Danyela 9:6 - Siswati 1996 Bible

⁶ Asikatilaleli tinceku takho baphrofethi, lababekhuluma egameni lakho, kuwo emakhosi etfu, nakubabusi betfu, nakubobabemkhulu, nakubo bonkhe bantfu belive.

Danyela 9:6 Referencias Cruzadas

2 Emakhosi 18:12

Loku kwenteka, ngobe babengakamlaleli Simakadze Nkulunkulu wabo, kodvwa basephula sivumelwane sakhe, konkhe loko Mosi, inceku yaSimakadze, labebayale ngako. Abazange balalele imiyalo yakhe, futsi abahambanga nangayo.

2 Tikhronike 33:10

Simakadze wakhuluma kuManase nakubantfu bakhe, kodvwa abazange bamnake.

Ezra 9:7

Kusukela etikhatsini tabokhokho kuze kube ngumanje, bubi betfu bebuvele bubukhulu. Ngenca yetono tetfu, tsine nemakhosi etfu nebaphristi betfu besibantfu bekubulawa ngenkemba nekutfunjwa, nekuphangwa kanye nekwentelwa phansi etandleni temakhosi etive, njengobe kusenjalo lamuhla.

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Nehemiya 9:32

“Ngako-ke manje, Nkulunkulu wetfu, lomkhulu kakhulu, nalonemandla, Nkulunkulu lowesabekako, yebo, wena logcina sivumelwane sakho selutsandvo, ungabenti bulukhuni bube yintfo lencane emehlweni akho, bona lobumatima lobehlele etikwetfu, nasemakhosini etfu, nakubaholi betfu, nasetikwebaphristi, nasetikwebaphrofethi, nasetikwabobabe betfu, nakuso sonkhe sive sakho, kusukela etinsukwini temakhosi ase-Asiriya kuze kube ngulamuhla.

Nehemiya 9:34

Emakhosi etfu, nebaholi betfu, nebaphristi betfu kanye nabobabe betfu abazange bawulandzele umtsetfo wakho; abazange bayinake imiyalo yakho kanye neteluleko takho lowabanika tona.

Jeremiya 26:5

futsi naningawalaleli emavi etinceku tami, baphrofethi, lengititfumele kini emaphindzephindze, nine solomane ningalaleli,

Jeremiya 29:19

Simakadze utsi: ‘Ngobe abakawalaleli emavi ami, emavi lengangibatfumelela wona njalonjalo ngetinceku tami baphrofethi; nani nine batfunjwa, nani anikangilaleli,’ kusho Simakadze.

Jeremiya 44:16

“Singeke sililalele lelivi lolikhulume kitsi ngelibito laSimakadze.

Jeremiya 7:13

Ngesikhatsi nenta tonkhe letintfo, bengikhuluma kini njalonjalo ngaletintfo, kodvwa anikangilaleli; nginibitile, kodvwa anikasabeli, kusho Simakadze.

Jeremiya 7:24

Kodvwa abazange balalele, futsi abanakanga nekunaka; esikhundleni saloko balandzela kutsambekela kwenkhani yetinhlitiyo tabo letimbi. Babuyela emuva, bangete baya embili.

Danyela 9:10

asikalilaleli livi laSimakadze Nkulunkulu wetfu, futsi asikayigcini imitsetfo lasinika yona ngetinceku takhe baphrofethi.

Danyela 9:9

Simakadze Nkulunkulu wetfu unemusa nekutsetselela, nome nje sihlubukile kuye;

Matewu 23:37

“Jerusalema, Jerusalema! Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfu bakho, njengesikhukhukati sifukamela emantjwele aso, kodvwa awuzange sewungivumele!

Imisebenti yebaPhostoli 13:27

Bantfu labahlala eJerusalema nebaholi babo abazange bati kutsi Jesu unguMsindzisi, abevanga nemavi ebaphrofethi labawafundza njalo ngemaSabatha, kepha bawagcwalisa ngekubulala Jesu.