Dutheronomi 12:12 - Siswati 1996 Bible

¹² Tfokotani kuSimakadze Nkulunkulu wenu, nine nemadvodzana nemadvodzakati enu, netisebenti tenu letidvuna naletisikati, nemLevi lohlala kulelo dolobha lenu, njengobe yena ate sabelo nome lifa lelingelakhe.

Dutheronomi 12:12 Referencias Cruzadas

1 Emakhosi 8:66

Kwatsi ngelilanga lelilandzelako wabe sewuyabacitsa bantfu. Batsi kube bantfu bayibusise inkhosi, babuyela emakhaya abo bajabule kakhulu, batsakasile etinhlitiyweni tabo ngako konkhe lokuhle Simakadze labekwentele inceku yakhe Davide kanye nesive sakhe, ema-Israyeli.

2 Tikhronike 29:36

Hezekiya nabo bonkhe bantfu bakujabulela loko Nkulunkulu labesakwentele sive sakhe, ngobe kwenteka masinyane.

Nehemiya 8:9

Batsi kube bantfu beve ngaloko lokwakufunwa ngumtsetfo, batsintseka badzimate bakhala. Ngako boNehemiya, umbusi, na-Ezra, labengumphristi nengcweti yetemtsetfo, kanye nemaLevi labenguwona achaza lomtsetfo, bakhuluma kulabantfu bonkhe, batsi: “Lelilanga lalamuhla lingcwele kuSimakadze Nkulunkulu wenu, ngako akukafaneli kutsi nilibale kukhala nidzindze sililo.”

Tihlabelelo 147:1

Haleluya, dvumisani Simakadze! Maye, kuhle kuhlabela kuNkulunkulu wetfu. Kumnandzi, futsi kufanele kutsi advunyiswe!

Levithikusi 23:40

Ngelilanga lekucala niyawutsatsa titselo tetihlahla letihle, nemagala etihlahla telisundvu, nemagala etihlahla letinemacembe latibhelekeca, neminyetane yasetihlanjeni nijabule kuSimakadze, longuNkulunkulu wenu, kuze kuphele emalanga lasikhombisa.

Numeri 18:20

Simakadze wakhuluma ku-Aroni, watsi: “Wena uyawubate lifa eveni labo, kantsi uyawubate nesabelo njengabo. Ngimi lengisabelo sakho nelifa lakho esiveni sonkhe sema-Israyeli.”

Numeri 18:26

“Khuluma kumaLevi utsi: ‘Nanemukela kuma-Israyeli kwelishumi lokulifa lenu lenginipha lona, nani kufanele ninikele kwelishumi kwaloko kwelishumi kube ngumnikelo waSimakadze.

Johane 13:8

Phetro watsi kuye: “Nkhosi, ungeke ugeze tinyawo tami nekadzeni.” Jesu wamphendvula watsi: “Nangingatigezi tinyawo takho, ute budlelwane nami.”

Imisebenti yebaPhostoli 8:21

Awunasabelo nalifa kulomsebenti, ngobe inhlitiyo yakho ayikalungi emehlweni aNkulunkulu.

Dutheronomi 10:9

Ngiko nje emaLevi angenaso sabelo nome lifa emkhatsini wabomnakabo. Simakadze ulifa lawo, njengobe Simakadze Nkulunkulu wenu awatjela.

Dutheronomi 12:18

Kodvwa niyawutidlela embikwaSimakadze Nkulunkulu wenu endzaweni leyawukhetfwa nguSimakadze Nkulunkulu wenu, nine nemadvodzana enu, nemadvodzakati enu, netisebenti tenu letidvuna naletisikati, kanye nemaLevi lahlala emadolobheni enu. Niyawujabula embikwaSimakadze Nkulunkulu wenu kuko konkhe leniyawukwenta.

Dutheronomi 12:19

Caphelani kutsi ningawalibali emaLevi, yingci nanisahlala kulelo live lenu.

Dutheronomi 12:7

Ngulapho-ke lapho niyawudlela khona nine nemindeni yenu, nijabule embikwaSimakadze ngako konkhe lenabeka sandla senu kuko, ngobe Simakadze Nkulunkulu wenu anibusisile.

Dutheronomi 14:29

kuze kutsi emaLevi late sabelo nome lifa lekungelawo, nebetive, netintsandzane, nebafelokati labahlala emadolobheni enu bangeta batekudla besutse, kuze Simakadze Nkulunkulu wenu anibusise kuko konkhe lenikwentako.”

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Dutheronomi 16:14

Niyawujabula eMkhosini wenu nine, nemadvodzana nemadvodzakati enu, netigcili kanye netigcilikati tenu, nemaLevi, nebetive, netintsandzane, nebafelokati labahlala emadolobheni enu.

Dutheronomi 18:6

“Nangabe umLevi atfutsa kulelinye lalamadolobha enu aka-Israyeli, bese uta ngekutimisela kulendzawo Simakadze layakuyikhetsa,

Dutheronomi 26:11

Ngako nine nemaLevi nebetive labahlala emkhatsini wenu niyakujabula ngako konkhe lokuhle Simakadze Nkulunkulu wenu laniphe kona nine kanye nemindeni yenu.

Dutheronomi 26:12

“Niyawutsi nase nicedzile kwehlukanisa kwelishumi kwato tonkhe tivuno temhlaba wenu ngemnyaka wesitsatfu, lekunguwona mnyaka wekwelishumi, niyawukunika emaLevi, tindzindzi, netintsandzane, nebafelokati, kuze badle besutse emadolobheni enu.

Dutheronomi 27:7

Niyakuyinikelela lapho iminikelo yekuthula, niyidle nijabule embikwaSimakadze Nkulunkulu wenu.

Joshuwa 13:14

Kodvwa sive sakaLevi Mosi akazange asabele lifa ngesizatfu sekutsi iminikelo leyentiwa ngemlilo kuSimakadze, Nkulunkulu wema-Israyeli, ilifa lakaLevi, njengobe abemtsembisile.

Joshuwa 13:33

Kodvwa sive semaLevi Mosi akazange asabele lifa, ngobe Simakadze, Nkulunkulu waka-Israyeli, ulifa laso, njengobe abesetsembisile.

Joshuwa 14:4

ngobe emadvodzana aJosefa abesative letimbili: sive sakaManase, nesaka-Efrayimu. EmaLevi akazange abelwe live, kodvwa abelwa emadolobha lapho abetawuhlala khona, abelwa nemadlelo etifuyo tawo.