Dutheronomi 1:7 - Siswati 1996 Bible

⁷ Tfutsani, nichubekele etintsabeni tema-Amori, nakuto tonkhe leto tive letisedvutane, tase-Arabha, naletisetintsabeni, naletingaphansi kwetintsaba ngasenshonalanga, naletiseNegevu, lekuyiningizimu yelive, naletigudla lwandle, eveni lemaKhenani kuya kulaseLebanoni, kufike ngisho nasemfuleni lomkhulu iYufrathe.

Dutheronomi 1:7 Referencias Cruzadas

Genesisi 12:9

Emvakwaloko Abrama wahamba wacondza ngaseningizimu neKhenani.

2 Samuweli 8:3

Ngetulu kwaloko Davide wahlasela naHadadezeri, umsa waRehobi, inkhosi yaseSobha, ngesikhatsi Hadadezeri asayawutsatsa kubusa kwakhe ngasemfuleni iYufrathe.

1 Tikhronike 18:3

Ngetulu kwaloko Davide wahlasela, wehlula Hadadezeri, inkhosi yaseSobha, waze wayakufika eHamathi, ngaleso sikhatsi Hadadezeri abecondze kubusa lonkhe lelo live langasemfuleni iYufrathe.

1 Tikhronike 27:29

Shitrayi, waseSharoni, abephetse imihlambi leyayidla eSharoni. Shafati, umsa wa-Adilayi, abephetse imihlambi leyayidla etihosheni.

1 Tikhronike 5:9

Ngasemphumalanga bebakhe kusukela emnyeleni welihlane kuze kuyewufika emfuleni iYufrathe, ngobe phela netifuyo tabo tase tandze kakhulu kaGileyadi.

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Numeri 10:12

Sive sema-Israyeli satfutsa eHlane laseSinayi, siphuma ngeticheme taso. Lifu lahamba laze layakuma eHlane lasePharani.

Dutheronomi 1:19

“Satfutsa eHorebe, njengobe Simakadze Nkulunkulu wetfu abesiyalile, sacondza ngasetintsabeni, eveni lema-Amori, sadzabula lonkhe lelo hlane lelesabekako lesenilibonile, saze sefika eKhadeshi Bhaneya.

Dutheronomi 11:11

Kodvwa lelive leningena kulo kuyawulidla live letintsaba netihosha temifula, yebo, live lelinemvula.

Dutheronomi 11:24

Yonkhe indzawo lapho niyawunyatsela khona iyawuba live lenu: Kusukela ehlane kuze kube nguseLebanoni, nekusuka emfuleni iYufrathe kuze kube nguseLwandle Lwasenshonalanga.

Joshuwa 1:4

Live lenu liyawujuba ngelihlane ligudle iLebanoni kuye emfuleni lomkhulu iYufrathe, lidzabule live lemaHethi, kudzimate kufike eLwandle Lolukhulu ngasenshonalanga.

Joshuwa 10:40

Ngako Joshuwa wasincoba sonkhe leso sifundza, ngisho nelive letintsaba imbala, nelaseNegevu, lekuyiningizimu yelive, nematsafa langasenshonalanga, nemacele etintsaba kanye nawo onkhe emakhosi akhona. Kwabate ngisho namunye lowasindza. Wabhubhisa bonkhe bantfu bakuleto tindzawo, njengobe Simakadze Nkulunkulu wema-Israyeli abeshito.

Joshuwa 24:15

Kodvwa nangabe kukhonta Simakadze kubonakala kungatsandzeki kini, ngako khetsani lamuhla kutsi nitawukhonta bani, nome bonkulunkulu lababekhontwa bokhokho benu ngesheya kweMfula, nome bonkulunkulu bema-Amori, akulelive lese nakhe kulo. Kodvwa mine nendlu yami sitawukhonta Simakadze.”

Joshuwa 9:1

Kwatsi kube onkhe emakhosi langasenshonalanga kwemfula iJordane eve ngaletintfo, labo labaseveni letintsaba nangasematsafeni langasenshonalanga, kugudla lusentse lweLwandle Lolukhulu kuze kuyewufika eLebanoni, emakhosi emaHethi, nema-Amori, nemaKhenani, nemaPheresi, nemaHivi, nemaJebhusi,

Sembulo 9:14

likhuluma kulengilosi yesitfupha leyayinelicilongo litsi: “Tfukulula letingilosi letine letiboshwe emfuleni lomkhulu iYufrathe.”