Danyela 9:25 - Siswati 1996 Bible

²⁵ “Yati loku ukucondzisise: Kusukela ekumisweni kwesimiso sekutsi kubuye kuvuswe kabusha iJerusalema yakhiwe, kuze kufike umbusi Logcotjiwe, kuyawuba netikhatsi letisikhombisa netikhatsi letingema-62. Iyakwakhiwa kabusha netitaladi tayo, kumbiwe nemsele wayo, kodvwa kuyawube sekutikhatsi tenhlupheko.

Danyela 9:25 Referencias Cruzadas

2 Samuweli 15:25

Inkhosi yakhuluma kuSadoki, yatsi: “Tsatsani lelibhokisi lesivumelwane nilibuyisele edolobheni. Nangitfole umusa emehlweni aSimakadze, utangibuyisa, angivumele ngiphindze ngilibone, kanye nendzawo lapho lihlala khona.

Ezra 4:24

Ngako umsebenti wekwakha indlu yaNkulunkulu eJerusalema wema, kwaze kwaba ngumnyaka wesibili wekubusa kwaDariyusi, inkhosi yasePheresiya.

Ezra 7:1

Emvakwaloko, ngesikhatsi sekubusa kwa-Athazeksesi, inkhosi yasePheresiya, Ezra, umsa waSeraya, umsa wa-Azariya, umsa waHilkiya,

Ezra 7:8

Ezra wefika eJerusalema ngenyanga yesihlanu ngemnyaka wesikhombisa wekubusa kwenkhosi.

Nehemiya 3:1

Eliyashibi, umPhristi Lomkhulu, kanye nabomnakabo lababebaphristi bawusukumela umsebenti, bakha Lisango Letimvu. Balinikela kuNkulunkulu, base bemisa tivalo talo ngabolonina, bakha lubondza badzimate befika eMbhoshongweni Welikhulu, nawo labawunikela kuNkulunkulu, bachubeka nekwakha kwaze kwaba nguseMbhoshongweni waHananeli.

Nehemiya 4:2

akhuluma embikwebangani bakhe nasembikwemabutfo aseSamariya, watsi: “Tentani letiyatsayatsa temaJuda? Tingaluvusa yini lolubondza lwato? Tiyawunikela yini ngemihlatjelo? Tingalucedza yini ngalanga linye? Lamatje lashile aba ngumlotsa tingawavusa yini aze abe yintfo lephilako?”

Nehemiya 4:8

Ngako bahlangana bonkhe ndzawonye, bakha luzungu lwekutsi bete batekulwa neJerusalema basuse lutfutfuva kuyo.

Nehemiya 6:15

Lubondza lwaphela kwakhiwa ngelilanga lema-25 enyangeni ya-Eluli, emvakwemalanga langema-52.

Tihlabelelo 71:10

Ngobe titsa tami tikhuluma kabi ngami, nalabo labafuna kungibulala bahlangene ngami bayangisongela,

Umshumayeli 3:3

sikhatsi sekubulala nesikhatsi sekuphilisa, sikhatsi sekubhidlita nesikhatsi sekwakha,

Isaya 55:4

Buka la, ngimbeke waba ngufakazi etiveni, yebo, umholi nendvuna yetive.

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Danyela 8:11

Lwatikhulisa lona kutsi lube lukhulu lube ngangembusi walamabutfo, lwasusa imihlatjelo yemalanga onkhe kuye, nendzawo yakhe lengcwele yehliselwa phansi.

Danyela 8:25

Iyawuphumelelisa lokungemanga, ititsatse ngekutsi yona ingulongetulu. Bayawutsi nasebativela kutsi bavikelekile, ibabhubhise linyenti labo, imelane nembusi webaphatsi. Noko yona iyawubhujiswa, kodvwa hhayi ngemandla ebantfu.

Danyela 9:23

Watsi nje ucala kuthandaza, wanikwa imphendvulo, lengitekutjela yona, ngobe utsandzekile. Ngako visisa lelivi, uwucondzisise lombono:

Mikha 5:1

Bantfu baseJerusalema, butsanani ndzawonye! Sesivinjetelwe! Sebahlasela umholi waka-Israyeli!

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Matewu 13:23

Lena leyayihlanyelwe emhlabatsini lovundzile ifanekisa lowo lolivako livi, alicondze, bese utsela titselo: lomunye ngelikhulu, lomunye ngema-60, nalomunye ngema-30.”

Matewu 24:15

“Ngako-ke nanibona sinengisoncitsakalo sime endzaweni lengcwele, njengobe asho umphrofethi Danyela,” (lofundzako akacaphele inchazelo yaloku),

Makho 13:14

“Kodvwa nanibona ‘Sinengisoncitsakalo’ eme endzaweni lengakamfaneli,” (lofundzako akacaphele inchazelo yaloku), “labo labaseJudiya ababalekele etintsabeni.

Johane 1:41

Yena watfola kucala umnakabo, Simoni, watsi kuye: “Sesimtfolile Mesiya.” (Lelibito lisho kutsi: “Khristu.”)

Johane 4:25

Umfati watsi kuye: “Ngiyati kutsi Mesiya, lokutsiwa nguKhristu, utawufika. Nasefikile yena utakusitjela konkhe.”

Imisebenti yebaPhostoli 3:15

Ngako nabulala uMtfombo Wemphilo. Kodvwa Nkulunkulu wamvusa kulabafile, tsine-ke sibofakazi baloko.

Imisebenti yebaPhostoli 5:31

Nkulunkulu wamenyusela ngasesandleni sakhe sekudla njengeMholi neMsindzisi, kuze anike bantfu baka-Israyeli litfuba lekuphendvuka, kutsetselelwe tono tabo.

Imisebenti yebaPhostoli 8:30

Nangempela Filiphu wagijima wasondzela, weva umTopiya afundza incwadzi yemphrofethi Isaya, wase uyabuta Filiphu utsi: “Uyakuva yini loku lokufundzako?”

Kubase-Efesu 5:16

Nibambisise ematfuba, ngobe emalanga mabi.

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,

Sembulo 19:16

Engutjeni yakhe nasetsangeni lakhe kubhalwe libito lelitsi: “INkhosi yemakhosi, uMbusi webabusi.”