Dutheronomi 10:15 - Siswati 1996 Bible

¹⁵ Noko Simakadze lutsandvo lwakhe walwenta lwanamatsela kubokhokho benu, wabatsandza, wanikhetsa nine titukulwane tabo, ngetulu kwato tonkhe tive, njengobe kunjalo lamuhla.

Dutheronomi 10:15 Referencias Cruzadas

1 Tikhronike 16:13

nine titukulwane ta-Israyeli, inceku yakhe, nine madvodzana aJakobe, labakhetsiwe bakhe.

Tihlabelelo 135:4

Ngobe Simakadze utikhetsele Jakobe kutsi abe wakhe, ukhetse Israyeli kutsi abe lifa lakhe.

Tihlabelelo 44:3

Ngobe live abalichwaganga ngenkemba yabo ngisho nekuncoba abancobanga ngetikhwepha tabo; kodvwa bancoba ngesandla sakho sekudla, nangengalo yakho, nangekukhanya kwebuso bakho, ngobe wena wawubatsandza.

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Numeri 14:8

Nangabe Simakadze asitfokotela, utasihola, siyewungena kulelive leligcwele lubisi neluju lwetinyosi, asiphe lona.

KubaseRoma 11:28

NgekweliVangeli baka-Israyeli batitsa taNkulunkulu, khona kutewusitakala nine, kodvwa ngekwelukhetfo bangulabatsandzekako ngenca yabokhokho babo.

Dutheronomi 4:37

Ngobe wabatsandza boyihlomkhulu, wakhetsa titukulwane tabo emvakwabo, wanikhipha eGibhithe ngebukhona bakhe nangemandla akhe lamakhulu,

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.