Dutheronomi 15:13 - Siswati 1996 Bible

¹³ Nawumkhulula ungacali umhambise yabayaba.

Dutheronomi 15:13 Referencias Cruzadas

Genesisi 31:42

Kube Nkulunkulu wababe, naNkulunkulu wa-Abrahama, lokwesaba kwa-Isaka, abengekho ngakimi, ngineliciniso kutsi ngabe ungicoshile ngahamba mahhala ngite lutfo. Kodvwa Nkulunkulu ukubonile kuhlupheka kwami nemsebenti wetandla tami, wase uyakwekhuta kulobusuku bayitolo.”

Eksodusi 3:21

“Ngiyakwenta emaGibhithe kutsi anihloniphe anentele sisa, kuze kutsi nase niphuma, ningahambi ningakaphatsi lutfo.

Jeremiya 22:13

“Nako kulowo lowakha sigodlo sakhe, asakhe ngebubi, lowakha emakamelo akhe lasetulu ngebuhumusha, lowenta takhamiti takhe tisebentele lite, angatikhokheli ngekusebenta kwato.

Malakhi 3:5

“Ngako, ngiyawusondzela kini kutakwehlulela. Ngiyawushesha kutsi ngifakaze ngimelane netangoma, netiphingi, nabofakazi bemanga, ngimelane nalabo labadlelela tisebenti emaholo ato, labo labacindzetela bafelokati netintsandzane, bemuke betive emalungelo abo, kodvwa bangangesabi mine,” kusho Simakadze longuSomandla.

Dutheronomi 15:12

“Nangabe umnakenu longumHebheru, indvodza nome umfati, atsengiswa kuwe, abotsi angakusebentela iminyaka lesitfupha, ngemnyaka wesikhombisa umkhulule ahambe.

Dutheronomi 15:14

Muphe ngekukhululeka, umkhetsele emihlambini yakho, umkhiphele nasengungwini yekudla, kanye nasetjeni lakho lekuhluta liwayini. Uyawumupha ngangekubusiswa kwakho nguSimakadze Nkulunkulu wakho.

KubaseKholose 4:1

Makhosi, tiphatseni kahle nangalokulungile tisebenti tenu, nikhumbule kutsi nani nineNkhosi lesezulwini.