Dutheronomi 12:20 - Siswati 1996 Bible

²⁰ “Nangabe Simakadze Nkulunkulu wenu asalandzisile lelive lenu, njengobe anetsembisa lona, bese nikhanuka inyama nitsi: ‘Ngikhanuka inyama,’ niyakuyidla niyesutse njengekutsandza kwenu.

Dutheronomi 12:20 Referencias Cruzadas

Genesisi 28:14

Titukulwane takho tiyawuba ngangelutfuli lwemhlaba. Uyakwandza nemhlaba wonkhe wenabele enshonalanga, nasemphumalanga, nasenyakatfo, naseningizimu. Tonkhe tive temhlaba tiyawubusiswa ngawe nangetitukulwane takho.

Genesisi 31:30

Nyalo-ke njengobe sewuhamba ukhumbule bakini, utebeleni letithico tami?”

2 Samuweli 13:39

Umoya waDavide, inkhosi, wawuloku uncokombele kuya ku-Absalomu, ngobe abesadvudvutekile ngekufa kwa-Amnoni.

2 Samuweli 23:15

Davide wativela asomile, wase utsi: “Awu! Kube mane kungaba khona loyangikhelela emanti ekunatsa; ngomele emanti asemtfonjeni longasesangweni laseBhetlehema!”

1 Tikhronike 4:10

Jabesi wakhala kuNkulunkulu wema-Israyeli, watsi: “Ngicela ungibusise ungandzisele live lami! Shangatsi sandla sakho singaba nami, ungiphephise engotini, khona ngitewukhululeka ebuhlungwini.” Nkulunkulu wamupha loko labekucelile.

Tihlabelelo 107:9

Ngobe wenelisa umuntfu lowomile, lolambile umesutsisa ngalokuhle.

Tihlabelelo 119:174

Ngomele insindziso yakho, Simakadze, nemtsetfo wakho ukujabula kwami.

Tihlabelelo 119:20

Umphefumulo wami sewufile kulangatelela kwati imitsetfo yakho, ngato tonkhe tikhatsi.

Tihlabelelo 119:40

Maye, ngiyatilangatelela timiso takho! Hlumelelisa kuphila kwami ngekulunga kwakho.

Tihlabelelo 63:1

Nkulunkulu, wena unguNkulunkulu wami! Ngifuna wena. Umphefumulo wami womele wena, umtimba wami ulambele wena, eveni lelomile naleligagadzekile, live lelite emanti.

Tihlabelelo 84:2

Umphefumulo wami ulangatelela emagceke akho, inhlitiyo yami nemtimba wami kuhlabela kumemete ngekujabula lokukhulu kuNkulunkulu lophilako.

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Eksodusi 34:24

Ngobe ngiyawucitsa tive embikwakho ngandzise neminyele yakho; kute loyawuhawukela live lakho, ngetikhatsi tekwenyuka kwakho katsatfu ngemnyaka nawuyekutibonakalisa kuSimakadze, longuNkulunkulu wakho.

Numeri 11:20

kodvwa niyakuyidla inyanga yonkhe, ize iphume nangemakhala, inenyanyise, ngobe senimlahlile Simakadze losemkhatsini wenu, nakhala kuye natsi: “Empeleni saphumelani khona lena eGibhithe?” ’ ”

Numeri 11:34

Ngako-ke libito laleyo ndzawo kwabe sekutsiwa yiKhibrothi Hathava, ngobe lapho ngulapho bangcwaba bantfu lababehahela kudla.

Numeri 11:4

Kukhona bantfu betive lababesemkhatsini wema-Israyeli, lababekhala ngekukhanuka inyama. Nawo ema-Israyeli akhala, atsi: “Ngubani lotasipha inyama sitekudla?

2 kubaseKorinthe 9:14

Bayawubona bukhulu bemusa waNkulunkulu kini, bese bafisa kakhulu kuhlanganyela nani emthandazweni.

Dutheronomi 11:24

Yonkhe indzawo lapho niyawunyatsela khona iyawuba live lenu: Kusukela ehlane kuze kube nguseLebanoni, nekusuka emfuleni iYufrathe kuze kube nguseLwandle Lwasenshonalanga.

Dutheronomi 12:15

“Noko ningahlaba nidle inyama kunome ngukuliphi lalamadolobha enu, kuye ngekutsandza kwenu nangesibusiso saSimakadze Nkulunkulu wenu laninike sona. Longcolile nome lohlantekile ngekwemtsetfo bobabili bangadla ngalokufananako inswephe nome inyamatane.

Dutheronomi 12:21

Nangabe indzawo Simakadze Nkulunkulu wenu layikhetsele kubeka Libito lakhe ikhashane kakhulu kunani, ningahlaba emihlambini Simakadze laniphe yona, njengobe senginiyalile, nidlele emadolobheni enu kuye ngekutsandza kwenu.

Dutheronomi 19:8

“Nangabe Simakadze Nkulunkulu wenu alandzisa lelive lenu, njengobe etsembisa ngesifungo kubokhokho benu, bese unipha lonkhe lelive labetsembisa lona,

KubaseFiliphi 1:8

Nkulunkulu ungufakazi wami kutsi nginilangatelela kanganani nonkhe ngesihe saKhristu Jesu.

KubaseFiliphi 2:26

Loku phela abenilangatelela nonkhe, asakhatsatekile emoyeni wakhe, njengobe neva kutsi abegula.