Dutheronomi 16:16 - Siswati 1996 Bible

¹⁶ “Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

Dutheronomi 16:16 Referencias Cruzadas

1 Emakhosi 9:25

Katsatfu ngemnyaka Solomoni abenta umnikelo wekushiswa nemnikelo wekuthula elatini labelakhele Simakadze, ashise nemphepho embikwaSimakadze kanye nayo, kuze atewufeza leyo mininingwane yasethempelini.

2 Tikhronike 8:13

njengobe kwakumisiwe nguMosi macondzana nayo yonkhe iminikelo yemalanga onkhe, neyemaSabatha, neyekwetfwasa kwenyanga kanye neyemikhosi lemitsatfu yeminyaka leyayimisiwe, uMkhosi Wesinkhwa Lesingenamvubelo, neMkhosi Wemaviki kanye neMkhosi Wemadlangala.

Ezra 3:1

Ngenyanga yesikhombisa sive saka-Israyeli sase sitintile sihleti emadolobheni aso; sonkhe sive sahlangana saba njengemuntfu munye eJerusalema.

Nehemiya 8:15

nekutsi lelivi kufanele balisakate balimemetele kuwo onkhe emadolobha abo naseJerusalema, batsi: “Hambani, niye eveni letintsaba niyewugawula khona emagala etihlahla temncumo kanye newemncumo wesiganga, newabomabovana, newemasundvu kanye newetihlahla temtfunti nitekwenta emadlangala,” njengobe kubhaliwe emtsetfweni.

Tihlabelelo 122:4

Ngulapho ikhuphukela khona imindeni yaSimakadze, iyewudvumisa Nkulunkulu, njengobe yena ayala Israyeli.

Tihlabelelo 84:7

Bayatfutfuka emandleni baye emandleni; Nkulunkulu wabonkulunkulu uyawubonakala eSiyoni.

Tihlabelelo 84:8

Hhawu, Simakadze, Nkulunkulu wemabandla, vani, ulalele umthandazo wami, beka indlebe yakho, Nkulunkulu waJakobe! Cabanga.

Tihlabelelo 96:8

Nikani Simakadze lolufanele ludvumo libito lakhe. Ngenani emabaleni endlu yakhe, niletse kuye umnikelo.

Eksodusi 34:20

Litubulo lelidvuna lembongolo uyawulihlenga ngekunikela lizinyane lemvu esikhundleni salo; nangabe awulihlengi, ubolephula intsamo. Onkhe emadvodzana langematubulo uyakuwahlenga. “Kufanele kubete lovela embikwami angakaphatsi lutfo etandleni.

Eksodusi 34:24

Ngobe ngiyawucitsa tive embikwakho ngandzise neminyele yakho; kute loyawuhawukela live lakho, ngetikhatsi tekwenyuka kwakho katsatfu ngemnyaka nawuyekutibonakalisa kuSimakadze, longuNkulunkulu wakho.

Isaya 23:18

Noko inzuzo yayo nemali yayo leyitfolako ingeke ibutsiswe ndzawonye, kodvwa iyakwehlukaniselwa Simakadze. Iyakwabelwa labo labakhonta Simakadze, babe nekudla lokunyenti netimphahla letinhle.

Isaya 33:20

Buka iSiyoni, lidolobha lemadzili etfu; emehlo akho ayakuyibona iJerusalema, indzawo yekuhlala lenekuthula, nelithende lelingeke lisuswe; tikhonkhwane talo tingeke tisishulwe, kungeke kudzabuke ngisho nayinye yetindophi talo.

Hezekeli 36:38

babe banyenti ngangemihlambi yeminikelo eJerusalema, ngetikhatsi temikhosi yakhona lemisiwe. Kanjalo-ke kulamadolobha labebhidlitiwe kuyawunyakatela bantfu. Ngulapho-ke bayawukwati khona kutsi mine nginguSimakadze.”

Levithikusi 23:34

“Shano kubantfwana baka-Israyeli utsi: ‘Ngelilanga leli-15 kulenyanga yesikhombisa, emalanga lasikhombisa ngeweMkhosi Wemadlangala kuSimakadze wenu.

Hagayi 1:9

“Benilindzele sivuno lesikhulu, kodvwa navuna kuncane. Loko lenikubuyise ekhaya ngikuphuphutsile, kwahamba. Leni?” kusho Simakadze longuSomandla. “Ngenca yendlu yami lesolomane ihleti itindzala, ngalesikhatsi lapho kungulowo nalowo wenu aphishaneke ngeyakhe indlu.

Matewu 2:11

Tangena endlini, tabona umntfwana naMariya, unina. Taguca phansi, tadvumisa iNkhosi; tase tivula tikhwama tato, tamupha tipho: igolide, nemphepho, nemakha.

Makho 12:3

Basidvumela, basishaya, basincandza mahhala.

Johane 7:2

Bese kusondzele uMkhosi wemaJuda wemaDlangala.

Dutheronomi 16:15

LoMkhosi niyakuwugubha emalanga lasikhombisa kuSimakadze Nkulunkulu wenu kuleyo ndzawo Simakadze layakuyikhetsa. Ngobe Simakadze Nkulunkulu wenu uyawunibusisa kuto tonkhe tivuno tenu nakuyo yonkhe imisebenti yetandla tenu, nekujabula kwenu kuyawuphelela.

Dutheronomi 16:17

Ngulowo nalowo akaletse sipho lesifanele sibusiso lasemukele kuSimakadze Nkulunkulu wenu.”

Dutheronomi 31:11

ngesikhatsi onkhe ema-Israyeli atewutibonakalisa kuSimakadze Nkulunkulu wenu endzaweni latayikhetsa, lomtsetfo niyakuwufundza embikwawo eva.

1 Samuweli 1:3

Yonkhe iminyaka lendvodza yayisuka edolobheni layo yenyuke iyewukhonta inikele ngemihlatjelo kuSimakadze longuSomandla eShilo, lapho boHofni naFinehasi, emadvodzana a-Eli, babebaphristi baSimakadze khona.

1 Samuweli 6:3

Baphendvula batsi: “Nanibuyisela libhokisi laloNkulunkulu wema-Israyeli, ningacali nilibuyisele emuva liguncuta lodvwa. Nibetama ngawo onkhe emandla enu kutsi nilibuyisele kuye nemnikelo welicala. Nase nente njalo-ke, nitawuphila, nati nekwati kutsi bekwentiwa yini kutsi sandla sakhe singesuki etikwenu.”