Dutheronomi 14:5 - Siswati 1996 Bible

⁵ nenyamatane, nenswephe, nelincala, nemphala, nelingcina, neliwula, neligoga.

Dutheronomi 14:5 Referencias Cruzadas

1 Emakhosi 5:3

“Nawe uyati kutsi ngenca yetimphi letatihlasela babe Davide yonkhe indzawo, wehluleka kwakha lithempeli lekukhontela Simakadze Nkulunkulu wakhe, ngesikhatsi Simakadze asengakatibeki titsa takhe ngaphansi kwetinyawo takhe.

Jobe 39:1

“Uyati yini kutsi timbuti tentsaba titala nini? Uyaye ubukele yini inyamatane nayitalako?

Isaya 51:20

Emadvodzana akho acalekile, adzindzibele ekugcineni kwato tonkhe titaladi njengenyamatane ibanjwe elugibeni. Emadvodzana akho ehlelwe yintfukutselo yaSimakadze, ahlaselwa kwekhutwa nguNkulunkulu wakho.

Dutheronomi 12:15

“Noko ningahlaba nidle inyama kunome ngukuliphi lalamadolobha enu, kuye ngekutsandza kwenu nangesibusiso saSimakadze Nkulunkulu wenu laninike sona. Longcolile nome lohlantekile ngekwemtsetfo bobabili bangadla ngalokufananako inswephe nome inyamatane.

Dutheronomi 12:22

Niyakuyidla njengobe beningadla inswephe nome inyamatane. Longcolile nome lohlantekile ngekwemtsetfo bobabili bangadla ngalokufananako.

Dutheronomi 14:4

Nati-ke tilwane leningatidla: yinkhomo, nemvu, nembuti,

Dutheronomi 14:6

Ningatidla tonkhe tilwane letehlukanisa tinselo kabili naletihlabulako.