Dutheronomi 14:3 - Siswati 1996 Bible

³ “Ningadli lutfo lolusinengiso.

Dutheronomi 14:3 Referencias Cruzadas

Genesisi 7:2

Kuto tonkhe tinhlobo tetilwane letihlambulukile tsatsa tibe sikhombisa letindvuna naletinsikati tibe sikhombisa, nakuto tinhlobo tetilwane letingakahlambuluki utsatse tibe timbili lesidvuna nalesisikati.

Isaya 65:4

labahlala emkhatsini wemadliza, bacitse busuku babo emilindzelweni leyimfihlo, badle inyama yetingulube, nemabhodo abo aphatse bubendze benyama lengcolile ngekwemtsetfo,

Hezekeli 4:14

Mine ngaphendvula ngatsi: “Cha, Nkhosi Simakadze! Mine angizange sengitingcolise. Kusukela kwasebusheni bami kuze kube ngunyalo angizange sengiyidle ingcuba nome inyama yesilwane lesibulewe tilwane tesiganga. Akuzange sekungene nyama lengcolile ngekwemtsetfo kulomlomo wami.”

Levithikusi 11:2

“Tjelani ema-Israyeli nitsi: ‘Kuto tonkhe tilwane letiphilako emhlabeni ningadla nati:

Levithikusi 11:43

Ningacali nitingcolise ngaletilwane letihamba ngesisu; nicaphele ningatingcolisi ngato, ningangcoliswa nangito.

Levithikusi 20:25

Ngako-ke kufanele niwente umehluko emkhatsini wetilwane letihlantekile naletingcolile ngekwemtsetfo, nasemkhatsini wetinyoni letihlantekile naletingcolile ngekwemtsetfo. Ningatingcolisi nome ngangusiphi silwane nome yinyoni nome ngayini lehamba emhlabatsini, leto lenginehlukanisele tona kutsi tingcolile kini.

KubaseRoma 14:14

Njengobe mine ngiseNkhosini Jesu, ngiyati futsi ngicinisekile kutsi kute lutfo lolungcolile ngekwalo; kodvwa kukhona lokungcolile kunome ngubani locabanga kutsi kungcolile.

1 kubaseKorinthe 10:28

Kepha nangabe lomunye atsi kini: “Loku kuhlatjelwe tithico,” ningakudli, ngenca yakhe, nangenca yanembeza.

kuThithusi 1:15

Kulabahlantekile konkhe kuhlantekile, kodvwa kulababi nalabangakholwa kute lokuhlantekile; kepha kungcole ingcondvo yabo nanembeza wabo.