Dutheronomi 17:16 - Siswati 1996 Bible

¹⁶ Leyo nkhosi futsi akukafaneli ifune kuba nemahhashi lamanyenti langewayo, nome yente bantfu badzimate bancandzeke babuyele eGibhithe kuyawulandza lamanye, ngobe phela Simakadze wanitjela watsi: ‘Ningaphindzi nincandzeke nihambe ngaleyo ndlela futsi.’

Dutheronomi 17:16 Referencias Cruzadas

2 Samuweli 8:4

Davide watfumba inkhulungwane yetincola takhe temphi, nebashayeli betincola temphi labati-7 000, nemasotja lahamba ngetinyawo lati-20 000. Onkhe emahhashi wawageca imisipha, washiya emahhashi etincola letilikhulu.

1 Emakhosi 1:5

Adoniya, unina wakhe labenguHagithi, watibeka embili watsi: “Ngimi lotawuba yinkhosi.” Ngako walungisa tincola nemahhashi, kanye nemadvodza langema-50 ekugijima embikwakhe.

1 Emakhosi 4:26

Solomoni abenetitebele letatiti-4 000 emahhashi ekudvonsa tincola kanye nemahhashi ekugitjelwa lati-12 000.

1 Emakhosi 5:6

“Ngako ngicela utfumele emadvodza kutsi aye eLebanoni ayekungigawulela imisedari. Emadvodza akami atawubambisana nalawo akakho, kantsi ngitawakhokhela lawo madvodza akakho, nome ngabe ufuna malini yekuwaholela. Nawe uyati kutsi asinabo labangaba nelikhono ekugawuleni imisedari kwendlula emaSidoni.”

2 Tikhronike 1:16

Emahhashi aSolomoni abewekutsengwa eGibhithe naseKuwe, bahwebi benkhosi babewatsenga eKuwe.

2 Tikhronike 9:25

Solomoni abenetitebele letatiti-4 000 temahhashi kanye netincola temphi, nemahhashi lati-12 000, labekugcine emadolobheni etincola temphi, kanye naseJerusalema, lapho abehlala khona.

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Eksodusi 13:17

Ngesikhatsi Faro akhulula sive sema-Israyeli, Nkulunkulu akawahambisanga ngendlela lejubako leyayidzabula eveni lemaFilisti. Nkulunkulu wacabanga watsi: “Angifuni kubahambisa ngalendlela, ngobe nase kufanele babhekane nemphi, bangahle bajikise tingcondvo bese babuyela eGibhithe.”

Eksodusi 13:18

Esikhundleni saloko, Nkulunkulu sive sema-Israyeli wasihola ngendlela lendze lejika ehlane lelingaseLwandle Lolubovu, sive sema-Israyeli saphuma eGibhithe sihleleke njengemphi.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Isaya 2:7

Live labo ligcwele isiliva negolide; ingcebo yabo ayinasiphetfo. Live labo ligcwele emahhashi; tincola temphi tinyenti kakhulu.

Jeremiya 42:19

“Awu, nsali yakaJuda, Simakadze sewunitjelile watsi: ‘Ningayi eGibhithe.’ Kufanele nati kahle kutsi: Lamuhla ngiyanecwayisa

Hezekeli 17:15

Kodvwa inkhosi lensha yayivukela inkhosi yaseBhabhulona ngekutsi itfumele emancusa ayo eGibhithe kutsi ayewutfola emahhashi nemphi lenkhulu. Iyawuphumelela yini? Uyawuphumelela yini umuntfu lowenta tintfo letinje? Angasephula yini sivumelwane aphindze aphumelele?

Hoseya 11:5

“Bangeke yini babuyele eGibhithe, yona i-Asiriya ingeke yini ibuse etikwabo, njengobe naku bayala kuphendvuka?

Hoseya 14:3

I-Asiriya ngeke isisindzise; singeke siwagibele emahhashi emphi. Singeke siphindze sisho futsi, sitsi: ‘Bonkulunkulu betfu’ kuloko lokwakhiwa tandla tetfu, ngobe kuwe wena wedvwa tintsandzane letite boyise titfola sihawu.”

Mikha 5:10

Simakadze utsi: “Ngaleso sikhatsi ngiyakubulala emahhashi akho, ngibhubhise tincola nemahhashi ato.

Dutheronomi 28:68

Simakadze uyawunincandzekisa ngemikhumbi nibuyele eGibhithe, ngendlela lengangetsembise kutsi ningeke niphindze nibuyele ngayo. Lapho-ke niyawutinikela nine matfupha kutsi nibe yindali etitseni tenu kutsi tinitsenge nibe tigcili netigcilikati tato, kodvwa kute loyawunitsenga.”

1 Samuweli 8:11

watsi: “Naku-ke lokutakwentiwa ngulenkhosi letawubusa etikwenu: Itawutsatsa emadvodzana enu, iwabutse aphume nemphi yayo yetincola nemahhashi, iwakhekhetelise embikwetincola tayo.