Danyela 9:13 - Siswati 1996 Bible

¹³ Njengobe kubhaliwe emtsetfweni waMosi, yonkhe lenhlekelele yehlele etikwetfu, kodvwa tsine sisengakabufunisisi buso baSimakadze Nkulunkulu wetfu, ngekutsi siphendvuke etonweni tetfu, sinakekele ngekucophelela liciniso lakho.

Danyela 9:13 Referencias Cruzadas

2 Emakhosi 22:16

‘Naku lokushiwo nguSimakadze, utsi: Ngitakwehlisela inhlekelele kulendzawo nakubantfu bayo, kuye njengobe kubhaliwe kulencwadzi lefundvwe yinkhosi yakaJuda.

Jobe 36:13

“Labangamesabi Nkulunkulu bafukamela lulaka, ngisho nome asababopha ngetinketane, abakhali bacele lusito.

Tihlabelelo 119:18

Vula emehlo ami, kuze ngibone timangaliso letisemtsetfweni wakho.

Tihlabelelo 119:27

Ngente ngiticondzisise timiso takho, kuze ngikhulume ngetimangaliso takho.

Tihlabelelo 119:73

Tandla takho tangidala tangibumba; ngiphe ingcondvo yekufundza imiyalo yakho.

Tihlabelelo 85:4

Sibuyise, Nkulunkulu wensindziso yetfu! Lahla kucansuka kwakho ngatsi.

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Isaya 42:9

Buka la, tintfo takucala setentakele, sengimemetela tintfo letinsha; tisengakacali kubonakala ebaleni, senginatisa tona.”

Isaya 43:22

“Noko awukangibiti, wena Jakobe, awukatihluphi ngami, wena Israyeli.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Isaya 64:7

Kute namunye lobita Libito lakho, nome lotimisela kubambelela kuwe, ngobe ubufihlile buso bakho kitsi, wasicedza ngenca yetono tetfu.

Isaya 9:13

Kodvwa bantfu abakaphendvukeli kuye lowo lowabashaya, futsi abakamfunisisi Simakadze longuSomandla.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 30:14

Bonkhe bangani bakho sebakukhohliwe, abasanaki lutfo lwakho. Ngikushaye njengesitsa, ngakujezisa njengalonelulaka, ngobe licala lakho lilikhulu kakhulu, netono takho titinyenti.

Jeremiya 31:18

“Impela ngikuvile kububula kwa-Efrayimu, kutsi: “ ‘Wangicondzisa njengelitfole lelisichomoketi, futsi vele sengifundzisekile. Ngibuyisele, ngitawubuyela, ngobe wena unguSimakadze longuNkulunkulu wami.

Jeremiya 44:23

Njengobe nitfuncise imphepho, nona kuSimakadze, nangete namlalela nome nilandzele umtsetfo wakhe, netimiso takhe, netecwayiso takhe, lenhlekelele seyehlele etikwenu, njengobe nibona nje lamuhla.”

Jeremiya 44:27

Ngobe sengibabekele lokubi, hhayi lokuhle; emaJuda laseGibhithe ayawubhubha ngenkemba nangendlala, aze abhujiswe onkhe.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Sililo 5:21

Awu! Simakadze, sibuyisele kuwe, kuze natsi sitewubuyela kuwe; sivusetele emalanga etfu abe njengemalanga asendvulo.

Hezekeli 16:43

“ ‘Njengobe awuzange uwakhumbule emalanga ebusha bakho, kodvwa wangitfukutselisa ngato tonkhe letintfo, ngempela ngiyawukwehlisela etikwenhloko yakho loku lokwentile, kusho iNkhosi Simakadze. Awukabengeti nje lobugwababane bakho kuto tonkhe letindlela takho letinengekako?’ ”

Danyela 9:11

Wonkhe Israyeli uwephulile umtsetfo wakho, weduka wala kulalela livi lakho. “Ngako-ke ticalekiso letibhalwe emtsetfweni waMosi, inceku yaNkulunkulu, setitfululelwe etikwetfu ngenca yekona kwetfu kuwe.

Hoseya 7:10

Kutigcabha kwa-Israyeli kubufakazi lobumelene naye, kodvwa etikwako konkhe loko akabuyeli kuSimakadze Nkulunkulu wakhe, nome-ke amfune.

Hoseya 7:14

Abakhali kimi ngalokusuka etinhlitiyweni tabo, kodvwa balila emibhedzeni yabo. Babutsana ndzawonye babutsanele emabele neliwayini lelisha, kodvwa bangifulatsele mine.

Hoseya 7:7

Bonkhe bashisa njengelihhavu, bashwabudzela babusi babo. Onkhe emakhosi abo ayawa, kute namunye emkhatsini wabo locela lusito kimi.”

Lukha 24:45

Wase uvula tingcondvo tabo, kuze bacondzisise imiBhalo.

Johane 10:35

Wababita ngekutsi bonkulunkulu labo babenelivi laNkulunkulu, umBhalo ungeke uguculwe.

Johane 6:45

Kubhaliwe kubaphrofethi kutsi: ‘Bonkhe bayawuba ngulabafundziswe nguNkulunkulu.’ Bonkhe labevile kuBabe, bafundza kuye, bayeta kimi.

Johane 8:32

niyawulati liciniso, neliciniso liyawunikhulula.”

Kubase-Efesu 4:21

nangabe-ke nimvile nafundziswa futsi kuye, njengobe liciniso likuJesu.

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.