibeke Libito lami kulo.

1 Emakhosi 15:3

Abiya watenta tonkhe tono letatentiwe nguyise embikwakhe; inhlitiyo yakhe yayingakapheleli kuSimakadze Nkulunkulu wakhe, njengenhlitiyo yaDavide labengukhokho wakhe labenamatsele kuNkulunkulu.

1 Emakhosi 15:5

Ngobe Davide abenta lokuhle emehlweni aSimakadze, wangete waphambuka kuyo yonkhe imiyalo yaSimakadze emphilweni yakhe yonkhe, ngaphandle kwendzaba ya-Uriya labengumHethi.

1 Emakhosi 2:3

ucaphelisise konkhe lokushiwo nguSimakadze Nkulunkulu wakho: Hamba etindleleni takhe, ugcine timiso takhe, nemiyalo yakhe, nemitsetfo yakhe, netimfanelo takhe, njengobe kubhaliwe emtsetfweni waMosi, khona utawuchuma kuko konkhe lokwentako, nome ngukuphi lapho uya khona,

2 Emakhosi 10:30

Simakadze wakhuluma kuJehu, watsi: “Njengobe wente lokuhle, waphumelelisa loko lokuhle emehlweni ami, wenta nasendlini yaka-Ahabi konkhe loko lenganginako engcondvweni yami kutsi ngikwente, ngako situkulwane sakho sesiyawuhlala esihlalweni sebukhosi saka-Israyeli kuze kube ngusesitukulwaneni sesine.”

2 Emakhosi 14:10

Liciniso kutsi uyehlulile i-Edomu, nguko nje sewutikhukhumeta kangaka. Ludvumo alube kuwe ngekuncoba kwakho, kodvwa wena hlala phansi lapho kakho! Utibitelelani kuhlupheka, utidvonsele wena kuwa kwakho kanye nekwesive sonkhe sakaJuda?”

2 Tikhronike 25:19

Utitjela kutsi njengobe wehlule baka-Edomu nje, sewulutfo, sewuyatigabatisa. Wena hlala phansi lapho kakho. Utibitelelani kuhlupheka, utidvonsele wena kuwa kwakho, kanye nekwesive sonkhe sakaJuda?”

2 Tikhronike 26:16

Kodvwa kwatsi kube Uziya abe nemandla, kutiphakamisa kwakhe kwamdvonsela ekuweni. Akazange etsembeke kuSimakadze Nkulunkulu wakhe; wangena ethempelini laSimakadze washisa imphepho elatini lemphepho.

2 Tikhronike 33:12

Manase wafunisisa Simakadze asasekuhluphekeni, wafuna lusito lwaSimakadze Nkulunkulu wakhe, watitfoba kakhulu embikwaNkulunkulu waboyisemkhulu.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

2 Tikhronike 33:23

Kodvwa yena akazange afute uyise Manase, ngobe akazange aphendvuke, atitfobe embikwaSimakadze, Amoni wachubeka wadlanga ngebubi bakhe.

2 Tikhronike 34:27

Njengobe inhlitiyo yakho itsintsekile, wase uyatitfoba embikwaNkulunkulu, nawuva kutsi abetsiteni ngalendzawo kanye nangebantfu bayo, ngobe wena utitfobile embikwami, waklebhula tingubo takho, wakhala embikwami, ngikuvile, kusho Simakadze.

Tihlabelelo 119:102

Angikaphambuki emtsetfweni wakho, ngobe nguwe longifundzisile.

Tihlabelelo 132:12

Nangabe bantfwabakho bagcina sivumelwane sami netimiso tami lengiyawubafundzisa tona, nebantfwababo futsi bayawuhlala esihlalweni sakho sebukhosi, kuze kube phakadze.”

Tihlabelelo 19:11

Impela, inceku yakho iyalwa ngato, lowo lotigcinako unemvuzo lomkhulu.

Taga 10:27

Kwesaba Simakadze kwandzisa kuphila kwemuntfu; kodvwa iminyaka yalomubi iyancishiswa.

Taga 27:24

ngobe ingcebo ayihlali siphelane, iyaphunyula; ngisho nekubusa kwemakhosi akuhlali kukhona siphelane.

Umshumayeli 8:13

Kodvwa kungeke kubahambele kahle lababi, futsi imphilo yabo ingeke yeluleke njengematfunti, ngobe bangamesabi Nkulunkulu.

Isaya 2:12

Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Habakhuki 2:4

“Nasi sembulo: Lotiphakamisako angeke aphephe, kodvwa lolungile uyawuphila ngekukholwa kwakhe.”

2 kubaseKorinthe 12:7

Bengingahle ngikhukhunyetwe kakhulu ngenca yetembulo letinyenti, ngako-ke kwabekwa linyeva enyameni yami, ingilosi yaSathane yangihlaba, khona ngingetitikhukhumeta kakhulu.

Dutheronomi 12:25

Aniyikuyidla, khona kuyawunihambela kahle nine kanye nebantfwabenu emvakwenu, ngobe niyakube nenta lokuhle emehlweni aSimakadze.

Dutheronomi 12:28

Caphelani kutsi niyilalele yonkhe lemiyalo lengininika yona, kuze kutenihambela kahle ngaso sonkhe sikhatsi, nine nebantfwabenu emvakwenu, ngobe nitawube nenta lokuhle nalokwemukelekile emehlweni aSimakadze Nkulunkulu wenu.”

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

Dutheronomi 17:11

Niyawulandzela lowo mtsetfo labanifundzisa wona netincumo labaninika tona. Ningacali niphambuke nakancane ngesekudla nome ngesancele kuloko labanitjela kona.

Dutheronomi 4:2

Ningacali nengete lutfo kulamavi lenginiyala ngawo, futsi ningaphunguli lutfo kuwo, kodvwa gcinani lemiyalo yaSimakadze Nkulunkulu wenu lengininika yona.

Dutheronomi 5:32

“Ngako caphelani kwenta loko Simakadze Nkulunkulu wenu laniyale ngako kutsi nikwente; ningacali nijikele ngesekudla nome ngesancele.

Dutheronomi 8:2

Khumbulani kutsi Simakadze Nkulunkulu wenu wanihola njani kuyo yonkhe indlela yenu ehlane kuleminyaka lengema-40, wanitfobisa wanivivinya, khona atewukwati lenanikucondzile enhlitiyweni yenu nekutsi nitayigcina yini imiyalo yakhe, nome cha.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”

1 Samuweli 10:25

Samuweli wachazela sive imitsetfo yebukhosi. Wayibhala phansi encwadzini legocotwako, wayetfula embikwaSimakadze. Samuweli wase uyasicitsa sive; nguloyo naloyo waya ekhaya lakhe.

1 Samuweli 15:23

Ngobe kuhlubuka kufanana nesono sekubhula, nekutigcabha kufanana nekukhonta tithico. Njengobe walile kutsatsa umyalo waSimakadze, naye sewukwalile kutsi uchubeke ube yinkhosi.”