Dutheronomi 17:19 - Siswati 1996 Bible

¹⁹ Kufanele ihlale kuyo iyifundze onkhe emalanga ekuphila kwayo, khona itewufundza kwesaba Simakadze Nkulunkulu wayo, ibuye ilandzelisise ngekucophelela onkhe emavi alomtsetfo naletimiso,

Dutheronomi 17:19 Referencias Cruzadas

2 Emakhosi 22:10

Shafani, mabhalane, wayibikela inkhosi, watsi: “Hilkiya, umphristi, unginike incwadzi.” Shafani wase ufundzela inkhosi lencwadzi.

Tihlabelelo 1:2

Kodvwa kujabula kwakhe kusemtsetfweni waSimakadze, uyacabanga azindle ngawo imini nebusuku.

Johane 5:39

Niphenya imiBhalo, ngobe nicabanga kutsi nitawutfola kuphila lokuphakadze kuyo, kantsi ngiyo lucobo lefakaza ngami.

Dutheronomi 11:18

“Lamavi ami niyakuwagcina etinhlitiyweni tenu, niwanamatselise nasetingcondvweni tenu, niyakuwabophela abe luphawu etandleni tenu, abe ngimihlobiso yemabunti enu.

Dutheronomi 4:10

Khumbulani lilanga lenema ngalo embikwaSimakadze Nkulunkulu wenu ngesikhatsi akhuluma kimi eHorebe atsi: ‘Hlanganisa sonkhe sive sibutsane la embikwami. Ngifuna kutsi sive kahle emavi ami, khona sitewufundza kungihlonipha, yingci nasisaphila kulomhlaba sibuye sifundzise nebantfwabaso.’

Dutheronomi 4:9

Caphelani-ke nilindze kahle imiphefumulo yenu, ningaze nikhohlwe nguletintfo lenitibone ngemehlo enu nome nitiyekele tiphunyuke enhlitiyweni yenu yingci nanisaphila. Niyakutifundzisa bantfwabenu nebantfwana bebantfwabenu.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.

Joshuwa 1:8

Emavi alencwadzi yemtsetfo angesuki emlonyeni wakho; uyawucabangisisa ujule kuwo busuku nemini, kuze ukhone kukwenta konkhe loku lokubhalwe kuwo; khona-ke uyawuphumelela kube kuhle kuwe.