Dutheronomi 12:14 - Siswati 1996 Bible

¹⁴ Niyakuyinikela kuphela kuleyo ndzawo Simakadze latayikhetsa emkhatsini walesinye setive tenu, ngulapho niyawutigcinela khona tonkhe letintfo lenginiyala ngato.

Dutheronomi 12:14 Referencias Cruzadas

1 Emakhosi 12:27

Nangabe kambe labantfu batawulibala kuhle bakhuphuka bayekwenta imihlatjelo ethempelini laSimakadze leliseJerusalema, tinhlitiyo talabantfu titawuphindze tibuyele enkhosini yabo, Rehobowamu, inkhosi yakaJuda. Batangibulala mine, babuyele enkhosini yabo Rehobowamu.”

1 Emakhosi 8:29

Kwangatsi emehlo akho angavulekela kulelithempeli ebusuku nasemini, lendzawo lowasho ngayo watsi: ‘Libito lami liyawuba lapho,’ kuze uwuve umthandazo wenceku yakho leyiwuthandaza ibheke kulendzawo.

2 Emakhosi 18:22

Nangabe utsi kimi: “Setsembele kuSimakadze Nkulunkulu wetfu,” akusiye yini lona Hezekiya ladzilita tindzawo takhe letiphakeme tekukhontela nemalati akhe, atsi kubakaJuda nebaseJerusalema: “Kufanele nikhonte embikwanali lilati leliseJerusalema?”

1 Tikhronike 22:1

Davide wakhuluma watsi: “Indlu yaSimakadze longuNkulunkulu itakuba lapha, ibe kanye nelilati lemnikelo wekushiswa wema-Israyeli.”

Tihlabelelo 5:7

Kepha mine ngiyawungena endlini yakho ngekwengcebo yemusa wakho, ngikukhonte ngenhlonipho yekwesaba ethempelini lakho lelingcwele.

Tihlabelelo 9:11

Dvumisani Simakadze lohlala eSiyoni! Tjelani tive ngetento takhe!

Levithikusi 17:3

Wonkhe um-Israyeli lobulala inkhomo nome lizinyane lemvu nome imbuti, akubulalele ngekhatsi nome ngaphandle kwenkambu,

Levithikusi 17:4

angakakuletsi ekungeneni kwelithende lekuhlangana kutsi atewukunikela kuSimakadze ethendeni lekukhontela embikwaSimakadze, lowo muntfu unelicala lekucitsa ingati. Kufanele ancunywe esiveni sakubo, ngobe sewucitse ingati.

2 kubaseKorinthe 5:19

loku kusho naku: Nkulunkulu ubuyisene nelive ngaKhristu. Bantfu akababambeli emagcubu ngetono tabo, kodvwa usiphatsise livi lekubuyisana.

Dutheronomi 12:11

Kuleyo ndzawo-ke Simakadze Nkulunkulu wenu layakuyikhetsa ibe yakhe, niyawuletsa khona konkhe lenginiyale ngako: iminikelo yenu yekushiswa, nemihlatjelo yenu, nekwelishumi kwenu, netipho tenu letimcoka kanye nayo yonkhe iminikelo yenu yelikhetselo lenanetsembisa ngayo kuSimakadze.

Dutheronomi 12:13

Nicaphele ninganikeli iminikelo yenu yekushiswa kunome nguyiphi indzawo leniyitsandzako.

Dutheronomi 12:15

“Noko ningahlaba nidle inyama kunome ngukuliphi lalamadolobha enu, kuye ngekutsandza kwenu nangesibusiso saSimakadze Nkulunkulu wenu laninike sona. Longcolile nome lohlantekile ngekwemtsetfo bobabili bangadla ngalokufananako inswephe nome inyamatane.

Dutheronomi 12:18

Kodvwa niyawutidlela embikwaSimakadze Nkulunkulu wenu endzaweni leyawukhetfwa nguSimakadze Nkulunkulu wenu, nine nemadvodzana enu, nemadvodzakati enu, netisebenti tenu letidvuna naletisikati, kanye nemaLevi lahlala emadolobheni enu. Niyawujabula embikwaSimakadze Nkulunkulu wenu kuko konkhe leniyawukwenta.

Dutheronomi 12:5

Kodvwa nine niyawufunisisa indzawo leyawukhetfwa nguSimakadze Nkulunkulu wenu leyawubasemkhatsini wato tonkhe tive tenu, lapho ayawubeka khona Libito lakhe, ahlale khona. Ngukuleyo ndzawo-ke lapho niyakuya khona,

Dutheronomi 14:23

Niyawudla kwelishumi kwenu kwalokutinhlavu, nekweliwayini lelisha, nekwemafutsa, nekwematubulo etinkhomo netimvu, netimbuti embikwaSimakadze Nkulunkulu wenu endzaweni layawuyikhetsela kubeka Libito lakhe, kuze nitewufundza kuhlonipha Simakadze Nkulunkulu wenu ngaso sonkhe sikhatsi.

Dutheronomi 15:20

Yonkhe iminyaka wena nemndeni wakho uyawutidlela embikwaSimakadze Nkulunkulu wakho kuleyo ndzawo leyawukhetfwa nguye.

Dutheronomi 16:2

Niyakwenta umhlatjelo weliPhasika kuSimakadze Nkulunkulu wenu ngesilwane leniyawusitsatsa emihlambini yenu yetimvu nome yetinkhomo, niwentele endzaweni Simakadze layakuyikhetsela kubeka Libito lakhe.

Dutheronomi 17:8

“Nakukhona emacala lamatima kutsi ngeke atekwe etinkhundleni tenu, njengalawa lacondzene nekubulala, nemibango, kanye nekuhlaselana, lawo macala-ke niyakwenyuka nawo niwamikise kuleyo ndzawo Simakadze Nkulunkulu wenu layakuyikhetsa.

Dutheronomi 18:6

“Nangabe umLevi atfutsa kulelinye lalamadolobha enu aka-Israyeli, bese uta ngekutimisela kulendzawo Simakadze layakuyikhetsa,

Dutheronomi 31:11

ngesikhatsi onkhe ema-Israyeli atewutibonakalisa kuSimakadze Nkulunkulu wenu endzaweni latayikhetsa, lomtsetfo niyakuwufundza embikwawo eva.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

Joshuwa 22:29

“Akube khashane natsi kuhlubuka Simakadze nekumshiya lamuhla ngekwakha lilati leminikelo yekushiswa, neminikelo yalokutinhlavu, nemihlatjelo, ngaphandle kwelilati laSimakadze Nkulunkulu wetfu lelime embikwelithende lakhe.”

Joshuwa 9:27

Ngalelo langa wenta emaGibeyoni aba babandzi betinkhuni nebakheleli bemanti besive sonkhe sema-Israyeli nelilati laSimakadze endzaweni lekhetfwe nguSimakadze. Nguloko labangiko kona ngisho nalamuhla loku.