Dutheronomi 16:19 - Siswati 1996 Bible

¹⁹ Kufanele ningawephuli umtsetfo, futsi ningabakhetsi bantfu. Akukafaneli nemukele umdizo, ngobe uphumphutsekisa emehlo alabahlakaniphile, uphambukise nemavi alabalungile.

Dutheronomi 16:19 Referencias Cruzadas

Tihlabelelo 15:5

Webolekisa ngemali yakhe angayengeti intalo nase ikhishwa. Akakwemukeli kudizelwa entele kulahla lote licala. Umuntfu lowenta letintfo uyawuhlala atinte kuze kube phakadze.

Eksodusi 18:21

Ngetulu kwaloko khetsa emadvodza lafanele, naletsembekile, lesaba Nkulunkulu, nalengatsengeki, uwabeke abe baholi: betinkhulungwane, nebemakhulu, nebema-50, nebemashumi.

Eksodusi 23:2

Ungalilandzeli linyenti lelenta lokubi; nawenta bufakazi ecaleni, ungawephuli umtsetfo ngekuvumelana nelinyenti.

Eksodusi 23:3

Ungakhetsi muntfu nakutekwa licala lalomphofu.

Taga 15:27

Umuntfu lofuna inzuzo ngendlela lembi uletsa kuhlupheka ekhaya lakhe; kodvwa umuntfu lotondza kudizelwa uyawuphila.

Taga 17:23

Umuntfu lomubi uwemukela ngasese umdizo, khona atewuphambukisa umtsetfo.

Taga 18:5

Kubi kungamlahli ngelicala umuntfu lowonile, nekugodla emalungelo alongenacala kubi.

Taga 24:23

Nati-ke futsi letinye taga talabahlakaniphile: Kubi nangabe umehluleli ehlulela ngekukhetsa.

Taga 24:28

Ungabenti bufakazi bekulahla makhelwane wakho ngelicala ngaphandle kwesizatfu, ungamcaleli ngisho nemanga.

Taga 31:5

Nase banatsa bayayikhohlwa lemitsetfo lebekiwe, bese bakhohlwa emalungelo alabacindzetelwe.

Umshumayeli 7:7

Ngempela, inkhohliso yenta umuntfu lohlakaniphile abe silima; umdizo wonakalisa inhlitiyo nengcondvo.

Isaya 1:17

nifundze kwenta lokulungile! Funani umtsetfocotfo, nikhutsate labacindzetelwe. Vikelani labo labate boyise, niyimele indzaba yemfelokati.”

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 33:15

Ngulowo lohamba ngekulunga, akhulume lokungiko, lowo lowala inzuzo yekucindzetela, logodla sandla sakhe singayemukeli imidizo, avale tindlebe takhe kulababopha luzungu, avale emehlo akhe ekubukeni lokubi.

Jeremiya 5:28

sebakhuluphele baze bamanyatela. Tento tabo letimbi atinamkhawulo, ababameleli labo labate boyise kutsi bangalahlwa licala, abawalweli nemalungelo alabamphofu.”

Hezekeli 18:8

Akebolekiseli kutsi atfole inzuzo lenkhulu, nome-ke atsatse intalo lenkhulu kakhulu. Uyasibamba sandla sakhe ekwenteni lokubi, futsi wehlulela ngekungakhetsi emkhatsini wemuntfu nemuntfu.

Hezekeli 22:12

Kuwe kunemadvodza lemukela imidizo entele kucitsa ingati; utsatsa intalo ugale inzuzo lenkhulu, wente intalo yebutulujane kumakhelwane wakho ngekumcindzetela. Sewungikhohliwe mine, kusho iNkhosi Simakadze.

Levithikusi 19:15

“ ‘Ungehluleli ngekukhetsa, ngekulahla lomphofu ngelicala uvune lomkhulu, kodvwa mehlulele ngekulunga makhelwane wakho.

Mikha 7:3

Bonkhe batingcweti ekwenteni lokubi. Tiphatsimandla nebehluleli bacela kudizelwa. Umuntfu lomkhulu uvele atjele labantfu loko lakufunako, bese babopha lisu.

Habakhuki 1:4

Ngako-ke umtsetfo sewuchwale waze waba butsakatsaka, akusehlulelwa ngebucotfo. Lababi behlula labalungile, kuze kutsi bucotfo bemtsetfo buphanjukiswe.

Imisebenti yebaPhostoli 10:34

Wacala wakhuluma Phetro watsi: “Nembala sengibonile kutsi Nkulunkulu akakhetsi libala lemuntfu,

Imisebenti yebaPhostoli 16:37

Kepha Pawula watsi kubo: “Sitfolakale singenacala nakancane, sibhanjabulwe embikwebantfu loku singemaRoma ngekutalwa, safakwa ejele. Manje setifuna kusikhulula ngasese? Cha, ngeke! Akute tona matfupha titesikhipha!”

Imisebenti yebaPhostoli 23:3

Pawula watsi kuye: “Nakanjani Nkulunkulu utakumukula nawe, wena ludvonga-ndzini lolupendwe lwaba mhlophe! Kantsi uhlalele kwehlulela mine ngekwemtsetfo, kodvwa wena ube uwephula ngekubatjela kutsi abangimukule?”

Dutheronomi 10:17

Ngobe Simakadze longuNkulunkulu wenu nguNkulunkulu wabonkulunkulu, neNkhosi yemakhosi, nguNkulunkulu lomkhulu, nalonemandla nalowesabekako; akakhetsi, kantsi futsi akadizelwa.

Dutheronomi 16:18

“Khetsani behluleli kanye netindvuna tetinkhundla taleso naleso sive kuwo onkhe emadolobha enu Simakadze Nkulunkulu lanipha wona. Ngibo labayakwehlulela ngekungakhetsi.

Dutheronomi 24:17

“Ningabadleleli betive nome tintsandzane emalungelo langewabo nome nitsatse sembatfo semfelokati sibe sibambiso salakwebolekile.

Dutheronomi 27:19

“ ‘Ucalekisiwe umuntfu logodla emalungelo kuto tindzindzi, nakuto tintsandzane kanye nakubafelokati.’ “Bonkhe bantfu bayawuphendvula batsi: ‘Amen.’

Dutheronomi 27:25

“ ‘Ucalekisiwe umuntfu lotsatsa umdizo, khona atewubulala umuntfu longenacala.’ “Bonkhe bantfu bayawuphendvula batsi: ‘Amen.’

1 Samuweli 12:3

Manje ngime lapha, fakazani ngebubi bami lapha embikwaSimakadze nakulogcotjiwe wakhe. Ngubani lengake ngadla inkhabi yakhe? Ngubani lengake ngadla imbongolo yakhe? Ngubani lengake ngamdlelela? Ngubani lengake ngamcindzetela? Tabani tandla lengake ngemukela kuto umdizo kuze ngivale emehlo ami? Nakukhona lengake ngakwenta kwaloku, ngifuna kukulungisa.”

1 Samuweli 8:1

Watsi kube Samuweli akhule abe mdzala, wase ubeka emadvodzana akhe kutsi abe tikhulu tema-Israyeli.

1 Samuweli 8:3

Kodvwa lamadvodzana akhe akazange ahambe etinyatselweni takhe. Aphambuka angete etsembeka, emukela imidizo, agwegwisa umtsetfo.