Danyela 8:2 - Siswati 1996 Bible

² Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Danyela 8:2 Referencias Cruzadas

Genesisi 10:22

Emadvodzana aShemi bekubo-Elamu, na-Ashuri, na-Aphakshadi, naLudi, na-Aramu.

Genesisi 14:1

Emakhosi lamane: Amrafeli, inkhosi yaseShinari, na-Ariyoki, inkhosi yase-Elasare, naKhedolawomere, inkhosi yase-Elamu, naThidali, inkhosi yetive,

Nehemiya 1:1

Lamavi angumlandvo waNehemiya, umsa waHakaliya. Loko kwenteka ngenyanga lenguKhislevu, emnyakeni wema-20 wekubusa kwa-Athazeksesi, ngiseseSusa enqabeni yalelo dolobha.

Esta 1:2

Ngaleso sikhatsi Ahashiveroshi abebusela esigodlweni sakhe lesasiseSusa.

Esta 2:8

Emvakwekukhishwa kwalesimemetelo semtsetfo lomusha emantfombatana lamanyenti aletfwa lapha esigodlweni saseSusa, na-Esta abengulomunye wawo. Naye wetfulwa etandleni taHegayi labeyindvuna yabo esihoncweni.

Esta 3:15

Ngekuyala kwenkhosi leso simemetelo sakhishwa eSusa inhlokodolobha yalowo mbuso; emancusa aphutfumisa lesimemetelo kuwo onkhe emave. Inkhosi naHamani bona bahlala phansi banatsa ngesikhatsi lidolobha lonkhe laseSusa lidzidzekile ngekumangala.

Esta 7:6

Esta watsi: “Sitsa setfu, umuntfu losenyanyako, nalesisinengiso kuye ngunangu Hamani, lonenhlitiyo lembi!” Hamani wahlahlela inkhosi nenkhosikati lenkhulu emehlo asetfukile, esaba.

Esta 8:15

Modekhayi waphuma endlunkhulu embetse imijiva yebukhosi lelingangane nalemhlophe, nengubo lebukhwebeletane kanye nemchele lomuhle wegolide. Bonkhe bantfu edolobheni laseSusa bema etitaladini bamemeta ngalokukhulu kujabula.

Esta 9:11

Ngalona lelo langa sibalo sebantfu lababebulewe ngemaJuda eSusa sabikelwa inkhosi.

Esta 9:15

EmaJuda labeseSusa aphindza abutsana ndzawonye ngelilanga leli-14, enyangeni ya-Adari, abulala lamanye emadvodza langema-300. Noko akazange atiphange timphahla tawo.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Jeremiya 25:25

nawo onkhe emakhosi aseZimri, newase-Elamu, newaseMediya;

Hezekeli 1:1

Ngemnyaka wema-30, enyangeni yesine, ngelilanga lesihlanu, ngangisesemkhatsini walababetfunjiwe, ngasemfuleni iKhebari, kwavuleka emazulu, ngabona imibono yaNkulunkulu.

Hezekeli 32:24

“I-Elamu ilapho, kanye nato tonkhe ticumbi tebantfu bayo labatungelete lithuna layo. Bonkhe bagwaziwe, balahlwa phansi ngenkemba. Bonkhe labo lababange kutfutfumela eveni lalabaphilako behla bangakasoki baya ngaphansi kwemhlaba. Betfwele lihlazo labo kanye nalabo labehlela emgodzini.

Danyela 10:4

Kwatsi ngelilanga lema-24 enyangeni yekucala, ngiseme elusentseni lwemfula lomkhulu iThigrisi,

Danyela 7:15

“Mine Danyela ngakhatsateka emoyeni wami, nalemibono leyendlula engcondvweni yami yangiphatamisa emphefumulweni.

Danyela 7:2

Danyela watsi: “Embonweni wami ebusuku, ngabona embikwami kwakunemimoya yomine yasezulwini, ivumbuka elwandle lolukhulu.

Danyela 8:1

Ngemnyaka wesitsatfu wekubusa kwenkhosi Bhelshasari, mine Danyela ngabona umbono, ngemvakwalowo lowase ubonakele kimi.

Danyela 8:3

Ngatsi ngiphakamisa emehlo, ngabona embikwami kunesihhanca sinetimphondvo letimbili, sime eceleni kwalomfula, letimphondvo tatitindze. Lolunye lwaletimphondvo lwaluludze kunalolu lolunye, kodvwa lwamila kamuva.

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

KumaHebheru 1:1

Endvulo Nkulunkulu wakhuluma kubokhokho betfu ngebaphrofethi, ngetikhatsi letinyenti nangetindlela letinyenti.

Sembulo 9:17

Embonweni wami lamahhashi ngawabona anje: Labagibeli babefake tivikelo tetifuba letatibovu njengemlilo, netesafire, netesibabule; tinhloko temahhashi tatinjengetinhloko temabhubesi, emilonyeni yawo kuphuma umlilo, nentfutfu, nesibabule.