Dutheronomi 1:4 - Siswati 1996 Bible

⁴ Loko wakwenta emvakwekuba asehlule Sihoni, inkhosi yema-Amori, leyayibusa eHeshboni. Emphini yase-Edreyi abehlule Ogi, inkhosi yaseBhashani, leyayibusa e-Ashtarothe.

Dutheronomi 1:4 Referencias Cruzadas

Genesisi 14:5

Ngemnyaka weli-14 weta Khedolawomere nalamanye emakhosi labenawo, balwa behlula emaRefa e-Ashtherothe Khanayimu, nemaZuzi eHhamu, nema-Emi eShave Khiriyathayimu,

Nehemiya 9:22

“Wabapha imibuso netive, wababela ngisho nemave lakhashane asemikhawulweni. Badla live laSihoni, inkhosi yaseHeshboni, nelive laka-Ogi, inkhosi yaseBhashani.

Tihlabelelo 135:11

Wabulala Sihoni, inkhosi yema-Amori. Wabulala Ogi, inkhosi yaseBhashani, kanye nawo onkhe emakhosi aseKhenani.

Dutheronomi 1:5

Ngasemphumalanga nemfula iJordane, eveni lakaMowabi, Mosi wacala wawufundzisa lomtsetfo. Wakhuluma watsi:

Dutheronomi 2:26

“Ngako ngatfumela titfunywa ngesikhatsi siseseHlane laseKhedemothi, taya enkhosini Sihoni, eHeshboni, ngatsi tibofike tikhulume ngemavi ekuthula titsi:

Dutheronomi 3:1

“Sesuka lapho senyuka ngemgwaco locondza eBhashani; Ogi, inkhosi yaseBhashani, waphuma kanye nemabutfo akhe onkhe atesihlasela emphini e-Edreyi.

Dutheronomi 3:6

Sawabhubhisa sawacedza onkhe, njengobe senta kuSihoni, inkhosi yaseHeshboni; sabhubhisa onkhe emadolobha, nemadvodza, nebafati nebantfwana.

Dutheronomi 4:47

Balidla live lakhe nelive la-Ogi, inkhosi yaseBhashani, lamakhosi lamabili esive sema-Amori ngasemphumalanga kwemfula iJordane.