Dutheronomi 10:12 - Siswati 1996 Bible

¹² “Manje-ke, ma-Israyeli, yini lokufunwa nguSimakadze Nkulunkulu wenu kini ngaphandle kwekutsi nesabe Simakadze Nkulunkulu wenu, nihambe etindleleni takhe tonkhe, nimtsandze nimkhonte Simakadze Nkulunkulu wenu ngenhlitiyo yenu yonkhe, nangemphefumulo wenu wonkhe,

Dutheronomi 10:12 Referencias Cruzadas

1 Emakhosi 3:3

Solomoni walukhombisa lutsandvo lwakhe kuSimakadze ngekutsi ahambe ngetimiso teyise Davide, ngaphandle kwekutsi yena Solomoni abenikela ngemihlatjelo nangemphepho letfunciswa etindzaweni letiphakeme.

2 Emakhosi 10:31

Kodvwa Jehu akazange acaphele kunakekela umtsetfo waSimakadze, Nkulunkulu wema-Israyeli, ngayo yonkhe inhlitiyo yakhe. Akazange aphendvuke etonweni taJerobowamu labedvonsele ngato sive sema-Israyeli ekoneni.

2 Emakhosi 18:3

Hezekiya wenta lokuhle emehlweni aSimakadze, wenta njengobe kwakwenta uyisemkhulu Davide.

2 Emakhosi 18:6

Hezekiya wabambelela kuSimakadze, akazange ayekele kumlandzela, wayigcina yonkhe imitsetfo yaSimakadze labeyinike Mosi.

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

2 Tikhronike 15:12

Bangena esivumelwaneni sekufuna Simakadze, Nkulunkulu waboyise, ngenhlitiyo yabo yonkhe nangemphefumulo wabo wonkhe.

Jobe 36:11

Nabalalela bamkhonte yena, bayawuphila yonkhe imphilo yabo baphumelela neminyaka yabo beneliseka.

Tihlabelelo 119:2

Babusisiwe labo labagcina imiyalo yaSimakadze, bamfunisise ngayo yonkhe inhlitiyo yabo.

Tihlabelelo 128:1

Babusiswe labo labesaba Nkulunkulu, labo labahamba ngetindlela takhe.

Tihlabelelo 145:20

Simakadze uyabalondvolota bonkhe labamtsandzako, kepha lababi bonkhe uyawubabhubhisa.

Tihlabelelo 18:1

Ngiyakutsandza, Simakadze, wena, longemandla ami.

Tihlabelelo 34:9

Yesabani Simakadze, nine labangcwele, ngobe abesweli lutfo labamesabako.

Tihlabelelo 81:13

Maye, kube sive sami siyangilalela na-Israyeli ahambe etindleleni tami!

Tihlabelelo 81:14

Titsa tabo bengitatehlula ngekushesha, ngesandla sami bengitawumelana netitsa tabo.

Eksodusi 23:25

Nanikhonta mine Simakadze longuNkulunkulu wenu, ngitawunibusisa ngekudla nangemanti, ngikususe konkhe kugula kwenu.

Umshumayeli 12:13

Konkhe sekuvakele. Nasi-ke siphetfo sendzaba: Yesaba Nkulunkulu, ugcine imiyalo yakhe, kute lokunye lokungetulu kwaloko lokudzingekako kumuntfu.

Hezekeli 11:20

Bayawube sebalandzela timiso tami, banakekele kugcina imitsetfo yami. Bayawuba bantfu bami, mine ngibe nguNkulunkulu wabo.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Zefaniya 3:9

“Tindzebe tetive ngiyawube sengiyatihlambulula-ke, kuze kutsi bonkhe lababite libito laSimakadze, bacela lusito kuye, bamkhonte bahlangene lihlombe ngelihlombe.

Matewu 22:37

Jesu watsi kuye: “ ‘Uboyitsandza iNkhosi, Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcondvo yakho.’

Lukha 10:27

Lendvodza yamphendvula yatsi: “Kufanele utsandze Nkulunkulu, iNkhosi yakho, ngenhlitiyo yakho yonkhe, nangemphefumulo wakho wonkhe, nangemandla akho onkhe, nangengcondvo yakho yonkhe; bese utsandza makhelwane wakho njengobe utitsandza wena.”

Lukha 11:42

“Kodvwa maye kini, baFarisi! Ngobe nikhipha kwelishumi kwashaladi, napelepele, netinandzisi tonkhe nivilaphele kulunga nekutsandza Nkulunkulu; loko benifanele kukwenta ngaphandle kwekukuvilaphela loku.

Imisebenti yebaPhostoli 9:31

Ngako-ke libandla kulo lonkhe laseJudiya naseGalile naseSamariya laba nesikhatsi sekuthula. Lakhiwa, lakhula ngebunyenti ngekusitwa nguMoya Longcwele liphila imphilo yekwesaba iNkhosi.

KubaseRoma 1:9

Nkulunkulu lengimkhonta ngemoya wami wonkhe ngekushumayela liVangeli leNdvodzana yakhe ungufakazi wami wekutsi nginikhumbula kangakanani emithandazweni yami onkhe emalanga.

