Danyela 9:17 - Siswati 1996 Bible

¹⁷ “Manje-ke Nkulunkulu wetfu, vani umthandazo nekuncusa kwenceku yakho. Ngenca yakho nje, Simakadze, mane ubuke ngesihawu lithempeli lakho lese libhidlitiwe.

Danyela 9:17 Referencias Cruzadas

1 Emakhosi 8:28

Noko, mane uwunake umthandazo wenceku yakho, nekuncusa kwayo ngemusa. Awu! Simakadze, Nkulunkulu wami, vani kukhala kwami nemkhuleko lowentiwa yinceku yakho lapha ebukhoneni bakho lamuhla nje.

Nehemiya 1:6

Indlebe yakho ayilalele, nemehlo akho avuleke, khona utekuva umthandazo wenceku yakho lewuthandaza embikwakho imini nebusuku, ithandazela tinceku takho, sive sema-Israyeli. Ngiyativuma tono tetfu, tsine ma-Israyeli, ngitifaka ekhatsi nami, sonkhe kanye nendlu yaketfu kutsi sonile kuwe.

Tihlabelelo 119:135

Ngikhanyise ngebuso bakho mine, nceku yakho; ungifundzise timiso takho.

Tihlabelelo 4:6

Labanyenti batsi: “Ngubani longasentela tintfo letinhle?” Simakadze, sikhanyisele ngebukhona bakho.

Tihlabelelo 67:1

Shangatsi Nkulunkulu angaba nemusa kitsi, asibusise, akhanyise buso bakhe etikwetfu. Cabanga.

Tihlabelelo 67:2

Indlela yakho ayatiwe emhlabeni wonkhe, kwatiwe nensindziso yakho etiveni tonkhe.

Tihlabelelo 74:3

Yelulela tinyawo takho ekudzilitweni kwaphakadze, sitsa sibhidlite konkhe endlini lengcwele!

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 80:19

Sibuyisele kuwe, Nkulunkulu wemabandla! Khanyisa buso bakho bumengetele, kuze sisindziswe.

Tihlabelelo 80:3

Sibuyisele kuwe, Nkulunkulu. Khanyisa buso bakho bumengetele, kuze sisindziswe.

Tihlabelelo 80:4

Awu, Simakadze, Nkulunkulu wemabandla! Kutawuze kube ngunini ucansulwa ngimithandazo yesive sakho?

Tihlabelelo 80:7

Sibuyisele kuwe, Nkulunkulu wemabandla! Khanyisa buso bakho bumengetele, kuze sisindziswe.

Isaya 48:11

Ngenca yami, nangekwami ngiyakwenta loku. Ngingeke ngivume kutsi Libito lami lihlazeke. Ngingeke nginike lomunye inkhatimulo yami.”

Sililo 3:56

Wakuva kuncusa kwami: “Ungativali tindlebe takho ekukhaleni kwami; ngicela kuphunyutwa.”

Sililo 5:18

ngobe intsaba iSiyoni seyisele ikhala libhungane, timphungutja tiyajangaza kuyo.

Danyela 9:19

Awu Simakadze, lalela! Awu Simakadze, tsetselela! Awu Simakadze, vani, wente! Awu, Nkulunkulu wami, ngenca yakho mane ungete wabina, ngobe lidolobha lakho nesive sakho kubitwa ngeLibito lakho.”

Johane 16:24

Sekuze ngunyalo anikaceli lutfo egameni lami. Celani nitawuphiwa, kuze kutfokota kwenu kuphelele.”

2 kubaseKorinthe 1:20

Kuto tonkhe tetsembiso takhe Nkulunkulu utsi: “Yebo” kuyo. Kungako nje-ke sidvumisa Nkulunkulu sitsi: “Amen,” ngaJesu Khristu.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.