Dutheronomi 12:7 - Siswati 1996 Bible

⁷ Ngulapho-ke lapho niyawudlela khona nine nemindeni yenu, nijabule embikwaSimakadze ngako konkhe lenabeka sandla senu kuko, ngobe Simakadze Nkulunkulu wenu anibusisile.

Dutheronomi 12:7 Referencias Cruzadas

1 Tikhronike 29:22

Badla banatsa ngekujabula lokukhulu embikwaSimakadze ngalelo langa. Baphindza futsi bemukela Solomoni, umsa waDavide, kutsi abe yinkhosi, base bamgcoba ngemafutsa embikwaSimakadze kutsi abe ngumbusi, naSadoki kutsi abe ngumphristi.

Nehemiya 8:9

Batsi kube bantfu beve ngaloko lokwakufunwa ngumtsetfo, batsintseka badzimate bakhala. Ngako boNehemiya, umbusi, na-Ezra, labengumphristi nengcweti yetemtsetfo, kanye nemaLevi labenguwona achaza lomtsetfo, bakhuluma kulabantfu bonkhe, batsi: “Lelilanga lalamuhla lingcwele kuSimakadze Nkulunkulu wenu, ngako akukafaneli kutsi nilibale kukhala nidzindze sililo.”

Umshumayeli 3:12

Ngiyati kutsi kute lokuncono ngaphandle kwekutsi bajabule baphile imphilo lekahle basesemhlabeni.

Umshumayeli 3:13

Ngetulu kwaloko kutsi umuntfu adle anatse atijabulise ngayo yonkhe imishikashika yakhe kusipho saNkulunkulu.

Umshumayeli 5:18

Ngase ngiyabona kutsi kuhle kutsi umuntfu adle, anatse, atijabulise ngayo yonkhe imisebenti yakhe layentako lapha ngaphansi kwemtfunti welilanga, atijabulise ngawo onkhe lawo malangana Nkulunkulu lamuphe wona kutsi awaphile ngaphansi kwemtfunti welilanga, ngobe loko kusabelo sakhe,

Isaya 23:18

Noko inzuzo yayo nemali yayo leyitfolako ingeke ibutsiswe ndzawonye, kodvwa iyakwehlukaniselwa Simakadze. Iyakwabelwa labo labakhonta Simakadze, babe nekudla lokunyenti netimphahla letinhle.

Isaya 62:9

Kodvwa labo labakuvunako bayawukudla badvumise Simakadze, nalabo lababutsa emagelebisi, liwayini bayawulinatsela etibuyeni tendlu yami lengcwele.”

Hezekeli 44:3

Inkhosi lengumbusi ngiyo kuphela lengahlala ngekhatsi kwelisango kutsi itewudla embikwaSimakadze. Kufanele ingene ngendlela yemhubhe welisango, iphindze iphume ngaleyo ndlela.”

Joweli 1:16

Kudla akukapheli yini embikwetfu? Kujabula nekutfokota akukakhawuli yini endlini yaNkulunkulu wetfu?

Joweli 2:26

Nitawuba nenala, nidle nize nesutse, nitalidvumisa Libito laSimakadze Nkulunkulu wenu, lowente timangaliso emkhatsini wenu. Sive sami singeke siphindze sihlazeke.

Levithikusi 23:40

Ngelilanga lekucala niyawutsatsa titselo tetihlahla letihle, nemagala etihlahla telisundvu, nemagala etihlahla letinemacembe latibhelekeca, neminyetane yasetihlanjeni nijabule kuSimakadze, longuNkulunkulu wenu, kuze kuphele emalanga lasikhombisa.

Malakhi 2:13

Lokunye lenikwentako naku: Nilitsela ngetinyembeti lilati laSimakadze. Niyalila nikhale ngobe angasayinaki iminikelo yenu, nome angasayemukeli ngekujabula etandleni tenu.

Imisebenti yebaPhostoli 2:46

Onkhe emalanga babecinisela njalo ekuhlanganeni ethempelini, banhlitiyonye, babevakashelana emakhaya, badle ndzawonye ngetinhlitiyo letijabulako naletitfobekile,

Dutheronomi 12:12

Tfokotani kuSimakadze Nkulunkulu wenu, nine nemadvodzana nemadvodzakati enu, netisebenti tenu letidvuna naletisikati, nemLevi lohlala kulelo dolobha lenu, njengobe yena ate sabelo nome lifa lelingelakhe.

Dutheronomi 12:18

Kodvwa niyawutidlela embikwaSimakadze Nkulunkulu wenu endzaweni leyawukhetfwa nguSimakadze Nkulunkulu wenu, nine nemadvodzana enu, nemadvodzakati enu, netisebenti tenu letidvuna naletisikati, kanye nemaLevi lahlala emadolobheni enu. Niyawujabula embikwaSimakadze Nkulunkulu wenu kuko konkhe leniyawukwenta.

Dutheronomi 12:8

“Aniyikwenta njengobe senta lamuhla lokutsi wonkhe umuntfu atentele njengekubona kwakhe

Dutheronomi 14:23

Niyawudla kwelishumi kwenu kwalokutinhlavu, nekweliwayini lelisha, nekwemafutsa, nekwematubulo etinkhomo netimvu, netimbuti embikwaSimakadze Nkulunkulu wenu endzaweni layawuyikhetsela kubeka Libito lakhe, kuze nitewufundza kuhlonipha Simakadze Nkulunkulu wenu ngaso sonkhe sikhatsi.

Dutheronomi 14:26

Ngaleyo mali niyawutsenga nome ngabe yini leniyitsandzako: tinkhomo, nome timvu, nome liwayini, nome sinatfo lesifakwe imbiliso, nome ngabe yini leniyifisako. Wena nendlu yakho uyawudla lapho utfokote embikwaSimakadze Nkulunkulu wakho.

Dutheronomi 15:20

Yonkhe iminyaka wena nemndeni wakho uyawutidlela embikwaSimakadze Nkulunkulu wakho kuleyo ndzawo leyawukhetfwa nguye.

Dutheronomi 26:11

Ngako nine nemaLevi nebetive labahlala emkhatsini wenu niyakujabula ngako konkhe lokuhle Simakadze Nkulunkulu wenu laniphe kona nine kanye nemindeni yenu.

Dutheronomi 27:7

Niyakuyinikelela lapho iminikelo yekuthula, niyidle nijabule embikwaSimakadze Nkulunkulu wenu.

Dutheronomi 28:47

Njengobe ningazange nimkhonte Simakadze Nkulunkulu wenu ngenjabulo nangekutsakasa ngesikhatsi senu senala,

KubaseFiliphi 4:4

Tfokotani eNkhosini njalonjalo. Ngiyaphindza futsi ngitsi: Tfokotani.