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

Dutheronomi 10:11

Wakhuluma kimi watsi: ‘Sukuma wehle uyewuhola lesive sitewuhamba singene silidle lelive lengafunga ngalo kubokhokho baso kutsi ngiyawubapha lona.’ ”

Dutheronomi 10:13

nigcine nemiyalo yaSimakadze kanye netimiso takhe lengininika tona lamuhla kutsi tibe lusito kini?

Dutheronomi 11:1

“Niyawutsandza Simakadze Nkulunkulu wenu nente konkhe lafuna kutsi nikwente, nilalele timiso takhe, nemitsetfo yakhe kanye nemiyalo yakhe ngaso sonkhe sikhatsi.

Dutheronomi 11:13

“Nangabe niyayilalela imiyalo lengininika yona lamuhla, nitsandze Simakadze Nkulunkulu wenu, nimkhonte ngayo yonkhe inhlitiyo yenu, nangawo wonkhe umphefumulo wenu,

Dutheronomi 26:16

“Lamuhla Simakadze Nkulunkulu wenu uyaniyala kutsi nitigcine tonkhe letimiso nalemitsetfo. Kufanele niyicaphelisise ngayo yonkhe inhlitiyo yenu, nangawo wonkhe umphefumulo wenu.

Dutheronomi 27:10

Lalelani Simakadze Nkulunkulu wenu, nilandzele yonkhe imiyalo yakhe netimiso takhe lengininika tona lamuhla.”

Dutheronomi 30:16

Ngiyaniyala lamuhla kutsi nitsandze Simakadze Nkulunkulu wenu, nihambe endleleni yakhe, nigcine imiyalo yakhe, netimiso takhe, nemitsetfo yakhe, lapho-ke niyawuphila nandze, bese Simakadze Nkulunkulu wenu uyanibusisa kulelo live leningena kulo kutsi libe lenu.

Dutheronomi 30:20

kuze nitsandze Simakadze Nkulunkulu wenu, nive liphimbo lakhe, ninamatsele kuye. Simakadze uyimphilo yenu, futsi uyakuninika iminyaka leminyenti kulelo live lalifungela kulinika bokhokho benu, bo-Abrahama, na-Isaka, naJakobe.”

Dutheronomi 4:29

Kodvwa khona lapho nanifuna Simakadze Nkulunkulu wenu, niyawumtfola nanimfunisisa ngenhlitiyo yenu yonkhe nangemphefumulo wenu wonkhe.

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

Dutheronomi 5:33

Hambani endleleni Simakadze Nkulunkulu wenu laniyale kutsi nihambe ngayo, khona nitewuphila nichume, netinsuku tenu tandze eveni lelitawuba lenu.”

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

Dutheronomi 6:2

khona kutewutsi nine, nebantfwabenu, nebantfwababo emvakwabo batekwesaba Simakadze Nkulunkulu wenu, yingci nanisagcina tonkhe timiso nemiyalo lengininika yona, khona nitewuva bumnandzi bekuphila imphilo lendze.

Dutheronomi 6:24

Simakadze wasiyala kutsi sihloniphe tonkhe letimiso nekutsi sesabe Simakadze Nkulunkulu wetfu, kuze sihlale sichuma njalo, njengobe kunjalo nalamuhla.

Dutheronomi 6:5

Tsandza Simakadze Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangawo onkhe emandla akho.

1 kuThimothi 1:5

Empeleni injongo yemyalo wetfu kuvusetela lutsandvo loluphuma enhlitiyweni lemhlophe, nakunembeza lomsulwa, nasekukholweni lokute kutentisa.

KumaHebheru 12:28

Ngako-ke asibonge kwemukela umbuso longeke unyakatiswe, sikhonte Nkulunkulu ngalokwemukelekako, simhloniphe ngekutfutfumela;

Joshuwa 22:5

Kodvwa nibocaphelisisa kutsi niyayigcina imiyalo nemtsetfo Mosi, inceku yaSimakadze, laninika yona: kutsandza Simakadze Nkulunkulu wenu, nekuhamba kuto tonkhe tindlela takhe, nekulalela imiyalo yakhe, nekunamatsela kuye, kanye nekumkhonta ngenhlitiyo yenu yonkhe nangemphefumulo wenu wonkhe.”

Joshuwa 24:14

“Ngako yesabani Simakadze nimkhonte ngekwetsembeka konkhe. Balahleni bonkulunkulu bebakhontwa bokhokho benu ngesheya kweMfula, naseGibhithe, nikhonte Simakadze.

1 yaJohane 2:15

Ningalitsandzi live netintfo letiseveni. Nangabe umuntfu atsandza live, lutsandvo lwaBabe alukho kuye.

1 yaJohane 5:5

Ngubani umuntfu longancoba live ngaphandle kwalowo lokholwa kutsi Jesu uyiNdvodzana yaNkulunkulu?

1 Samuweli 12:20

Samuweli wabaphendvula watsi: “Ningesabi, nente bonkhe lobubi, kodvwa noko ningasaphambuki kuSimakadze, khontani Simakadze ngayo yonkhe inhlitiyo yenu.