Danyela 8:22 - Siswati 1996 Bible

²² Letimphondvo letine letamila esikhundleni salolwa lolwephulwa, timele imibuso lemine leyawuvela kuleso sive, kodvwa ingeke ibe nemandla lafananako.

Danyela 8:22 Referencias Cruzadas

Danyela 11:4

Iyawutsi nase ivele, umbuso wayo bese uyehlukaniswa ubhekiswe emimoyeni yomine yasezulwini. Ngeke wendlulele etitukulwaneni tayo, futsi ngeke ube nalamandla leyayiwasebentisa, ngobe lombuso wayo uyawusishulwa unikwe labanye.

Danyela 7:6

“Emvakwaloko, ngatsi ngiyabuka, ngabona embikwami lesinye futsi silo, sona-ke sasifanana nengwe. Lapha emhlane waso sasinetimphiko letine letinjengetenyoni. Lesilo sasinetinhloko letine, sanikwa emandla ekubusa.

Danyela 7:7

“Emvakwaloko, embonweni wami ebusuku ngabuka, ngabona embikwami lesinye futsi silo sesine, sasesabeka, setfusana kakhulu futsi sinemandla lamakhulu. Sasinetimbabela tematinyo ensimbi, sasikufihlita sikushwabudzele loko lesikubambile sigcobagcobe loku lokwakusele kwako ngetinselo taso. Sasehlukile kuto tonkhe leta takucala tilo, futsi sasinetimphondvo letilishumi.

Danyela 8:21

Lesiyephuyephu sesiphongo siyinkhosi yaseGrisi, naloluphondvo lolukhulukati lolusemkhatsini wemehlo aso, yinkhosi yekucala.

Danyela 8:23

“Kuyawutsi ngasekupheleni kwekubusa kwayo, lapho buphekula sebubunyenti ngalokuphelele, kuyawuvela inkhosi lenebuso lobulukhuni, inkhosi yemanga yekwakha emacebo.

Danyela 8:3

Ngatsi ngiphakamisa emehlo, ngabona embikwami kunesihhanca sinetimphondvo letimbili, sime eceleni kwalomfula, letimphondvo tatitindze. Lolunye lwaletimphondvo lwaluludze kunalolu lolunye, kodvwa lwamila kamuva.

Danyela 8:8

Lesiphongo satikhukhumukisa saba sikhulu kakhulu, kodvwa kwatsi lapho sesinemandla, lwephuka loluphondvo lwaso lolukhulu, kwatsi esikhundleni salo kwamila timphondvo letine letigcamile, takhula taya etulu emimoyeni yomine yelizulu.

Zakhariya 6:1

Ngatsi ngiphakamisa emehlo njalo ngiyabuka, ngabona kuchamuka tincola letine, tiphuma emkhatsini wetintsaba letimbili, tintsaba telitfusi!