Dutheronomi 12:1 - Siswati 1996 Bible

¹ “Leti-ke timiso nemitsetfo lekufanele niyilalelisise, nase nikulelive Simakadze Nkulunkulu wabokhokho benu laniphe lona kutsi libe lenu, niyakuyigcina yingci nanisaphila kulelo live.

Dutheronomi 12:1 Referencias Cruzadas

1 Emakhosi 8:40

Ngaloko bantfu bayawuhlala bakwesaba wena bakulalele ngaso sonkhe sikhatsi sekuhlala kwabo eveni lowalipha bobabemkhulu.

Jobe 7:1

“Umuntfu ute yini umsebenti lomatima lapha emhlabeni? Khona emalanga akhe akanjengawo yini emuntfu locashiwe?

Tihlabelelo 104:33

Simakadze ngiyawumhlabelela, yingci nangisaphila. Ngiyawudvumisa Nkulunkulu wami, ngisaphila lapha emhlabeni.

Tihlabelelo 119:5

Shangatsi tindlela tami tingacondza njalo ekutigcineni timiso takho.

Tihlabelelo 146:2

Simakadze ngiyawumdvumisa ngisaphila, ngihlabele kuNkulunkulu wami yonkhe imphilo yami.

Hezekeli 20:19

NginguSimakadze Nkulunkulu wenu, landzelani timiso tami, nicaphele kugcina imitsetfo yami.

Dutheronomi 11:32

nicaphele kutsi nitigcina tonkhe timiso nemitsetfo lengiyibeka lapha embikwenu lamuhla.”

Dutheronomi 12:19

Caphelani kutsi ningawalibali emaLevi, yingci nanisahlala kulelo live lenu.

Dutheronomi 3:18

“Ngaso leso sikhatsi ngabe sengiyaniyala, ngatsi: ‘Simakadze Nkulunkulu wenu uniphe lelive kutsi nilidle. Nonkhe nine mabutfo emphi lenihlomele kulwa, hambani embikwetive tema-Israyeli, newelele ngesheya kwemfula.

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.

Dutheronomi 4:45

Lena ngimilayeto, nemiyalo, nemitsetfo Mosi labanika yona nabaphuma eGibhithe,

Dutheronomi 4:5

“Nginifundzise yonkhe imiyalo nemitsetfo, njengobe Simakadze Nkulunkulu wami angitfumile kutsi ngente, kuze nihambe ngayo nakulelo live leniyakungena kulo niyekulidla.

Dutheronomi 5:1

Mosi wabita sonkhe sive sema-Israyeli wakhuluma kuso, watsi: “Lalelani, ma-Israyeli, timiso nemitsetfo lengininika yona lamuhla. Yifundzeni nibe neliciniso kutsi nitayilalela niyilandzele.