Dutheronomi 12:31 - Siswati 1996 Bible

³¹ Aniyikumkhonta Simakadze Nkulunkulu wenu ngendlela yato, ngobe tona natikhonta bonkulunkulu bato, tenta tonkhe tintfo letenyanyekako naletisinengiso kuSimakadze. Tona tize tishise nemadvodzana nemadvodzakati ato emlilweni njengemihlatjelo kulabonkulunkulu bato.

Dutheronomi 12:31 Referencias Cruzadas

2 Emakhosi 16:3

Wahamba etinyatselweni temakhosi aka-Israyeli, yena-ke wadzimate wanikela nangendvodzana yakhe kutsi ishiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Emakhosi 17:31

ase-Ava amisa boNibhazi naThataki, tithico tawo. EmaSefavayimu wona abeshisa bantfwabawo emlilweni njengemhlatjelo ku-Adrameleki naku-Anameleki, bonkulunkulu bakubo eSefavayimu.

2 Emakhosi 21:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

2 Emakhosi 3:27

Yabe seyitsatsa umsa wayo labelitubulo layo lelalitakuyilandzela litsatse bukhosi, yalinikela laba ngumhlatjelo wekushiswa elubondzeni lwelidolobha. Ema-Israyeli atfutfumela kakhulu; akhawula kulwa, ancandzeka abuyela eveni lawo.

2 Tikhronike 33:2

Manase wenta lokubi emehlweni aSimakadze, alandzela leto tintfo letatisinengiso letatentiwa nguleto tive Simakadze latidvungulula ngesikhatsi nakufika sive sema-Israyeli.

2 Tikhronike 36:14

Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

Tihlabelelo 106:37

Banikela ngemadvodzana abo nemadvodzakati abo, kutsi abe yimihlatjelo yemadimoni.

Eksodusi 23:2

Ungalilandzeli linyenti lelenta lokubi; nawenta bufakazi ecaleni, ungawephuli umtsetfo ngekuvumelana nelinyenti.

Jeremiya 32:35

Bakhela Bhali tindzawo letiphakeme eSigodzini sakaBheni Hinomu bentela kutsi bente umhlatjelo ngemadvodzana nemadvodzakati abo kuMoloki, noko angizange sengibayale kutsi bakwente, futsi bengingazange sengikucabange nasengcondvweni yami kutsi bangayenta intfo lesinengiso kangaka ngaloko bonise sive sakaJuda.”

Jeremiya 7:31

Bakhe tindzawo letiphakeme taseThofethi eSigodzini sakaBheni Hinomu kutsi bayewushisa emadvodzana nemadvodzakati abo emlilweni, intfo lengingazange ngibayale ngayo, futsi lengazange ingene nasengcondvweni yami.

Hezekeli 20:31

Nanetfula tipho tenu, imihlatjelo lengemadvodzana enu emlilweni, nichubeka nekutingcolisa ngato tonkhe letithico tenu kuze kube ngulamuhla. Mine-ke sekufanele nginivumele yini kutsi nibute kimi, ninendlu yaka-Israyeli? Kona ngifunga kuphila kwami, ngingeke nginivumele nibute kimi, kusho iNkhosi Simakadze.

Hezekeli 23:27

Ngiyawulucedza kanjalo-ke loluntjingintjingi lwakho lwebugwadla lowabucala eGibhithe. Ungeke letintfo utibuke ngesifiso sekutsi ungaze uphindze ukhumbule iGibhithe futsi.

Levithikusi 18:21

Unganikeli ngemntfwanakho kutsi abe ngumhlatjelo kuMoloki, ngobe kufanele ningalihlambalati libito laNkulunkulu wenu. NginguSimakadze.

Levithikusi 18:3

Ningayenti imikhuba yaseGibhithe, lapho nase nahlala khona, futsi aniyikwenta njengaloku benta eveni laseKhenani, lapho nginimikisa khona. Ningacali niyente lemikhuba yabo.

Levithikusi 20:2

“Khuluma esiveni sema-Israyeli utsi: ‘Wonkhe um-Israyeli nome wetive lohlala nani lonikela ngemntfwana wakhe akhonte Moloki, kufanele abulawe. Sive sonkhe siyawumbulala ngekumgcoba ngematje.

Mikha 6:7

Kungabe Simakadze uyawujabula yini, nangimletsela tinkhulungwane tetimvu nome imifula lengancamuki yemafutsa emncumo? Ngifanele yini kunikela kuye ngelitubulo lami, lekusitselo semtimba wami, kutsi libe yinhlawulo yetono tami?

Dutheronomi 12:30

nase tiphelile embikwenu, caphelani ningabhajwa elugibeni lwekubuta ngabonkulunkulu bato, nitsi: ‘Letive tibakhonta njani bonkulunkulu bato? Natsi sitakwenta njengato.’

Dutheronomi 12:4

“Aniyikumkhonta Simakadze Nkulunkulu wenu ngendlela yabo.

Dutheronomi 20:18

Ngaphandle kwaloko titawunifundzisa kutsi nilandzele tonkhe leto tintfo letinengekako letitentako natikhonta tithico tato, bese niyona kuSimakadze Nkulunkulu wenu.

Dutheronomi 9:4

“Simakadze Nkulunkulu wenu uyawutsi angaticosha embikwenu, nine-ke ningabosho enhlitiyweni yenu nitsi: ‘Simakadze ungiletse lapha ngitewudla lelive libe lami ngenca yekulunga kwami.’ Cha, akunjalo; kuye ngebubi baletive kutsi Simakadze aticoshe embikwenu.

Dutheronomi 9:5

Akukayi ngekulunga kwenu nome ngebucotfo benu kutsi nihambe niyekudla lelive lato; kodvwa kuye ngebubi baletive kutsi Simakadze Nkulunkulu wenu aticoshe embikwenu, kuze kufezeke loko lakufungela kubokhokho benu bo-Abrahama, na-Isaka, naJakobe.