Dutheronomi 15:10 - Siswati 1996 Bible

¹⁰ Mupheni ngaphandle kwenhlitiyo lebubulako nalenemagcubu; ngobe ngenca yaloko Simakadze Nkulunkulu wenu uyawunibusisa emsebentini wenu wonkhe nakuko konkhe lenikwenta ngetandla tenu.

Dutheronomi 15:10 Referencias Cruzadas

Taga 22:9

Lowephanako naye uyawubusiswa, ngobe kudla kwakhe ukudla netimphuya.

Umshumayeli 11:1

Jika sinkhwa sakho emantini, ngobe utawuphindze usitfole emvakwemalanga lamanyenti.

Isaya 32:8

Kodvwa umuntfu locotfo wakha emasu lacotfo; imisebenti yakhe lehloniphekile imente eme.

Isaya 58:10

nawutinikela ekondleni labalambile, wenetise tidzingo talabacindzetelwe, ngulapho-ke kukhanya kwakho kuyawuphuma ebumnyameni kukukhanyisele, nebusuku bakho buyawufanana nasemini kala bha.

Matewu 25:40

INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’

Imisebenti yebaPhostoli 20:35

Nginikhombisile kanyenti kutsi ngekusebenta kakhulu kanje kufanele sibasite labeswele, nikhumbule nemavi eNkhosi Jesu lawasho nakatsi: ‘Kubusisiwe kupha kunekwemukela.’ ”

KubaseRoma 12:8

Lonesipho sekukhutsata labanye, akabakhutsate; lowabako akwente ngekungakhetsi; longumholi ahole ngesineke, lonesihawu, akasente ngekujabula.

Dutheronomi 14:19

“Tonkhe tilwanyakatana letindiza tibe libulo tingcolile kini ngekwemtsetfo, ningatidli.

Dutheronomi 14:29

kuze kutsi emaLevi late sabelo nome lifa lekungelawo, nebetive, netintsandzane, nebafelokati labahlala emadolobheni enu bangeta batekudla besutse, kuze Simakadze Nkulunkulu wenu anibusise kuko konkhe lenikwentako.”

Dutheronomi 15:18

Ungakutsatsi ngekutsi kuyintfo lematima kakhulu kukhulula sigcili sakho, ngobe kukusebentela kwaso kuleminyaka lesitfupha kulingana nalokuphindvwe kabili lebekungentiwa sisebenti lesicashiwe. Simakadze Nkulunkulu wakho uyakukubusisa kuko konkhe lokwentako.”

Dutheronomi 15:4

“Noko akufanele kube nalomphofu emkhatsini wenu, ngobe kulelive Simakadze Nkulunkulu wenu lanipha lona kutsi nilidle libe lifa lenu utanibusisa kakhulu ngemcebo,

Dutheronomi 23:20

Umuntfu wetive ungamkhokhisa intalo, kodvwa umnakenu longum-Israyeli ungamkhokhisi, kuze Simakadze Nkulunkulu wakho akubusise kuko konkhe lobeka sandla sakho etikwako kulelo live longena kulo kutsi libe lakho.

Dutheronomi 24:19

“Nanivuna ensimini, bese kusala lokunye ngesiphosiso, ningabobe nisancandzeka kuyawukukhwimita. Nibosale nikushiyela tindzindzi netintsandzane kanye nebafelokati, kuze Simakadze Nkulunkulu wenu anibusise kuyo yonkhe imisebenti yetandla tenu.

Dutheronomi 28:8

“Simakadze uyakwehlisela sibusiso etikwetincolobane tenu nasetikwako konkhe leniyawukwenta ngetandla tenu. Simakadze Nkulunkulu wenu uyawunibusisa kulelo live lanipha lona.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.