Danyela 8:3 - Siswati 1996 Bible

³ Ngatsi ngiphakamisa emehlo, ngabona embikwami kunesihhanca sinetimphondvo letimbili, sime eceleni kwalomfula, letimphondvo tatitindze. Lolunye lwaletimphondvo lwaluludze kunalolu lolunye, kodvwa lwamila kamuva.

Danyela 8:3 Referencias Cruzadas

1 Tikhronike 21:16

Davide watsi ubuka etulu, wabona ingilosi yaSimakadze ime emkhatsini welizulu nemhlaba iphakamise inkemba ngesandla sayo iyibhekise ngaseJerusalema. Davide kanye netimphunga base bembatsa emasaka bawa phansi ngebuso, bakhotsama.

Ezra 1:2

“Naku lokushiwo nguKhuresi, inkhosi yasePheresiya, utsi: “ ‘Simakadze, Nkulunkulu welizulu, unginike yonkhe imibuso yemhlaba, wangiyala nekutsi ngimakhele lithempeli lakhe eJerusalema kulakaJuda.

Ezra 4:5

Badizela letinye tiphatsimandla tembuso kutsi tiyigongonye yonkhe imitamo yekwakha sonkhe sikhatsi sekubusa kwaKhuresi, inkhosi yasePheresiya, kwaze kwaba sikhatsi sekubusa kwaDariyusi, inkhosi yasePheresiya.

Esta 1:3

Kwatsi ngemnyaka wesitsatfu wekubusa kwakhe wenta lidzili lelikhulu, wamema tonkhe tiphatsimandla takhe netindvuna takhe. Wamema nemabutfo asePheresiya newaseMediya. Tonkhe tikhulu tatikhona, tikanye netiphatsimandla tembuso.

Isaya 13:17

“Bukani la, ngiyawuvusa emaMede kutsi abahlasele, bantfu labangatsengeki ngesiliva nalabangeke balingwe ngegolide.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Isaya 44:28

Ngimi futsi lokhuluma ngaKhuresi atsi: ‘Ungumelusi wami, uyawukwenta konkhe loko lengikutsandzako; uyawukhuluma ngeJerusalema, atsi: “Ayakhiwe kabusha,” nangelithempeli atsi: “Akwakhiwe tisekelo talo.” ’ ”

Jeremiya 51:11

“Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.

Danyela 10:5

ngatsi ngiyabuka, ngabona embikwami kume umuntfu embetse telineni, atibophe ngelibhande legolide lecengekile elukhalo.

Danyela 2:39

“Emvakwakho, kuyawuvela lomunye umbuso lomncane kunalowakho. Lolandzelako, ngumbuso wesitsatfu, umbuso welitfusi, uyawubusa umhlaba wonkhe.

Danyela 5:31

Dariyusi, umMede, watsatsa umbuso, asaneminyaka lengema-62.

Danyela 6:28

Ngako Danyela waphumelela ngesikhatsi sekubusa kwaDariyusi nangesikhatsi sekubusa kwaKhuresi, umPheresiya.

Danyela 7:5

“Ngatsi ngisabukile, naku embikwami sekume lesinye silo sesibili, sona-ke sasinjengelibhele. Saphakanyiswa ngalomunye wemihlubulo yaso, sasinetimbambo letintsatfu emlonyeni waso emkhatsini wematinyo aso, satjelwa kwatsiwa: ‘Vuka, udle, wesutse inyama.’

Danyela 8:2

Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Danyela 8:20

Lesihhanca losibonile lesinetimphondvo letimbili, simele emakhosi aseMediya newasePheresiya.

Zakhariya 1:18

Ngase ngiphakamisa emehlo ami ngabuka, ngabona embikwami kunetimphondvo letine.

Zakhariya 2:1

Ngase ngiphakamisa emehlo ami ngabuka, ngabona embikwami kume indvodza leyayiphetse intsambo yekukala esandleni sayo.

Zakhariya 5:1

Ngaphindza ngaphakamisa emehlo ami ngabuka, ngabona embikwami kundiza incwadzi legocotwako!

Zakhariya 5:5

Lengilosi leyayikhuluma nami yasondzela kimi, yafike yatsi: “Phakamisa emehlo akho ubone kutsi kuyini loku lokuvelako.”

Zakhariya 5:9

Ngase ngiphakamisa emehlo ami ngabuka, ngabona embikwami kunebafati lababili bandiza emoyeni ngetimphiko tabo. Letimphiko tabo tatifanana netadvoye, base baphakamisa lelibhasikidi, laze labasemkhatsini welizulu nemhlaba.

Zakhariya 6:1

Ngatsi ngiphakamisa emehlo njalo ngiyabuka, ngabona kuchamuka tincola letine, tiphuma emkhatsini wetintsaba letimbili, tintsaba telitfusi!

Numeri 24:2

Bhalamu watsi uyabuka wabona ema-Israyeli emisile, sive ngesive, Moya waNkulunkulu wehlela etikwakhe,

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”

Sembulo 13:11

Ngase ngibona lesinye silo lesaphuma emhlabatsini, sasinetimphondvo letimbili letatifanana netelizinyane lemvu, sakhuluma njenganyokangwenya.

Sembulo 5:6

Ngabona liWundlu sengatsi lihlatjiwe. Lalime ngasesihlalweni sebukhosi lesasitungeletwe tidalwa letine nemalunga. LeliWundlu lalinetimphondvo letisikhombisa nemehlo lasikhombisa, lekuyimimoya yaNkulunkulu lesikhombisa leyayitfunyelwe emhlabeni wonkhe.