Dutheronomi 15:23 - Siswati 1996 Bible

²³ Kodvwa ungaboyidla ingati; uboyicitsa phansi emhlabatsini njengemanti.”

Dutheronomi 15:23 Referencias Cruzadas

Genesisi 9:4

Intfo nje, ningayidli inyama lesenengati; loko ngikusho ngobe kuphila kusengatini.

Hezekeli 33:25

“Ngako-ke khuluma kubo, utsi: ‘Naku lokushiwo yiNkhosi Simakadze, itsi: Njengobe senidla inyama lenengati, nibuke tithico tenu, nicitse ingati, kufanele yini kutsi lelive libe lenu?

Levithikusi 17:10

“ ‘Wonkhe umIsrayeli nome wetive lohlala nani lodla ingati, ngiyawumelana naye ngimncume esiveni sakubo.

Levithikusi 19:26

“ ‘Ningayidli inyama lesenengati kuyo, ningabi tangoma nome labenta imilingo.

Levithikusi 7:26

Nome ngukuphi lapho niyawuhlala khona, aniyikuyidla ingati yetinyoni nome yetilwane.

Imisebenti yebaPhostoli 15:20

kuphela nje asibabhalele incwadzi sibatjele kutsi bangakudli kudla lokungcoliswe ngekunikelwa etithicweni, babalekele bugwadla, bangadli lokucumbelene, bangayidli nengati.

Dutheronomi 12:15

“Noko ningahlaba nidle inyama kunome ngukuliphi lalamadolobha enu, kuye ngekutsandza kwenu nangesibusiso saSimakadze Nkulunkulu wenu laninike sona. Longcolile nome lohlantekile ngekwemtsetfo bobabili bangadla ngalokufananako inswephe nome inyamatane.

Dutheronomi 12:16

Kodvwa kufanele ningayidli ingati; niyakuyicitsela phansi emhlabatsini njengemanti.

Dutheronomi 12:23

Kodvwa nibocaphela kutsi ningayidli ingati, ngobe ingati ikuphila, akufanele nidle kuphila kanye nenyama.

Dutheronomi 12:24

Kufanele ningayidli ingati; niyakuyicitsela phansi emhlabatsini njengemanti.

1 Samuweli 14:32

Ema-Israyeli advumela imphango atfumba timvu, netinkhomo nematfole, akuhlaba khona lapho phansi, akudla kanye nengati yako.

1 Samuweli 14:33

Kwabikwa kuSawula, kwatsiwa: “Ase ubuke, lamadvodza enta sono embikwaSimakadze ngekudla inyama lenengati.” Sawula wakhala, watsi: “Ningemambuka! Gicitelani litje lelikhulu lapha kimi.”