Danyela 8:17 - Siswati 1996 Bible

¹⁷ Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Danyela 8:17 Referencias Cruzadas

Genesisi 17:3

Abrama wakhotsamisa buso bakhe, batsintsa phansi, Nkulunkulu watsi kuye:

Hezekeli 1:28

Lokukhanya kwakumtungeletile njengemushi wenkosazana ubonakala emafini, ngelilanga lekuna kwemvula. Loku bekukubonakala lokwakubonakalisa bukhosi baSimakadze. Ngatsi kube ngikubone konkhe loku, ngawa ngibhekise buso bami phansi, ngase ngiva livi lalokhulumako.

Hezekeli 2:1

Wakhuluma kimi, watsi: “Ndvodzana yemuntfu, sukuma ume ngetinyawo takho, ngitawukhuluma nawe.”

Hezekeli 44:4

Lendvodza yase ingihola ngendlela yelisango langasenyakatfo ingiyisa embikwelithempeli. Ngatsi ngiyabuka, ngabona inkhatimulo yaSimakadze igcwalisa lithempeli laSimakadze, ngawa ngibhekise buso bami phansi.

Hezekeli 6:2

“Ndvodzana yemuntfu, buka ngasetintsabeni taka-Israyeli, phrofetha kuto, utsi:

Danyela 10:11

Watsi: “Danyela, wena lotsandzekile, caphelisisa lamavi lesengitakutjela wona, sukuma ume, ngobe nyalo ngitfunyelwe kuwe.” Watsi kube asho njalo kimi, ngasukuma ngichachatela.

Danyela 10:16

Kwaba khona lonjengemuntfu lowatsintsa tindzebe temlomo wami, ngase ngiyakhuluma; ngakhuluma kulowo labeme embikwami, ngatsi: “Ngehlulwa kwesaba ngenca yalombono, nkhosi yami, angisenamandla.

Danyela 11:27

Lawo makhosi lamabili layawube tinhlitiyo tawo ticondze bubi, ayawuhlala etafuleni linye ayengane odvwa, kodvwa loko kungasiti lutfo, ngobe siphetfo sona siyawuhlale sifike ngesikhatsi saso lesibekiwe.

Danyela 11:40

“Ngesikhatsi sekugcina, inkhosi yaseningizimu iyawuhlaselana nayo emphini, kodvwa inkhosi yasenyakatfo iyawuyidvumela iyekulwa nayo ngetincola temphi nangemasotja lagibele emahhashi emphi, nangalelikhulu lifu lemikhumbi yemphi. Iyawungenela emave lamanyenti, iwakhukhule kube shangatsi ngungesihhuhhula semvula.

Danyela 12:13

“Kodvwa wena Danyela, hamba endleleni yakho kuze kube ngusekugcineni. Uyawuphumula, kuyawutsi ekupheleni kwemalanga, uvuke utekwemukeliswa sabelo sakho lekulifa lakho.”

Danyela 12:4

Kodvwa wena Danyela, wavalele uze uwashicilele lamavi alencwadzi legocotwako, kuze kube nguleso sikhatsi sekugcina. Labanyenti bayawukwehla benyuka bafuna kwati kutsi kwentekani.”

Danyela 2:46

Inkhosi Nebukhadnezari yakhotsama yawa ngebuso embikwaDanyela, imhlonipha, yatsi akentelwe umnikelo, ashiselwe imphepho.

Danyela 7:16

Ngasondzela ngakulomunye walabo lababeme lapho, ngambuta liciniso lako konkhe loku. “Ngako wase uyangitjela, wangichazela kahle nekutsi kusho kutsini konkhe loku:

Danyela 8:15

Ngatsi mine Danyela ngisabukisisa umbono, ngetama kuwuvisisa kahle, ngabona sekume embikwami lokwakunjengemuntfu ngesimo.

Danyela 8:19

Watsi: “Ngitakutjela kutsi kutakwentekani kamuva, ngesikhatsi selulaka, ngobe lombono umacondzana nesikhatsi sekugcina lesimisiwe.

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.

Danyela 9:23

Watsi nje ucala kuthandaza, wanikwa imphendvulo, lengitekutjela yona, ngobe utsandzekile. Ngako visisa lelivi, uwucondzisise lombono:

Danyela 9:27

Lombusi uyawuvumela sivumelwane nalabanyenti ngesikhatsi sinye, kodvwa ekhatsi naleso sikhatsi uyawucedza umhlatjelo nemnikelo. Uyawubeka sinengisoncitsakalo esicongweni selithempeli, kuze sitfululelwe kuye siphetfo lesimisiwe.”

Habakhuki 2:3

Ngobe lesembulo silindzele sikhatsi lesimisiwe; sikhuluma ngesiphetfo lesiphutfumako, futsi ngeke sibonakale singemanga. Nome sephutisa nje, silindzele, sona sitawufika nome kanjani, futsi ngeke sephute.

Matewu 17:8

Kepha batsi nabaphakamisa emehlo abo, bangete babona muntfu ngaphandle kwaJesu yedvwa.

Sembulo 1:17

Ngatsi kube ngimbone, ngawa ngasetinyaweni takhe, ngadzimate ngaba njengemuntfu lofile. Wangibamba ngesandla sakhe sangesekudla watsi: “Ungesabi, mine ngiwekucala newekugcina,

Sembulo 22:8

Ngimi, Johane, loweva waphindze wakubona konkhe loku. Ngatsi kube ngikuve ngikubone konkhe loku, ngawa phansi ngasetinyaweni talengilosi lebeyingikhombisa letintfo, ngentela kuteyikhotsama.